2009/06/25

Alberto Surio: “Irrati telebista publikoak ez luke legez kanpoko taldeen propagandarako bozgorailua izan behar”

Xabier Lapitz kazetariak Alberto Surio EITBko zuzendari berria elkarrizketatu du gaur goizean Radio Euskadiko Boulevard saioan. Bere adierazpen guztien artean nabarmenduena legez kanpoko ezker abertzalearekiko erakutsi duen jarrera izan da:


“Zer ezker abertzaleri buruz ari gara? Batasunaren ingurukoaz? Sentsibilitate desberdinak daude, erakunde, sindikatu, talde legalak eta ez legalak. Nik uste dut irrati telebista publiko batek ez duela legez kanpoko taldeen ordezkari eta bozeramaileen bozgorailu izan behar. Horrek esan nahi du ezker abertzaleko sentsibilitatea duten pertsonak edo ahotsak ez dutela agertu behar? Ez, ez du hori esan nahi. Esan nahi du legez kanpoko talde edo ordezkariek, nire ustez, ez dutela irrati telebista publikoan propagandarako bozgorailua izan behar”.


Euskara bultzatzeko planei buruz ere galdetu dio Lapitzek. Oraindik hiru egun baino ez daramatzala karguan erantzun dio Suriok eta izateko bihozbera. Edonola ere, “ETB-1 errekuperatu eta jendea kate horretara zaletzeko” bere nahia erakutsi du. Beste hainbat gairi buruz ere aritu da Surio: krisiaren eragina, Nafarroa eta Iparraldeko delegazioak, ETB4, irrati telebista publikoaren eredua…


Guztiaren laburpen zehatza EITBren gunean bertan aurki daiteke. Webgune horretan ordea, ez zaio aipamenik egiten elkarrizketaren amaieran egon den tentsio uneari. Lapitzek galdetu dio ea ba al dakien zergatik Patxi Lopezek ez duen onartu bere programan elkarrizketarik egitea. Surioren erantzuna: “Ez daukat ideiarik ere, zerbait irakurria nuen. Bakoitza libre da egiten dizkioten gonbidapenak onartu edo baztertzeko, erantzun ahal dizudan bakarra da zuzendari orokor bezala ematen dudan nire lehenengo elkarrizketa hau dela”.


Nire ustez elkarrizketak izan ditu tentsio uneak, Izaronews-ek dioen moduan. Ikusteko dago Surioren jarduna nolakoa izango den EITBren gidaritzan. Xabier Lapitzen profesionaltasuna nire ustez agerian geratu da, EITBko langile batek izan ditzakeen interesen gainetik, Lapitz kazetaria gailendu da.

Alberto Surio: “Irrati telebista publikoak ez luke legez kanpoko taldeen propagandarako bozgorailua izan behar”

Xabier Lapitz kazetariak Alberto Surio EITBko zuzendari berria elkarrizketatu du gaur goizean Radio Euskadiko Boulevard saioan. Bere adierazpen guztien artean nabarmenduena legez kanpoko ezker abertzalearekiko erakutsi duen jarrera izan da:


“Zer ezker abertzaleri buruz ari gara? Batasunaren ingurukoaz? Sentsibilitate desberdinak daude, erakunde, sindikatu, talde legalak eta ez legalak. Nik uste dut irrati telebista publiko batek ez duela legez kanpoko taldeen ordezkari eta bozeramaileen bozgorailu izan behar. Horrek esan nahi du ezker abertzaleko sentsibilitatea duten pertsonak edo ahotsak ez dutela agertu behar? Ez, ez du hori esan nahi. Esan nahi du legez kanpoko talde edo ordezkariek, nire ustez, ez dutela irrati telebista publikoan propagandarako bozgorailua izan behar”.


Euskara bultzatzeko planei buruz ere galdetu dio Lapitzek. Oraindik hiru egun baino ez daramatzala karguan erantzun dio Suriok eta izateko bihozbera. Edonola ere, “ETB-1 errekuperatu eta jendea kate horretara zaletzeko” bere nahia erakutsi du. Beste hainbat gairi buruz ere aritu da Surio: krisiaren eragina, Nafarroa eta Iparraldeko delegazioak, ETB4, irrati telebista publikoaren eredua…


Guztiaren laburpen zehatza EITBren gunean bertan aurki daiteke. Webgune horretan ordea, ez zaio aipamenik egiten elkarrizketaren amaieran egon den tentsio uneari. Lapitzek galdetu dio ea ba al dakien zergatik Patxi Lopezek ez duen onartu bere programan elkarrizketarik egitea. Surioren erantzuna: “Ez daukat ideiarik ere, zerbait irakurria nuen. Bakoitza libre da egiten dizkioten gonbidapenak onartu edo baztertzeko, erantzun ahal dizudan bakarra da zuzendari orokor bezala ematen dudan nire lehenengo elkarrizketa hau dela”.


Nire ustez elkarrizketak izan ditu tentsio uneak, Izaronews-ek dioen moduan. Ikusteko dago Surioren jarduna nolakoa izango den EITBren gidaritzan. Xabier Lapitzen profesionaltasuna nire ustez agerian geratu da, EITBko langile batek izan ditzakeen interesen gainetik, Lapitz kazetaria gailendu da.

2009/06/23

Azkena

Hiru denboraldi egin ondoren, iritsi da azkeneko post-aren momentua. Berriako Zibergela atalak 2008-2009 denboraldia amaitu du eta horrekin batera nire kolaborazioa ere bai. Ziklo bat amaitu da. Zibergelak irailean jarraituko du, beste norbaiten eskutik sasoi betean bueltatuko dela zalantzarik ez dut.


Mila esker guztioi. Eta ikusiko gara sareko txokoren batean.


Ibon :)

Azkena

Hiru denboraldi egin ondoren, iritsi da azkeneko post-aren momentua. Berriako Zibergela atalak 2008-2009 denboraldia amaitu du eta horrekin batera nire kolaborazioa ere bai. Ziklo bat amaitu da. Zibergelak irailean jarraituko du, beste norbaiten eskutik sasoi betean bueltatuko dela zalantzarik ez dut.


Mila esker guztioi. Eta ikusiko gara sareko txokoren batean.


Ibon :)

2009/06/19

Zer dio Internetek nitaz?

seo-150


Norbaiti edo zerbaiti buruz gehiago jakiteko Internet erabiltzen dugu; beraz kontuz! geure sekretu eta besteek ezagutzea nahi ez dugun xehetasun askoren bozgorailu eta artxibo historiko ere bilaka daiteke eta. Denok irakurri edo entzun dugu kasuren bat: Facebook-en parrandako argazkiak izateagatik kontratatu ez zutenarena, produktu bati buruzko iritzi txarrak irakurtzeagatik konpetentziara joan direnena…


Facebook-eko edukiak guk jarri baditugu, ezabatu ditzakegu, baina zer gertatzen da eduki horiek beste edozein webgunetan baldin badaude? Demagun enpresa bateko kudeatzaile edo marketin arduraduna garela, gure enpresaren izena Googlen sartu eta lehen orrialdeko emaitza gehienak bezeroen kexak eta egunkarietan agertutako “propaganda txarra” direla. Hori ikustea ez da xamurra izango. Galdetu bestela SGAEri. Zer egin dezakegu horrelakoetan?


