2010/12/29

Salaketak Appleri, iPhone erabiltzaileen datuak iragarleei emateagatik

Salatu dutenez, Steve Jobsen konpainiako iPhoneek eta iPadek identifikazio kode batzuk dituzte eta horrekin, publizitate enpresek erabiltzaileen datu pertsonalak eskuratzen dituzte.Apple informatika konpainiaren kontrako bi salaketa jarri dituzte ustez erabiltzaileen informazioa publizitate enpresen esku jartzeagatik, AEBetako zenbait hedabidek zabaldu dutenez.

Salaketetan agertzen denez, Steve Jobs buru duen enpresako iPhoneek eta iPadek identifikazio kode batzuk dituzte eta horrekin, publizitate enpresei erabiltzaileen datu pertsonalak eskuratzea ahalbidetzen die.

"Aplikazio horiekin informazio gehigarria ari dira eskuratzen publizitatea sareak, bizilekua, adina, diru-sarrerak, arraza, sexu-aukera eta iritzi politikoa besteak beste", Jonathan Lalok iragan abenduaren 23an Kaliforniako auzitegi batean aurkeztu zuen salaketa batean agertzen denez.

Susmagarriak diren aplikazio horien artean egongo lirateke Pandora, Paper Toss, Weather Channel, Toss It, Text4Plus eta Dictionary.com.

Laloren salaketaz gain, Appleren kontra beste salaketa bat jarri zuten egun hartan bertan "erabiltzaileak espiatzea" leporatuta.

Azken salaketa horretan azaldu dutenez, iPhoneek eta iPadek identifikatzaile bat dute (UDID deiturikoa) eta horrek jaitsitako aplikazioei buruzko informazioa gordetzen du, zenbat erabili dituzten, etab.

Erabiltzaileen baimenik gabe informazio eta datu pertsonalak zabaltzea pribatutasunaren urraketa izango litzateke, hau da, delitu federala.

Orraingoz, Applek ez du salaketei buruz duen ikuspuntua zabaldu.

2010/12/22

Lehendabiziko aldiz laugarren sari bat Internet bidez banatu dute

57.896 zenbakia izan da. Internet bidez lotería saltzen zuen atari batean bukaera guztiak jokatzen zituen lagun-talde bati egokitu zaio.

Gabonetako Loteriaren zozketaren historian lehendabiziko aldiz, serie bakoitzeko 200.000 euro banatzen dituen laugarren sari bat, Internet bidez saldu dute. Sarean loteria saltzen duen atari bateko lagun-taldeen sistema baten bitartez saldu da, hain zuzen ere.

57.896 zenbakia izan da. 10:17an atera dute Alicia Rodriguez Martinez eta Gessy Quisnancela Morales neskatoek.

Saridunak La Campanada izeneko lagun-taldeko kideak izan dira. Saltoki ezberdinetako zenbakiak jokatzen zituzten, bukaera guztiekin, gastu eta sari banaketa sistema informatiko baten bitartez.

2010/12/21

Alejandro Sanz: 'Zein koldarrak diren Espainiko politikoak'

Abeslaria kexatu egin da bere Twitterrean Kongresuak deskargen aurkako legea errefusatu dezakeelako.

Alejandro Sanzek 'Sinde' legearen behin betiko bozketa egiteari ez dio itxaron. Lege hori Kongresuak bertan behera utzi dezakeela jakin ostean, Twitterren honako hau idatzi du: "Zein koldarrak diren Espainiako politikoak; jabetza intelektualeko 'Sinde' legea ez dute bozkatuko"

Abeslariak arratsaldeko azken orduan Diputatuen Kongresuan egingo den bozketa jarraituko du. Oraintxe bertan, PSOE 'Sinde' legea onesteko laguntza bilatzen ari da, aldiz, EAJ, PP eta ERC-EB-ICV legearen aurka daude. Gobernuak aurrera eraman dezake CIUren botoekin, baina alderdi horretako kide batzuk legearen kontrako botoa emango duela jakinarazi du. Hori guztiagatik, Alejandro Sanzek galdutzat ematen du.