Honi buruz aritu ziren atzo Guillermo Vilarroig (Overalia) eta Iñaki Lakarra (Mondragon Unibertsitatea), Miramon Enpresa Digitalak antolatutako Ospea eta online monitorizazioa. Zer dio internetek nire enpresaz? Jardunaldian, Arrasateko Garaia Berrikuntza Gunean.


Behin kaltea eraginda, ezin da gauza asko egin edo behintzat oso zaila da konpontzea. Googleri eskatzen badiogu eduki zehatz bat kentzeko, hark webgunearen jabearengana jotzeko esango digu. Eta zer gertatzen da webgunearen jabeak ez badu onartzen kentzea? El País egunkariaren zerbitzu juridikoko Ana Ramosek adibidez dio, El Paísek ezin dituela bere artxiboak aldatu. “Hori historia faltsutzea litzateke. Artxiboak ezin dira ukitu”. Horregatik, inolako irtenbiderik gabe aurkitu baino, hobe erremedioa aurretiaz jartzea.


Hitzaldian entzun nuen guztitik ideia bat geratu zitzaidan argi. Gure enpresaren jarduna edozein dela ere, gure lanen zati bat edukiak sortzera bideratu behar dugu, oso garrantzitsua baita ahalik eta eduki gehien gure kontrolpean izatea. Horiek ongi posizionatzea lortuz gero, eduki kaltegarriak ez dira hain ikusgarriak izango. Beste behin ere etengabe esaten duguna konfirmatzen da: teknologia aurreratuena izan dezakegu, baina hori edukirik gabe hutsa da, ez da ezer, ez du etorkizunik. Horrekin esan nahi dena da garrantzitsua dela erakunde eta enpresek webguneak izatea, baina ez da nahikoa webgune horiek erakusleiho edo salmenta tresna hutsak izatea, erakundeek ere hitz egin behar dute, iritzia eman behar dute, gaiak landu behar dituzte, bloga, prentsa bulegoa edo gutxieneko jardun informatiboa izan behar dute. Horrela baino ez dute lortuko Interneten lehen pantailan (Googleko lehen 10 emaitzen artean) eurek nahi duten “curriculuma” osatzea.


Hala ere, alferrik izango da komunikazio estrategia oso baten plangintza, leialtasun eta jatortasunez jokatzen ez badugu. Jendea ezin da engainatu. Erratu bagara eta aitortzen badugu, hori ulertuko dute, gezurrak entzutea aldiz, ez zaigu inori gustatzen eta horrelako jokaeren oroitzapena, onena baino luzeagoa da, tamalez.


Eta orain sartu Googlen zuen izen-abizenak, ea zuen gustuko “curriculuma” aurkitzen duzuen.

Zer dio Internetek nitaz?

seo-150


Norbaiti edo zerbaiti buruz gehiago jakiteko Internet erabiltzen dugu; beraz kontuz! geure sekretu eta besteek ezagutzea nahi ez dugun xehetasun askoren bozgorailu eta artxibo historiko ere bilaka daiteke eta. Denok irakurri edo entzun dugu kasuren bat: Facebook-en parrandako argazkiak izateagatik kontratatu ez zutenarena, produktu bati buruzko iritzi txarrak irakurtzeagatik konpetentziara joan direnena…


Facebook-eko edukiak guk jarri baditugu, ezabatu ditzakegu, baina zer gertatzen da eduki horiek beste edozein webgunetan baldin badaude? Demagun enpresa bateko kudeatzaile edo marketin arduraduna garela, gure enpresaren izena Googlen sartu eta lehen orrialdeko emaitza gehienak bezeroen kexak eta egunkarietan agertutako “propaganda txarra” direla. Hori ikustea ez da xamurra izango. Galdetu bestela SGAEri. Zer egin dezakegu horrelakoetan?


Honi buruz aritu ziren atzo Guillermo Vilarroig (Overalia) eta Iñaki Lakarra (Mondragon Unibertsitatea), Miramon Enpresa Digitalak antolatutako Ospea eta online monitorizazioa. Zer dio internetek nire enpresaz? Jardunaldian, Arrasateko Garaia Berrikuntza Gunean.


Behin kaltea eraginda, ezin da gauza asko egin edo behintzat oso zaila da konpontzea. Googleri eskatzen badiogu eduki zehatz bat kentzeko, hark webgunearen jabearengana jotzeko esango digu. Eta zer gertatzen da webgunearen jabeak ez badu onartzen kentzea? El País egunkariaren zerbitzu juridikoko Ana Ramosek adibidez dio, El Paísek ezin dituela bere artxiboak aldatu. “Hori historia faltsutzea litzateke. Artxiboak ezin dira ukitu”. Horregatik, inolako irtenbiderik gabe aurkitu baino, hobe erremedioa aurretiaz jartzea.


Hitzaldian entzun nuen guztitik ideia bat geratu zitzaidan argi. Gure enpresaren jarduna edozein dela ere, gure lanen zati bat edukiak sortzera bideratu behar dugu, oso garrantzitsua baita ahalik eta eduki gehien gure kontrolpean izatea. Horiek ongi posizionatzea lortuz gero, eduki kaltegarriak ez dira hain ikusgarriak izango. Beste behin ere etengabe esaten duguna konfirmatzen da: teknologia aurreratuena izan dezakegu, baina hori edukirik gabe hutsa da, ez da ezer, ez du etorkizunik. Horrekin esan nahi dena da garrantzitsua dela erakunde eta enpresek webguneak izatea, baina ez da nahikoa webgune horiek erakusleiho edo salmenta tresna hutsak izatea, erakundeek ere hitz egin behar dute, iritzia eman behar dute, gaiak landu behar dituzte, bloga, prentsa bulegoa edo gutxieneko jardun informatiboa izan behar dute. Horrela baino ez dute lortuko Interneten lehen pantailan (Googleko lehen 10 emaitzen artean) eurek nahi duten “curriculuma” osatzea.


Hala ere, alferrik izango da komunikazio estrategia oso baten plangintza, leialtasun eta jatortasunez jokatzen ez badugu. Jendea ezin da engainatu. Erratu bagara eta aitortzen badugu, hori ulertuko dute, gezurrak entzutea aldiz, ez zaigu inori gustatzen eta horrelako jokaeren oroitzapena, onena baino luzeagoa da, tamalez.


Eta orain sartu Googlen zuen izen-abizenak, ea zuen gustuko “curriculuma” aurkitzen duzuen.

2009/06/17

Nabigatzaileen belaunaldi berria

Informazio teknologien azken joera aplikazioak webgunean bertan exekutatzea da. Horren adibide garbia dira posta-zerbitzuak, bulegotika aplikazioak eta, azken finean, gero eta webgune aberatsagoak. Horrek web nabigatzailean gero eta funtzio gehiago exekutatzea dakar. Hori dela eta, ezartzen zaizkien eskakizunak bestelakoak dira: arintasuna, abiadura eta abar… Horrekin guztiarekin, web nabigatzailea ordenagailuko aplikazio garrantzitsuenetakoa bihurtzen ari da.


Aste hauetan nabigatzaile ezagun batzuk beraien bertsio berriak kaleratzen ari dira. Batzuetan beta bertsioa izanda ere, guztiz funtzionalak dira eta azken ukituak soilik falta dituzte. Googleren Chrome 2, Opera eta Appleren Safari 4 lasterketa hasteko prest daude. Mozilla Firefox 3 bidea egiten ari den beste hautagai bat da, eta Internet Explorer 8 ere hor dago. Googlek Chrome nabigatzailea atera zuenean, sekulako lurrikara eragin zuen. Nabigatzaileak beste ikuspuntu batetik ulertzea ekarri zuen, eta joera hori nagusitzen ari da. Itxura denez, aipatu diren azken bi nabigatzaileak atzera geratzen ari dira zentzu horretan.


Google Chrome 2


Nabigatzaile honek bere sorreratik harrera ona izan du, bere garatzailea Google izateak badu zer ikusia. Nahiz eta denbora askorik ez izan, jadanik Internet Explorer eta Firefox nabigatzaileen atzetik hirugarren erabiliena da. Hasieratik izan duen berrikuntza garrantzitsuenetakoa erlaitz bakoitza aparteko prozesu batean exekutatzea izan da. Horrek erlaitz bakoitza besteetatik independentea izatea dakar, eta baten bat zintzilikatzen bada ez da nabigatzaile guztia ixten.


Bertsio berriak, azkarragoa izateaz gain, erlaitz pribatua exekutatzeko aukera ematen du. Bertan, ez da gordetzen ez nabigazio-historialik ez eta cookie-rik ere. Hortaz, transakzio elektronikoak egiteko edo informazio konfidentzialarekin ibili behar denerako aukera interesgarria da. Kodearen estandarrak %100ean betetzen ditu, eta pixkanaka beste nabigatzaileek dituzten ezaugarriak ere bereganatu ditu. Oraingoz, Windows plataformarako soilik dago.


Opera 10
Beta bertsioan dago oraindik, baina jadanik ikus daiteke zer-nolako berrikuntzak dakartzan. Azkarragoa da, interfazean hobekuntza nabariak ditu eta, gainera, estandarrak erabat betetzen ditu. Interneteko zerbitzuak gero eta gehiago erabiltzen direla kontuan hartuta, zerbitzu horiek integratzeko esfortzua egin da. Horrela, posta elektronikoak bidaltzeko funtzionalitatea du, baita RSS jarioak gehitzeko ere.


Operak funtzionatzen duen plataformak anitz dira, Windows, Linux eta Mac-ez gain, Solaris eta OS/2 plataformetan ere badabil. Aipatzekoa baita, izan ere, Operak gailu mugikorretarako egokitutako nabigatzaileak dituela: Opera Mini sakelako telefonoetarako eta Opera Mobile smarphone eta PDA gailuetarako. Bertsio horiek guztiak, gailuen prozesamendu gaitasuna kontuan hartuta, horretarako optimizatu zituzten.


Safari 4


Appleren nabigatzailearen bertsio berria ere berrikuntzekin dator. Beste nabigatzaileetan ikusi den bezala, Safari 4ak ere garrantzi handia eman dio exekuzio abiadurari, eta asko hobetu du alde horretatik. Erlaitz pribatuaren funtzionalitatea ere badu, arrastorik utzi gabe nabigatzeko aukera. Estandarrak ere, beste biak bezala, Acid Test 3 proban %100ean betetzen ditu. Gainera, HTML5 eta CSS3 estandarrak betetzen ditu; horiek izango direnez etorkizuneko estandarrak, ezaugarri interesgarria da. Windows eta Mac plataformetan erabil daiteke Safari.


Hiru nabigatzaile hauen berrikuntzak ikusita, badirudi Firefox pixka bat atzera geratzen ari dela. Exekuzio abiadura eta estandarrak betetzea garrantzi handia hartzen ari da, eta zentzu horretan azkar mugitu beharko dute. Bere alde du Firefoxek luzapen eskaintza zabala, baina Google Chromek ezaugarri hori jartzean abantaila ez da hainbestekoa izango. Belaunaldi berriko nabigatzaileak hemen dira; hasi da lasterketa.

Nabigatzaileen belaunaldi berria

Informazio teknologien azken joera aplikazioak webgunean bertan exekutatzea da. Horren adibide garbia dira posta-zerbitzuak, bulegotika aplikazioak eta, azken finean, gero eta webgune aberatsagoak. Horrek web nabigatzailean gero eta funtzio gehiago exekutatzea dakar. Hori dela eta, ezartzen zaizkien eskakizunak bestelakoak dira: arintasuna, abiadura eta abar… Horrekin guztiarekin, web nabigatzailea ordenagailuko aplikazio garrantzitsuenetakoa bihurtzen ari da.


Aste hauetan nabigatzaile ezagun batzuk beraien bertsio berriak kaleratzen ari dira. Batzuetan beta bertsioa izanda ere, guztiz funtzionalak dira eta azken ukituak soilik falta dituzte. Googleren Chrome 2, Opera eta Appleren Safari 4 lasterketa hasteko prest daude. Mozilla Firefox 3 bidea egiten ari den beste hautagai bat da, eta Internet Explorer 8 ere hor dago. Googlek Chrome nabigatzailea atera zuenean, sekulako lurrikara eragin zuen. Nabigatzaileak beste ikuspuntu batetik ulertzea ekarri zuen, eta joera hori nagusitzen ari da. Itxura denez, aipatu diren azken bi nabigatzaileak atzera geratzen ari dira zentzu horretan.


Google Chrome 2


Nabigatzaile honek bere sorreratik harrera ona izan du, bere garatzailea Google izateak badu zer ikusia. Nahiz eta denbora askorik ez izan, jadanik Internet Explorer eta Firefox nabigatzaileen atzetik hirugarren erabiliena da. Hasieratik izan duen berrikuntza garrantzitsuenetakoa erlaitz bakoitza aparteko prozesu batean exekutatzea izan da. Horrek erlaitz bakoitza besteetatik independentea izatea dakar, eta baten bat zintzilikatzen bada ez da nabigatzaile guztia ixten.


Bertsio berriak, azkarragoa izateaz gain, erlaitz pribatua exekutatzeko aukera ematen du. Bertan, ez da gordetzen ez nabigazio-historialik ez eta cookie-rik ere. Hortaz, transakzio elektronikoak egiteko edo informazio konfidentzialarekin ibili behar denerako aukera interesgarria da. Kodearen estandarrak %100ean betetzen ditu, eta pixkanaka beste nabigatzaileek dituzten ezaugarriak ere bereganatu ditu. Oraingoz, Windows plataformarako soilik dago.


Opera 10
Beta bertsioan dago oraindik, baina jadanik ikus daiteke zer-nolako berrikuntzak dakartzan. Azkarragoa da, interfazean hobekuntza nabariak ditu eta, gainera, estandarrak erabat betetzen ditu. Interneteko zerbitzuak gero eta gehiago erabiltzen direla kontuan hartuta, zerbitzu horiek integratzeko esfortzua egin da. Horrela, posta elektronikoak bidaltzeko funtzionalitatea du, baita RSS jarioak gehitzeko ere.


Operak funtzionatzen duen plataformak anitz dira, Windows, Linux eta Mac-ez gain, Solaris eta OS/2 plataformetan ere badabil. Aipatzekoa baita, izan ere, Operak gailu mugikorretarako egokitutako nabigatzaileak dituela: Opera Mini sakelako telefonoetarako eta Opera Mobile smarphone eta PDA gailuetarako. Bertsio horiek guztiak, gailuen prozesamendu gaitasuna kontuan hartuta, horretarako optimizatu zituzten.