Alejandro Sanzek bere Twiterrean utzi duen iruzkinak erantzunak izan ditu jada; gehienak kontran, besteak beste, Corazón partío abestiaren zati batekin jolasten duen hau: "Nork ordainduko dizkit nire hamar etxeak?, nork jaitsiko ditu Aresetik nire abestiak?...".

2010/12/16

EITBkin moskeatzen hasi naiz

Eta moskeatzen hasi naiz euron produktuak kontsumitzeko arazoak jartzen dizkidatelako. Beste hedabide guztiak entzuleak lortu nahi dabiltzanean, badirudi hauek entzuleak galdu nahi dituztela.

Arazoa

EITBko irrati guztiak Internet bidez zuzenean entzuteko aukera daukagu, baina hau egin ahal izateko derrigorrez nabigatzailea erabili behar dugu eta irratiaren orrialdetik abiatu behar gera, adibidez Euskadi Irratiko helbidea hau da: http://www.eitb.com/irratia/euskadi-irratia/

Aukera hori ondo dago, eta ondo entzutzen da, baina horrek ez du nere beharra hasetzen. Ordutegi arazoak direla eta, gustokak diren saio batzuk ezin izaten ditut zuzenean entzun, eta grabatu nahi nituzke beste momentu batean entzun ahal izateko.

Gaur egun hori erraz egin daiteke, tresnak baditugu. Nahi izan ezkero grabazioa programatu dezakegu ordenagailu batek guk nahi ditugun programak automatikoki grabatu eta mp3 formatuan gordetzeko. Gero mp3 horrek gure gustoko tramankuloan sartu, eta nahi degunean entzun ahal izateko.

EITBn kasuan hori ezin dezakegu egin, web nabigatzailea erabiltzea derrigortzen digulako, eta horrela ezin dugu grabatu.

Kontua da hori lehen martxan izan zutela. Orain dela hiru urte Garik azaltzen zuen nik egin nahi dudan hau nola egin zitekeen, eta adibidean Euskadi Irratiko adibidea jartzen zuen, nik egin nahi dudana hain zuzen ere.

Kontua da EITBk gauzak aldatu dituela eta gaur egun Internet bidez irratia entzuteko ematen duen aukera bakarra nabigatzailea dela, eta ez du aukerarik ematen beste programa bat erabiliz publikatzen duen audio-stream horri heltzea. Ondorioz, ezin dugu saioa grabatu.

Honek zeharo harritzen nau: Web bidez irratia entzuteko aukera ematen badute, zergatik ezkutatzen dute stream-aren helbidea ?

Seguru aukerak ditugula hori hackeatzeko, baina ez da hori kontua, kontua da hau EITBk berak publikatu eta erraztu egin behar lukeela, ez dezue hori uste ?

2010/12/14

Julian Assangeren eta Wikileakesen bideojoak arrakasta lortu du Sarean

Milioi bat erabiltzaile baino gehiago saiatu dira Julian Assangeren ekintzak joko berri horretan errepikatzen.

Wikileaks: The Game bideojokoak erabiltzaileari Julian Assange izateko aukera ematen dio. Jokoaren helburua Barack Obama Ameriketako Estatu Batuetako presidenteari, lo dagoen bitartean, ordenagailutik filtratutako dokumentuak lapurtzea da.

Ekimenak arrakasta ikaragarria izan du Sarean eta, dagoeneko, milioi bat baino erabiltze gehiagoren bisita jaso du. Sebastian Moeys jokoaren ekoizleak harrituta dagoela esan du: "Ez genuen horrelako harrera ona izango zuela uste. Txantxa bat bezala sortu genuen, baina hain egun gutxitan izan ditugun bisitek jende askok ezagutzen duen gaia dela adierazi dute".