Safari 4


Appleren nabigatzailearen bertsio berria ere berrikuntzekin dator. Beste nabigatzaileetan ikusi den bezala, Safari 4ak ere garrantzi handia eman dio exekuzio abiadurari, eta asko hobetu du alde horretatik. Erlaitz pribatuaren funtzionalitatea ere badu, arrastorik utzi gabe nabigatzeko aukera. Estandarrak ere, beste biak bezala, Acid Test 3 proban %100ean betetzen ditu. Gainera, HTML5 eta CSS3 estandarrak betetzen ditu; horiek izango direnez etorkizuneko estandarrak, ezaugarri interesgarria da. Windows eta Mac plataformetan erabil daiteke Safari.


Hiru nabigatzaile hauen berrikuntzak ikusita, badirudi Firefox pixka bat atzera geratzen ari dela. Exekuzio abiadura eta estandarrak betetzea garrantzi handia hartzen ari da, eta zentzu horretan azkar mugitu beharko dute. Bere alde du Firefoxek luzapen eskaintza zabala, baina Google Chromek ezaugarri hori jartzean abantaila ez da hainbestekoa izango. Belaunaldi berriko nabigatzaileak hemen dira; hasi da lasterketa.

Panda antibirusa hodeian

Antibirusen mundura ere iritsi da hodei konputazioaren erabilera. Pandak kaleratu duen Cloud Antivirus produktua da horren adibide bat. Ohiko antibirusekin konparatuz gero, aplikazioaren exekuzioan dago gakoa. Orain arte ordenagailuan instalatzen zen, eta exekutatu ere bertan egiten zen. Antibirus berri honetan, berriz, zati txiki bat soilik exekutatzen da ordenagailuan, eta beste guztia exekutatzeaz hodeia arduratzen da. Antibirus hau sortzeko Active Scan izeneko zerbitzuan oinarritu dira. Horrela, birusak detektatu eta ezabatzeko logika Pandako zerbitzarietan egiten da, eta ez erabiltzailearen ordenagailuan. Hodeiko baliabideak erabiliz, aplikazio arin bat egitea lortu dute. Kontuan hartuta Panda antibirusak beti ordenagailuaren baliabide asko erabiltzearen fama izan duela, berrikuntza nabarmena da.

Panda antibirusa hodeian

Antibirusen mundura ere iritsi da hodei konputazioaren erabilera. Pandak kaleratu duen Cloud Antivirus produktua da horren adibide bat. Ohiko antibirusekin konparatuz gero, aplikazioaren exekuzioan dago gakoa. Orain arte ordenagailuan instalatzen zen, eta exekutatu ere bertan egiten zen. Antibirus berri honetan, berriz, zati txiki bat soilik exekutatzen da ordenagailuan, eta beste guztia exekutatzeaz hodeia arduratzen da. Antibirus hau sortzeko Active Scan izeneko zerbitzuan oinarritu dira. Horrela, birusak detektatu eta ezabatzeko logika Pandako zerbitzarietan egiten da, eta ez erabiltzailearen ordenagailuan. Hodeiko baliabideak erabiliz, aplikazio arin bat egitea lortu dute. Kontuan hartuta Panda antibirusak beti ordenagailuaren baliabide asko erabiltzearen fama izan duela, berrikuntza nabarmena da.

Wordpress bertsio berria

Blog plataforma ezagunenetakoa den Wordpress-ek 2.8 bertsioa kaleratu du. Sei hilabete igaro dira aurrekoa atera zenetik. Hasteko, aurreko bertsioa erabiltzean detektatu diren 790 akats inguru konpondu dira. Aurkitu daitezkeen berrikuntzen artean pluginak eta itxurak kudeatzeko erraztasuna dago. Bertsio honetan kudeatzailearen atalean bilaketak egiteko aukera gehitu baita, ondoren zuzenean instalatu ahal izateko. Horrez gain, abiadura ere hobetu da, baita kodea editatzeko aukerak ere. Wordpress 2.7 plataforma dutenek bertsio berriaren jakinarazpena jasoko dute, eta zuzenean eguneratu ahal izango dute. Horrez gain, Librezal elkarteak egindako lanari esker, jadanik euskaraz ere eskuragarri dago.

Wordpress bertsio berria

Blog plataforma ezagunenetakoa den Wordpress-ek 2.8 bertsioa kaleratu du. Sei hilabete igaro dira aurrekoa atera zenetik. Hasteko, aurreko bertsioa erabiltzean detektatu diren 790 akats inguru konpondu dira. Aurkitu daitezkeen berrikuntzen artean pluginak eta itxurak kudeatzeko erraztasuna dago. Bertsio honetan kudeatzailearen atalean bilaketak egiteko aukera gehitu baita, ondoren zuzenean instalatu ahal izateko. Horrez gain, abiadura ere hobetu da, baita kodea editatzeko aukerak ere. Wordpress 2.7 plataforma dutenek bertsio berriaren jakinarazpena jasoko dute, eta zuzenean eguneratu ahal izango dute. Horrez gain, Librezal elkarteak egindako lanari esker, jadanik euskaraz ere eskuragarri dago.

2009/06/10

Nortasuna Interneten

Erabiltzaile bat Interneten sartzean eta ohiko ekintzak egiten hastean, posta elektroniko kontua ireki, sare sozialak erabiltzen hasi, edo beste abarretan, bere nortasun digitala mamitzen hasten da. Bere ekintzekin, sareko hainbat tokitan arrastoa uzten hasten da. Posta elektronikoa bidali, blog bateko sarrera bat idatzi, lagun bati erantzun; egunero egiten den jarduera arrunta da. Horrek guztiak erabiltzailearen sareko nortasuna osatzen du.


Gero eta zailagoa da sarean nortasun anonimoarekin ibiltzea. Izan ere, ia web gune guztietan erregistratzea eskatzen baita. Askotan, erregistratzea ezinbestekoa da haietan jardueraren bat burutzeko. Horren harira, gero eta ohikoagoak dira nortasun lapurretak eta horrek sortzen dituen arazoak. Mota honetako ekintzat %20 inguru igo dira azken hilabetetan. Nortasun ordezkapena jasan duten kasu batzuk sona handia hartu dute, Tuenti-ko grebara deitu zuen neskarena esaterako.


Hori dela eta, azken aldian asko ari da hitz egiten erabiltzaileek Interneten duten nortasunaz. Denboraren poderioz garatuz joaten dea nortasun hori, eta pribatutasunaren ikuspegitik ez ditu argi alde guztiak.


Pribatutasuna


Sare sozialak ezagunak egin aurretik ere pribatutasunaren arazoa bazegoen; horien erabilera hazteak, hala ere, handitu egin du. Sareetan ematen den informazioarekin kontuz ibili behar da; izan ere, norberaren bizitzaren zati bat guztien esku jartzen ari baita. Horrek ez du esan nahi ezer jarri behar ez denik, baizik eta norberak kontziente izan behar duela jartzen duen horretaz. Duela gutxi arte Facebook-ek erabiltzailearen informazio osoa gordetzen zuen, kontua ezabatuta ere. Horrek zalantzan jartzen du erabiltzailearen pribatutasuna. Horrez gain, bakoitzak jartzen duen edukiarekin, erabiltzaile soslai bat osatzen ari da. Hori, ondoren, marketin eta salmentarako sekulako baliabidea izan daiteke. Horregatik izan behar da kontziente ematen den informazioaz.


Nortasuna lapurtzea


Aurrez aipatu bezala, gero eta gehiagotan gertatzen ari da nortasuna lapurtzea. Normalean posta elektronikoaren kontuan eta sare sozialetan egiten d,a eta erabiltzailea leku txarrean uzteko izaten da. Askotan kontu horiek berreskuratzea oso zaila izan ohi da, lege aldetik ez baitago oso argi kontua. Hori dela eta, askotan erabiltzaile biktimak kontu berri bat ireki beste erremediorik ez du izaten.