Jokoaren hasieran adierazten den bezala, Obamak erabiltzailea (Assange) ikusita nahiko erraza da; izan ere, "presidentea oso erraz esnatzen da".

Sareko neutraltasunari buruzko eztabaida

Erabiltzaileak eta enpresak datu guztiak berdin kudeatuko dituen sare baten premiaz eztabaidatzen ari dira. Horren inguruko lege bat sortzeko eskatu dio Senatuak Gobernuari.

Interneteko neutraltasuna gaurkotasuneko gai bihurtu da bai Sarean eta baita politikan ere. Abenduaren hasieran, Senatuak Gobernuari Sareko neutraltasuna bermatzeko "beharrezkoak diren aldaketak" egitea eskatzeko mozioa onartu zuen; horrela, Interneteko datuak "edukia kontuan izan gabe berdin kudeatzea" ziurtatu nahi dute.

Interneteko Erabiltzaileen Elkartearen ustez, mozioa onartzeak Senatuak erabiltzaileek neutraltasunaren alde eskatutakoa "babestu" duela esan nahi du. Horren ondorioz, "oso baikor" hartu dute "Espainiako Informazio Gizartearen garapenaren alde apustu egiteko alderdi guztien artean lortutako adimena"; izan ere, "Gobernuak Sareko neutraltasuna bermatzeko lehen pausoa da".

"Senatuak onartutakoa lehen urratsa da, baina helburua Senatuak Gobernuari gai honi dagozkion legeak eskatzea da, Senatuak ezin baitu besterik egin. Mozioak argia eta laburra izateaz gain, Sareko neutraltasunaren definizio bereizezina jaso behar zuen", esan du Enrique Dans IE Business Schooleko Informazio Sistemetako irakasle eta blogariak.

Erabiltzaileen arteko bateratasuna

"Kontzeptu askorekin nahasi eta kutsatu nahi izan den eztabaida bat da eta, horrela, zentzurik gabeko ikuspuntu asko sortu dituzte. Eskatzen ari garen gauza bakarra Internetek orain arte bezala funtzionatzen jarraitzea da", azaldu du Dansek.

Sareko neutraltasuna mehatxatuta ikusita, erabiltzaileak Internet denontzat berdina izatea eskatzeko bildu dira. Interneteko erabiltzaileen manifestuaren ostean jaio zen Redneutral.org. Webgune horren sortzaileek "Internet egunero komunikatzeko, lan egiteko edo ondo pasatzeko" erabiltzen duen taldea direla diote eta, gainera, ez dute Sarea "Interneten ikus daitekeen informazioa kontrolatzeko tentazioa duten enpresen esku" utzi nahi.

Legeen bila

Internet zerbitzariek Sareko azpiegituretara sarbidea izango balute, euren negozio ereduak gora egingo luke, baina Interneten aritzeko erabiltzailearen ;skatasuna, berriz, urrituko litzateke, telefonia konpainia handiek hitzartutako akordio ekonomikoen menpe egongo liratekeelako. Hori dela eta, Internet sortzeko oinarri nagusietako bat suntsituko litzateke, hau da, Internet guztientzat berdina izatearena.

"Sareko neutraltasunak ez du zerikusirik abiadurarekin, prezioarekin... operatzaile bati epaile lana egiten ez uztea da; azkar edo motel doan informazioa zein den erabakitzen ez uztea, alegia. Hori gertatuko balitz, berrikuntzarekin amaituko genuke", azaldu du Dansek. "Adibide bezala, Interneten saltzeko ideia on bat bururatuko balitzaigu, gaur egungo Interneteko ereduarekin ez genuke webgune bat egiteko eta gure eskaintzaren berri emateko arazorik izango. Baina gure byteak azkarrago joateko zerbitzariak gehiago kobratuko baligu guk kopuru hori ordaintzeko ahalmenaren arabera onartuko genuke jarritako prezioa. Eta okerrena, zerbitzariak zure ideia ona dela pentsatuz gero, kopiatu eta abiadura gehiagorekin eskaintzeko aukera izango luke. Horrek zerbitzariak gustukoen duten egoeran jarriko lituzke eta, ondorioz, berrikuntzarekin amaituko genuke", esan du Dansek. Hortaz, irakasleak adierazi duenez, "Internetek orain arte izan duen neutraltasuna mantentzea da helburua; hau da, zerbitzariak byteak alde batetik bestera bidaltzeko gaitasuna bakarrik izatea".

Horregatik, Red Neutral elkarteak defendatzen duenaren arabera, "herritarrek eta enpresek sortutako edo jasotako datuen trafikoa edukiaren, protokoloaren, jatorriaren edo helmugaren arabera inork ez manipulatzeko, aldatzeko, eragozteko, desbideratzeko, lehentasuna emateko edo atzeratzeko eskubidea dute". Gainera, "trafiko hori komunikazio pribatua da eta edukia epaile baten aginduarekin bakarrik espiatu, artxibatu edo azter daiteke", horien iritzian.

Neutraltasunaren aurkakoak

Bob Khan Interneteko Protokoloaren sortzaileetako batek, bestalde, "Sareko neutraltasun" hitzak slogana direla uste du eta ideiarekin bat ez datorrela adierazi du. Horrez gain, neutraltasuna onartuz gero, Interneten gauza interesgarririk gertatuko ez dela ohartarazi du Khanek. "Helburua jendeak gauza berriak egitea sustatzea bada, gaitasun berri hori zuzenduko duen norbait beharrezkoa da, eta hori, ziur asko, bere Sarean egingo dute, eta ez beste batzuen Sarean", esan du.

Orain, "hurrengo pausoa Gobernuak mozio hori lege proiektu bihurtzea da. Erabaki beharreko dxehetasun horiekin guztiekin gogor arituko dira zerbitzariak, eta herritarrek arreta berezia jarri beharko dute", azaldu du Dansek. "Etorkizunean erabiliko dugun Internet ereduari buruz hitz egiten ari gara eta, zerbitzariek irabazten badute, ordainpeko telebista bihurtuko da Sarea", irakaslearen aburuz.

2010/12/11

Poliziak ezkutuko birus bat duen posta bidaltzen ari direla esan du

Polizia Nazionalak ohartarazi duenez, posta policia@goberno.es helbidetik dator "estimazio" gaiarekin, eta erabiltzailearen ordenadorea birus batekin infektatzen du.

Polizia Nazionalean Interneteko delituen aurka adituak diren agenteak policia@goberno.es 'spam' posta elektronikotik birus bat bidaltzen dela ohartu dira, hori "estimazio" gaiarekin joaten da, eta erabiltzearen ordenadorea birus batekin infektatzen du.

Barne Ministerioak adierazi duenenez, posta elektronikoek ustezko "audientziaren asistentziaren jakinarazpena"-ri aipamena egiten diete eta "jakinarazpena-mpf.scr" deituriko lotura dute, zapaltzean, Brasiletik datorren troiar bat deskargatzen du, erabiltzailearen ordenagailua infektatzen duena.

Mota horietako softwareak zabaltzea ekiditeko, brigadak Poliziaren web orrialdean, www.policia.es-en, zerbait arraroa ikusiz gero eurei jakinaren gainean jartzeko eskatu die herritarrei.

Ordenagailua desinfektatzeko urratsak

Ordenagailua infektatuta dutela pentsatzen duten guztiei Poliziak lau urrats aholkatu dizkie:

Lehenengo urratsa, 'juzched.exe' prozesua desagertzea da zereginen administratzailetik.

Bigarrena, Hasiera/ Exekutatu tekla zapaldu ondoren Regedit idaztea HKEY_CURRENT_USERSoftwareMicrosoftWindowsCurrentVersionRunjuzched kodea ezabatzeko.