Mota honetako ekintzen biktimak, sarean jarduera oso aktiboa duten erabiltzaileak izan ohi dira. Horretarako, sarean utzitako arrastoak jarraitu ohi dira. Esate baterako, ohikoa ez den ordenagailu batetik posta kontua atzitzeak uzten duen arrastoa nortasuna lapurtzeko abiapuntua izan daiteke. Kasu horietan, ordenagailuan informaziorik ez uztea komeni da, noski.


Eta hildakoan zer?


Galdera honek ere hainbat zalantza sortzen du. Pertsona bat hiltzen denean, haren ondasun materialekin nola jokatu behar bezala legeztatuta dago. Inork ez du zalantzan jartzen zer egin behar den. Baina zer gertatzen da sareko haren nortasunarekin? Zer gertatzen da haren sare sozialetako, blogetako, eta abarreko edukiarekin?


Legediaren aldetik, sekulako hutsuneak daude oraindik. Gainera herrialde askotako jurisprudentzia sartuko litzateke. Izan ere, ohikoa baita Interneten erabiltzailea herrialde batekoa eta erabiltzen den tresna beste batekoa izatea. Erabiltzaileak bere testamentuan jarri behar ote ditu irekita dituen kontu guztietako erabiltzaile izen eta pasahitzak? Gaia oso delikatua da, baina argi dago heldu beharrekoa dela. Izan ere, pertsona bat hiltzen denean, haren nortasun digitalarekin nola jokatu behar den ez dago batere garbi.

Nortasuna Interneten

Erabiltzaile bat Interneten sartzean eta ohiko ekintzak egiten hastean, posta elektroniko kontua ireki, sare sozialak erabiltzen hasi, edo beste abarretan, bere nortasun digitala mamitzen hasten da. Bere ekintzekin, sareko hainbat tokitan arrastoa uzten hasten da. Posta elektronikoa bidali, blog bateko sarrera bat idatzi, lagun bati erantzun; egunero egiten den jarduera arrunta da. Horrek guztiak erabiltzailearen sareko nortasuna osatzen du.


Gero eta zailagoa da sarean nortasun anonimoarekin ibiltzea. Izan ere, ia web gune guztietan erregistratzea eskatzen baita. Askotan, erregistratzea ezinbestekoa da haietan jardueraren bat burutzeko. Horren harira, gero eta ohikoagoak dira nortasun lapurretak eta horrek sortzen dituen arazoak. Mota honetako ekintzat %20 inguru igo dira azken hilabetetan. Nortasun ordezkapena jasan duten kasu batzuk sona handia hartu dute, Tuenti-ko grebara deitu zuen neskarena esaterako.


Hori dela eta, azken aldian asko ari da hitz egiten erabiltzaileek Interneten duten nortasunaz. Denboraren poderioz garatuz joaten dea nortasun hori, eta pribatutasunaren ikuspegitik ez ditu argi alde guztiak.


Pribatutasuna


Sare sozialak ezagunak egin aurretik ere pribatutasunaren arazoa bazegoen; horien erabilera hazteak, hala ere, handitu egin du. Sareetan ematen den informazioarekin kontuz ibili behar da; izan ere, norberaren bizitzaren zati bat guztien esku jartzen ari baita. Horrek ez du esan nahi ezer jarri behar ez denik, baizik eta norberak kontziente izan behar duela jartzen duen horretaz. Duela gutxi arte Facebook-ek erabiltzailearen informazio osoa gordetzen zuen, kontua ezabatuta ere. Horrek zalantzan jartzen du erabiltzailearen pribatutasuna. Horrez gain, bakoitzak jartzen duen edukiarekin, erabiltzaile soslai bat osatzen ari da. Hori, ondoren, marketin eta salmentarako sekulako baliabidea izan daiteke. Horregatik izan behar da kontziente ematen den informazioaz.


Nortasuna lapurtzea


Aurrez aipatu bezala, gero eta gehiagotan gertatzen ari da nortasuna lapurtzea. Normalean posta elektronikoaren kontuan eta sare sozialetan egiten d,a eta erabiltzailea leku txarrean uzteko izaten da. Askotan kontu horiek berreskuratzea oso zaila izan ohi da, lege aldetik ez baitago oso argi kontua. Hori dela eta, askotan erabiltzaile biktimak kontu berri bat ireki beste erremediorik ez du izaten.


Mota honetako ekintzen biktimak, sarean jarduera oso aktiboa duten erabiltzaileak izan ohi dira. Horretarako, sarean utzitako arrastoak jarraitu ohi dira. Esate baterako, ohikoa ez den ordenagailu batetik posta kontua atzitzeak uzten duen arrastoa nortasuna lapurtzeko abiapuntua izan daiteke. Kasu horietan, ordenagailuan informaziorik ez uztea komeni da, noski.


Eta hildakoan zer?


Galdera honek ere hainbat zalantza sortzen du. Pertsona bat hiltzen denean, haren ondasun materialekin nola jokatu behar bezala legeztatuta dago. Inork ez du zalantzan jartzen zer egin behar den. Baina zer gertatzen da sareko haren nortasunarekin? Zer gertatzen da haren sare sozialetako, blogetako, eta abarreko edukiarekin?


Legediaren aldetik, sekulako hutsuneak daude oraindik. Gainera herrialde askotako jurisprudentzia sartuko litzateke. Izan ere, ohikoa baita Interneten erabiltzailea herrialde batekoa eta erabiltzen den tresna beste batekoa izatea. Erabiltzaileak bere testamentuan jarri behar ote ditu irekita dituen kontu guztietako erabiltzaile izen eta pasahitzak? Gaia oso delikatua da, baina argi dago heldu beharrekoa dela. Izan ere, pertsona bat hiltzen denean, haren nortasun digitalarekin nola jokatu behar den ez dago batere garbi.

Segurtasun kopia pendrive batean

Ordenagailuko datuen segurtasun kopia egitea komenigarria dela zalantzatik kanpo dago. Baina askotan, aplikazio konplikatuak edo instalazio berezia eskatzen dute. Horien aurrean, soluzio sinple eta eraginkorra izan daiteke Sandisk etxeak atera duena. Sandisk USB Ultra Backup izena du, eta USB bidez pendrive batean egiten da segurtasun kopia. Erabiltzen hasteko, ez da ezer instalatu behar; ondorioz, hainbat plataformatarako balio du. Tamainaren aldetik, 64 GB artekoak eskaintzen dituzte. Datuak zifratuta gorde daitezke; horrela, datuak berreskuratzeko garaian, pasahitza dakienak soilik berreskuratu ahal izango du. Gainera, kopia galduz gero, ezingo dira datuak zuzenean ikusi. Zalantzarik ez dago, gailu honen abantaila erosotasuna da, bai kopia egiteko garaian, bai eta edonora eramateko orduan ere.

Segurtasun kopia pendrive batean

Ordenagailuko datuen segurtasun kopia egitea komenigarria dela zalantzatik kanpo dago. Baina askotan, aplikazio konplikatuak edo instalazio berezia eskatzen dute. Horien aurrean, soluzio sinple eta eraginkorra izan daiteke Sandisk etxeak atera duena. Sandisk USB Ultra Backup izena du, eta USB bidez pendrive batean egiten da segurtasun kopia. Erabiltzen hasteko, ez da ezer instalatu behar; ondorioz, hainbat plataformatarako balio du. Tamainaren aldetik, 64 GB artekoak eskaintzen dituzte. Datuak zifratuta gorde daitezke; horrela, datuak berreskuratzeko garaian, pasahitza dakienak soilik berreskuratu ahal izango du. Gainera, kopia galduz gero, ezingo dira datuak zuzenean ikusi. Zalantzarik ez dago, gailu honen abantaila erosotasuna da, bai kopia egiteko garaian, bai eta edonora eramateko orduan ere.

YouTube XL, telebistan ikusteko

Internet eta telebista gero eta hurbilago daudela ez dago zalantzarik. Horren beste adibide bat da YouTube XL, telebista aurrean erabiltzaileak aplikazioarekin duen esperientzia hobetzen duen bertsioa. Aurrez kalitate handiko bideoak sartzeko aukera eman zuten, eta orain telebistan erabiltzeko interfaze berri bat. Bertan, telebistako agintea erabiliz bideoak ikustea posible da. Bertsio honek ere web nabigatzailea behar du, erabili ahal izateko. Oraindik ez dago garbi zein izango den telebistaz internet ikusteko nagusituko den era. Hori dela eta, YouTube-k hartutako aukera egokia den ezin da jakin. Dena dela, etorkizunari begira nabigatzailetik at ibiliko den aplikazio bat eskaintzea logikoa izango litzateke. Hulu aplikazioa ere bide horietan dabil; beraz, esan daiteke telebistan Interneteko bideoak ikusteko lasterketa hasi dela.

YouTube XL, telebistan ikusteko

Internet eta telebista gero eta hurbilago daudela ez dago zalantzarik. Horren beste adibide bat da YouTube XL, telebista aurrean erabiltzaileak aplikazioarekin duen esperientzia hobetzen duen bertsioa. Aurrez kalitate handiko bideoak sartzeko aukera eman zuten, eta orain telebistan erabiltzeko interfaze berri bat. Bertan, telebistako agintea erabiliz bideoak ikustea posible da. Bertsio honek ere web nabigatzailea behar du, erabili ahal izateko. Oraindik ez dago garbi zein izango den telebistaz internet ikusteko nagusituko den era. Hori dela eta, YouTube-k hartutako aukera egokia den ezin da jakin. Dena dela, etorkizunari begira nabigatzailetik at ibiliko den aplikazio bat eskaintzea logikoa izango litzateke. Hulu aplikazioa ere bide horietan dabil; beraz, esan daiteke telebistan Interneteko bideoak ikusteko lasterketa hasi dela.

2009/06/08

Hitza: euskararen aldeko inbertsioa

HITZA proiektua arriskuan dago Lea-Artibaiko Amankomunazgoak  orain arte ematen zion diru laguntza aurten kendu egin diolako. Mutrikuko Udalak diru laguntza mantentzen du, biztanle bakoitzeko urtean 2 euro, beraz 10.000 euro inguru. Nire ustez txalogarria.

Beste hainbat Udalek (Ondarroa, Lekeitio, Markina-Xemein, Etxebarria, Ispaster, Ziortza-Bolibar, Amoroto eta Mendexa) ez diote laguntzarik ematen krisi garaian gaudelako. Honelako egoeratan priorizatu egin behar da, eta badirudi Hitzak ez duela hainbeste garrantzi. Niretzat bai, eta hori da azaldu nahi dudana.

Zergatik da niretzat Hitza garrantzitsua.

Nik ez daukat egunkariak irakurtzeko ohiturarik. Badakit ona dela, baina ez ez det astirik izaten, eta egunean zehar libre dauzkadan minutuetan, ez naiz egunkari potolo eta luze bat irakurtzen jartzen. Munduan eta gure gizartean zer gertatzen ari den jakiteko Internet daukat, gero kotxean irratia jartzen det, eta gabaz Teleberri ikusteko ohitura det, beraz, ez det egunkari potoloak irakurtzen.

Hitza beste gauza bat da. Ez da egunkari potoloa, ez dakar realak edo athletic-ek egindakoaren (edo ez egindakoaren) kronika, ezta ere Donostian edo Bilbon geratzen diren gauzak. Izenak dioen moduan, Lea-Artibai eta Mutrikuko kontuak dakar, besterik ez.

Egunean Mutrikuri buruzko orrialde bat izaten degu, eta berdin beste herrietako albisteak ekartzeko. Publizitatea bai baina ez hainbeste, eta ezagutzen dituzun pertsonen zorion agurrak. Di-da batean irakurtzen da, ez da astuna.

Ni Mutrikuarra banaiz ere, ez diot uko egiten nere Lekittar odolari, ama bertakoa baita, eta estimatzen det bertako albisteak irakurtzeko aukera izatea.

Guzti honekin zera esan nahi det: Hitza irakurtzea neretzat ez da egunkari arrunt bat irakurtzea, beste zeozer da: gertuko informazioa irakurtzeko aukera bakarra, arina eta euskeraz. Berriz diot: eta euskeraz. Beste behin esango det: EUSKERAZ.

Egunkari baten helburua informazio zabaltzea da, eta egunkaria bera bide bat besterik ez da. Euskerazko komunikabideetan ez da horrela, kasu hauetan egunkaria bera ere helburu sozial eta kulturala da, informatzeaz gain, euskera zabaltzen eta bultzatzen ari direlako.

Adibide bat: gure herrietan euskaldunak izan arren erderaz alfabetizatu diren pertsona asko daude, adibidez gure gurasoak. Gaur egun 45 urtetik gora dituzten gehienak beraien formazioa erderaz jaso  zuten, beraz euskeraz irakurtzeko erraztasuna baino, erderaz irakurtzekoa dute.

Kolektibo hauentzako, eta euskeraren militanteak direnak alde batera lagata, Hitza da euskeraz irakurtzen duten informazio bakarra. Zergatik irakurtzen duten ? Ba gertuko informazioa delako. Seguruenez pertsona hauek ez lukete Berria irakurriko (euskeraren militanteak ez badira behintzat), ez bait dute erraztasun hori, bai aldiz Hitza.

Esandakoarekin ez det esan nahi Hitza perfektua denik, ez, ezer ez da perfektua. Agian  batzuetan ez zaizu gustatuko kontatzen dutena, bestetan pentsatuko duzu zure taldearen aldarrikapena ez dela zuk nahi bezela atera, bestetan pentsatuko dezu agintzen dutenen prespektiba atera dutela, bestetan pentsatuko dezu politizatua dagoela, ...., eta askotan horrela izango da. Bestetan gaizki ulertuak ere egon daitezke (ez da erreza izango herriko kazetarientzat herriko informatzailea izatea), baina gauza guzti hauen gainetik zera esango nuke: Bertako informazioa ematen duen komunikabide bakarra da, eta gainera Euskeraz.

Arrazoi guzti hauengatik, uste det Hitza beharrezkoa dugula, eta ez det uste biztanleko urtean 2 euroko laguntza ematea hainbeste denik. Dirua da, dudarik gabe, baina krisi garaian ere mantenu beharrezko inbertsioa, euskeraren aldeko inbertsio estrategikoa.

Honelako proiektu bat martxan jartzea ez da erreza, hainbat lekutan ez dute guk duguna, hiltzen laga behar ote degu ?