Hirugarren urratsa, C:Documents and Settingsñnombre deusuarioíDatos de ProgramaNortonUpdate.exe artxiboa kentzea da eta ondoren C:Documents and Settingsñnombre de usuarioíDatos de ProgramaExtensions direktorioan dagoen guztia kendu behar da. Garrantzitsua da C:Documents and Settingsñnombre de usuarioíDatos de ProgramaExtensionsjuzched.exe ezabatzea, sistema berriz martxan jartzean zabaltzen den birusa  baita.

2010/12/10

Telefono-konpainien arteko aldaketa egun batean egin beharko da

Telekomunikazioen lege berriak telefono-zenbakia mantenduta lanegun batean jarri du konpainiaz aldatzeko epea, eta gehiago babestuko ditu erabiltzaileen datu pribatuak.Telekomunikazioen lege orokor berriak zenbakia mantenduta operatzailez aldatzeko epea egun batean ezarri du, Miguel Sebastian Industria, Turismo eta Merkataritzako ministroak adierazi duenez.

"Etorkizun handiko legea da, eta telekomunikazioen erabiltzaileen eskubideetan eragina izango du. Horiek, kalitate, prezio eta eskaintzen inguruan informazio gehiago jasoko dute, eta telefono-konpainiaren aldaketa egun batean egitea eskatu ahal izango dute" esan du Sebastianek.

Ministroak aipatu duenez,  "eduki ekonomiko handiko" legeak inbertsioak gehitzeaz gain, herritarren datu pribatuak gehiago babestuko ditu bitarteko elektronikoak kontsumitzeko orduan.


Youtubek iraupen mugarik gabeko bideoak onartuko ditu

Edukia identifikatzeko teknologia handiko sisteman etengabe aurrerapenak izateak eta egile-eskubideen jabeentzat gaitasun handiko tresnak jartzeak egin dute posible zerbitzu berria kaleratzea.

Joan den uztailean YouTubek 15 minutuko iraupeneko bideoak igotzeko baimena eman ostean, orain, iraupen mugarik gabeko bideoak igotzeko aukera izango dute erabiltzaileek. Zerbitzu berria probatzen ari dira oraindik erabiltzaile bakar batzuek.

Konpainiak bere blogean aditzera eman duenez, "YouTube komunitateko arauak eta copyrightaren legeak " bete dituztenei eman diete zerbitzu berriarekin aritzeko aukera.

Edukia identifikatzeko teknologia handiko sisteman etengabe aurrerapenak izateak eta egile-eskubideen jabeentzat gaitasun handiko tresnak jartzeak egin dute posible zerbitzu berria kaleratzea.

Bideo bat igotzeko, webgunearen goialdean kokatutako "Igo" botoiean klik egin behar da. Baimena izanez gero, erabiltzaileak aurretik igo nahi izan duen bideo bat berriz argitaratu nahi badu, borratu eta berriro hasi behar du.

Facebook eta Twitter sare sozialek WikiLeaksen aurka egin dute

Visa eta Mastercard konpainiek jasotako erasoaren ostean, Interneteko askatasunaren alde egin dutela adierazi dute sare sozialek.

Facebook eta Twitter sare sozialek WikiLeakesn aldeko dohaintzak egitkeo aukera ezabatu zuten Visa eta ordainketako beste hainbat orrialde eraso zituzten erabiltzaileen kontuak borratu dituzte.

Facebookek Operation Payback kontua ezabatu duela baieztatu du. Twitterrek, berriz, ez du adierazpenik egin nahi izan.

Interneten askatasunaren alde egiten duen taldearen aurkako neurria Visa eta Mastercard eraso ostean hartu dute; izan ere, kreditu txartelen konpainiek WikiLeaksi dohaintzak egiteko kontuak ezabatu zituzten.

Denbora gutxira, kanpaina Twitterren azaldu zen berriz ere beste kontu batekin. Adituen ustez, WikiLeaksen aldekoek elkarrizketa gune desberdinak erabiltzen ari zen antolatzeko eta, hortaz, kontuak ezabatzearekin ez omen du eraginik izango.