Informazio gehiago hemen


Hitza: euskararen aldeko inbertsioa

HITZA proiektua arriskuan dago Lea-Artibaiko Amankomunazgoak  orain arte ematen zion diru laguntza aurten kendu egin diolako. Mutrikuko Udalak diru laguntza mantentzen du, biztanle bakoitzeko urtean 2 euro, beraz 10.000 euro inguru. Nire ustez txalogarria.

Beste hainbat Udalek (Ondarroa, Lekeitio, Markina-Xemein, Etxebarria, Ispaster, Ziortza-Bolibar, Amoroto eta Mendexa) ez diote laguntzarik ematen krisi garaian gaudelako. Honelako egoeratan priorizatu egin behar da, eta badirudi Hitzak ez duela hainbeste garrantzi. Niretzat bai, eta hori da azaldu nahi dudana.

Zergatik da niretzat Hitza garrantzitsua.

Nik ez daukat egunkariak irakurtzeko ohiturarik. Badakit ona dela, baina ez ez det astirik izaten, eta egunean zehar libre dauzkadan minutuetan, ez naiz egunkari potolo eta luze bat irakurtzen jartzen. Munduan eta gure gizartean zer gertatzen ari den jakiteko Internet daukat, gero kotxean irratia jartzen det, eta gabaz Teleberri ikusteko ohitura det, beraz, ez det egunkari potoloak irakurtzen.

Hitza beste gauza bat da. Ez da egunkari potoloa, ez dakar realak edo athletic-ek egindakoaren (edo ez egindakoaren) kronika, ezta ere Donostian edo Bilbon geratzen diren gauzak. Izenak dioen moduan, Lea-Artibai eta Mutrikuko kontuak dakar, besterik ez.

Egunean Mutrikuri buruzko orrialde bat izaten degu, eta berdin beste herrietako albisteak ekartzeko. Publizitatea bai baina ez hainbeste, eta ezagutzen dituzun pertsonen zorion agurrak. Di-da batean irakurtzen da, ez da astuna.

Ni Mutrikuarra banaiz ere, ez diot uko egiten nere Lekittar odolari, ama bertakoa baita, eta estimatzen det bertako albisteak irakurtzeko aukera izatea.

Guzti honekin zera esan nahi det: Hitza irakurtzea neretzat ez da egunkari arrunt bat irakurtzea, beste zeozer da: gertuko informazioa irakurtzeko aukera bakarra, arina eta euskeraz. Berriz diot: eta euskeraz. Beste behin esango det: EUSKERAZ.

Egunkari baten helburua informazio zabaltzea da, eta egunkaria bera bide bat besterik ez da. Euskerazko komunikabideetan ez da horrela, kasu hauetan egunkaria bera ere helburu sozial eta kulturala da, informatzeaz gain, euskera zabaltzen eta bultzatzen ari direlako.

Adibide bat: gure herrietan euskaldunak izan arren erderaz alfabetizatu diren pertsona asko daude, adibidez gure gurasoak. Gaur egun 45 urtetik gora dituzten gehienak beraien formazioa erderaz jaso  zuten, beraz euskeraz irakurtzeko erraztasuna baino, erderaz irakurtzekoa dute.

Kolektibo hauentzako, eta euskeraren militanteak direnak alde batera lagata, Hitza da euskeraz irakurtzen duten informazio bakarra. Zergatik irakurtzen duten ? Ba gertuko informazioa delako. Seguruenez pertsona hauek ez lukete Berria irakurriko (euskeraren militanteak ez badira behintzat), ez bait dute erraztasun hori, bai aldiz Hitza.

Esandakoarekin ez det esan nahi Hitza perfektua denik, ez, ezer ez da perfektua. Agian  batzuetan ez zaizu gustatuko kontatzen dutena, bestetan pentsatuko duzu zure taldearen aldarrikapena ez dela zuk nahi bezela atera, bestetan pentsatuko dezu agintzen dutenen prespektiba atera dutela, bestetan pentsatuko dezu politizatua dagoela, ...., eta askotan horrela izango da. Bestetan gaizki ulertuak ere egon daitezke (ez da erreza izango herriko kazetarientzat herriko informatzailea izatea), baina gauza guzti hauen gainetik zera esango nuke: Bertako informazioa ematen duen komunikabide bakarra da, eta gainera Euskeraz.

Arrazoi guzti hauengatik, uste det Hitza beharrezkoa dugula, eta ez det uste biztanleko urtean 2 euroko laguntza ematea hainbeste denik. Dirua da, dudarik gabe, baina krisi garaian ere mantenu beharrezko inbertsioa, euskeraren aldeko inbertsio estrategikoa.

Honelako proiektu bat martxan jartzea ez da erreza, hainbat lekutan ez dute guk duguna, hiltzen laga behar ote degu ?

Informazio gehiago hemen


2009/06/03

PDF dokumentuak kudeatzeko tresnak

PDF formatua Adobe Systems enpresak sortu zuen 1993an. Bere helburua erabiltzaile desberdinen artean dokumentuak partekatzea zen, plataformatik eta programatik independentea izango zena. Formatu horretan, irudiak, testua, letra-motak eta bi dimentsiotako bektore-grafikoak sar daitezke. PDF formatuak sortzeko eta irakurtzeko Acrobat suitea garatu zuen Adobek.


Urteetan PDF dokumentuek gero eta ezaugarri gehiago izan dituzte, eta horrek bere erabilera ere handiagoa izatea ekarri du. Hasieran formatuaren espezifikazioak itxiak baziren ere, jendeak PDFak irakurtzeko aplikazioak garatu izan ditu. 2008ko uztailetik aurrera, ofizialki estandar irekia izatea lortu zuen ISO 32000-1:2008 kodearekin.


Adobe Acrobat eta Reader


Hasiera batean guztia Acrobat izenaren azpian baldin bazegoen ere, gaur egun bi aplikazio bezala banatzen dira. PDF dokumentuak ikusteko software ezagunena Adobe Reader da dudarik gabe. Irakulearen bederatzigarren bertsioa dago kalean, eta pantailaren argazkiak egin edo dokumentuan bideoak sartzen uzten du. Orain artekoak bezala doan har daiteke.


Adobe Acrobat aplikazioa osoagoa da. PDF dokumentuak irakurtzeaz gain, sortzeko eta editatzeko ere balio du. Bulegotikako aplikazioekin sortzen diren dokumentuak PDF bihurtu nahi badira Acrobat izeneko botoia erabili behar da. Bertan azaltzen dira ematen dituen aukera guztiak. Bi PDF dokumentu bakar batean bihurtu nahi direnerako ere oso erabilgarria da. Horrez gain, formularioa sortzeko ere balio du. Acrobat aplikazioa ordainpekoa da, eta oinarrizko bertsioa 400 euro inguruan eskuratu daiteke.


Foxit


Azkenaldian ezaguna egiten ari den PDF tresna da Foxit. Bere ezaugarririk garrantzitsuenak abiatzeko behar duen denbora laburra eta bere arintasuna dira. Hainbat plataformatan erabil daiteke, hala nola Windowsen eta Linuxen. Dokumentuak ikusteko balio duen tresnak Foxit Reader izena du, eta horiek sortzekoak, berriz, Foxit Creator. Editatzeko balio duen tresna bat ere badu. Ikusten den bezala, PDF dokumentuekin eragiketa desberdinak egiteko balio duten tresna interesgarriak ditu Foxit etxeak. Tresna horiek, batzuk doakoak eta beste batzuk ordainpekoak dira.


OpenOffice 3


Software libreko bulegotika suite ezagunenak ere baditu PDF dokumentuak kudeatzeko hainbat tresna. Ezagunena bertsio batzutatik gehitua duena da, OpenOfficen irekita dagoen dokumentua PDF bihurtzeko aukera, hain zuzen ere. Horretarako, tresna-barran PDF jartzen duen botoi bat dakar. Baina hirugarren bertsioarekin batera pauso bat harago joan da. Azken bertsioan, PDFak irakurri eta editatzeko aukera dago. Horretarako, OpenOffice instalazio estandarrari luzapen bat gehitu behar zaio, Sun PDF Import Extension izenekoa, hain zuzen ere. Hori hartu eta instalatu ondoren, edozein PDF dokumentu ireki, alda eta gorde daiteke. Oraingoz, horretarako Draw eta Impress aplikazioak erabiltzen ditu, baina etorkizunean Writer erabiltzeko aukera jartzeko asmoa dago. Oraindik Beta bertsioa den arren, argi dago denbora gutxi barru OpenOfficerekin PDF dokumentuen gaineko eragiketa asko egin ahal izango direla.

PDF dokumentuak kudeatzeko tresnak

PDF formatua Adobe Systems enpresak sortu zuen 1993an. Bere helburua erabiltzaile desberdinen artean dokumentuak partekatzea zen, plataformatik eta programatik independentea izango zena. Formatu horretan, irudiak, testua, letra-motak eta bi dimentsiotako bektore-grafikoak sar daitezke. PDF formatuak sortzeko eta irakurtzeko Acrobat suitea garatu zuen Adobek.


Urteetan PDF dokumentuek gero eta ezaugarri gehiago izan dituzte, eta horrek bere erabilera ere handiagoa izatea ekarri du. Hasieran formatuaren espezifikazioak itxiak baziren ere, jendeak PDFak irakurtzeko aplikazioak garatu izan ditu. 2008ko uztailetik aurrera, ofizialki estandar irekia izatea lortu zuen ISO 32000-1:2008 kodearekin.


Adobe Acrobat eta Reader


Hasiera batean guztia Acrobat izenaren azpian baldin bazegoen ere, gaur egun bi aplikazio bezala banatzen dira. PDF dokumentuak ikusteko software ezagunena Adobe Reader da dudarik gabe. Irakulearen bederatzigarren bertsioa dago kalean, eta pantailaren argazkiak egin edo dokumentuan bideoak sartzen uzten du. Orain artekoak bezala doan har daiteke.


Adobe Acrobat aplikazioa osoagoa da. PDF dokumentuak irakurtzeaz gain, sortzeko eta editatzeko ere balio du. Bulegotikako aplikazioekin sortzen diren dokumentuak PDF bihurtu nahi badira Acrobat izeneko botoia erabili behar da. Bertan azaltzen dira ematen dituen aukera guztiak. Bi PDF dokumentu bakar batean bihurtu nahi direnerako ere oso erabilgarria da. Horrez gain, formularioa sortzeko ere balio du. Acrobat aplikazioa ordainpekoa da, eta oinarrizko bertsioa 400 euro inguruan eskuratu daiteke.


Foxit


Azkenaldian ezaguna egiten ari den PDF tresna da Foxit. Bere ezaugarririk garrantzitsuenak abiatzeko behar duen denbora laburra eta bere arintasuna dira. Hainbat plataformatan erabil daiteke, hala nola Windowsen eta Linuxen. Dokumentuak ikusteko balio duen tresnak Foxit Reader izena du, eta horiek sortzekoak, berriz, Foxit Creator. Editatzeko balio duen tresna bat ere badu. Ikusten den bezala, PDF dokumentuekin eragiketa desberdinak egiteko balio duten tresna interesgarriak ditu Foxit etxeak. Tresna horiek, batzuk doakoak eta beste batzuk ordainpekoak dira.


OpenOffice 3


Software libreko bulegotika suite ezagunenak ere baditu PDF dokumentuak kudeatzeko hainbat tresna. Ezagunena bertsio batzutatik gehitua duena da, OpenOfficen irekita dagoen dokumentua PDF bihurtzeko aukera, hain zuzen ere. Horretarako, tresna-barran PDF jartzen duen botoi bat dakar. Baina hirugarren bertsioarekin batera pauso bat harago joan da. Azken bertsioan, PDFak irakurri eta editatzeko aukera dago. Horretarako, OpenOffice instalazio estandarrari luzapen bat gehitu behar zaio, Sun PDF Import Extension izenekoa, hain zuzen ere. Hori hartu eta instalatu ondoren, edozein PDF dokumentu ireki, alda eta gorde daiteke. Oraingoz, horretarako Draw eta Impress aplikazioak erabiltzen ditu, baina etorkizunean Writer erabiltzeko aukera jartzeko asmoa dago. Oraindik Beta bertsioa den arren, argi dago denbora gutxi barru OpenOfficerekin PDF dokumentuen gaineko eragiketa asko egin ahal izango direla.

Mahai gaineko bulegotika eta Google Docs lotzen

Nahiz eta hodei konputazioa pixkanaka gero eta ezagunagoa den, oraindik mahai gaineko aplikazioek pisu handia dute erabiltzailearengan. Bulegotika aplikazioetan ere hori nabaria da, Microsoft Office eta OpenOffice baitira tresnarik erabilienak. Hala ere, hodeian oinarritzen direnek badituzte beren abantailak, edonondik konekatuta ere lan egiteko aukera, esaterako. Baita norbere dokumentuen segurtasun kopia bezala ere. Hori dela eta, OpenOffice eta Office aplikazioak Google Docs-ekin lotzeko tresnak atera dira. Offisync izeneko tresnak Officerako balio du, Google Docsera dokumentuak igo, bertan karpetak sortu eta beste erabiltzaileekin elkarlanean aritzea ahalbidetzen du. OpenOffice.org2GoogleDocs luzapenak, berriz, aipatutako eragiketa horiek OpenOfficen egiteko balio du.

Mahai gaineko bulegotika eta Google Docs lotzen

Nahiz eta hodei konputazioa pixkanaka gero eta ezagunagoa den, oraindik mahai gaineko aplikazioek pisu handia dute erabiltzailearengan. Bulegotika aplikazioetan ere hori nabaria da, Microsoft Office eta OpenOffice baitira tresnarik erabilienak. Hala ere, hodeian oinarritzen direnek badituzte beren abantailak, edonondik konekatuta ere lan egiteko aukera, esaterako. Baita norbere dokumentuen segurtasun kopia bezala ere. Hori dela eta, OpenOffice eta Office aplikazioak Google Docs-ekin lotzeko tresnak atera dira. Offisync izeneko tresnak Officerako balio du, Google Docsera dokumentuak igo, bertan karpetak sortu eta beste erabiltzaileekin elkarlanean aritzea ahalbidetzen du. OpenOffice.org2GoogleDocs luzapenak, berriz, aipatutako eragiketa horiek OpenOfficen egiteko balio du.

2009/06/02

SPAMa dela eta artikulua

SPAM-a dela eta post bat jarri det laneko blogean.

Lankideak beti esaten dit ez dudala blog hartan idazten, eta zerbait idatzi behar nuen bera ez haserretzeko.

;-)






SPAMa dela eta artikulua

SPAM-a dela eta post bat jarri det laneko blogean.

Lankideak beti esaten dit ez dudala blog hartan idazten, eta zerbait idatzi behar nuen bera ez haserretzeko.

;-)