Kanpaina horretako partaideetako batek esan du WikiLeaks blokeatzen saiatzeagatik eraso gehiago izan daitezkeela.

Internautek esan dut PayPal erasoko dutela aurreratu dute.

2010/12/09

Facebook, Googlen bilatuena, Tuentiren eta YouTuberen aurretik

Farmerama, Gmail, Hotmail, Paula Prendes, Paco González eta Sara Carbonero, Googlen bilatuenen artean.

2010ean Espainian hitz bilatuenen zerrenda ezagutzera eman du Google munduko bilatzaile handienak. 'Zeitgeist' (denboraren espiritua) delakoan, Facebook da lehena, Tuenti bigarrena eta YouTube hirugarrena.

2009an gailendu zirenekin bat datoz aurtengo bilatuenak, baina Mark Zuckerbergen sare sozialak gora egin du lehen posturaino, bideoen ataria eta Telefonikaren sare sozialaren aurretik.

Sare sozialek izugarrizko garrantzia dutela azaltzen du azterketa honek; Facebook eta Tuenti, YouTuberekin batera, Googleko bilatuenak dira. Bestalde, As eta Marca kirol egunkariak ere garrantzitsuak dira sailkapen horretan.

Bilaketetan gora egin dutenen artean Interneteko urteko joku ospetsuena dago: Farmerama. Igoera hori Gmail eta Hotmail posta elektronikoen zerbitzuek ere izan dute.

Gainera, aurten erabiltzaileen artean interes gehien pizten duten famatuen zerrenda bat sortu dute. Lehenengo hiru postuak Paula Prendes modelo eta aurkezleak, Paco Gonzalez COPEko kirol-kazetariak eta Sara Carbonero kazetariak hartzen dituzte.

Osasuna, ekonomia, gizartea eta kirolaren gain internauten kezka nagusia, egoera ekonomikoa da aurtengo gai bilatuena. Negozioei ekitearekin edo etxeen salmentekin zerikusia duten hitzak interesgarrienak bilakatu dira.

Ospetsuenak:

1. Facebook.

2. Tuenti.

3. YouTube.

4. Hotmail.

5. Marca.

6. Jokuak.

7. Google.

8. Bideoak.

9. Yahoo.

10.As.


Gorabidean dauden atariak:

1. Farmerama.

2. Gmail posta elektronikoa.

3. Hotmail saio hasiera.

4. Marca.es.

5. Twitter.

6. La Gaceta.

7. Antena3 serieak.

8. Penguin kluba.

9. Google Chrome.

10.Telefonica.net posta.


Pertsona ospetsuak:

1. Paula Prendes.

2. Paco Gonzalez.

3. Sara Carbonero.

4. Justin Bieber.

5. Norma Ruiz.

6. Miguel Hernandez.

7. David Guetta.

8. Nelson Mandela.

9. Ricky Martin.

10.Cristina Carbonero.


Gai eta albiste bilatuenak:

Ekonomia:

1. Ikea.

2. Ikeako katalogoa.

3. Paypal.

4. marketing.

5. publizitatea.

6. BEZa.

7. AdWords.

8. Giza baliabideak.

9. Ricoh.

10.Vistaprint.

Higiezinak:

1. alokairua.

2. etxebizitzak.

3. alokatzeko etxebizitzak.

4. idealista.

5. fotocasa.

6. loquo.

7. alokairua Madrilen.

8. saltzen diren etxeak.

9. pisuak salmentan.

10. etxeen salmenta.

Gizartea:

1. hezkuntza.

2. emakumeak eta gizonak.

3. Uned.

4. Zerga-Agentzia.

5. bekak.

6. ogasuna.

7. NANerako aurretiko zita.

8. Katastroa.

9. BOE.

10. Madrilgo unibertsitatea.

Osasuna:

1. bihotz.

2. antsietatea.

3. kolesterola.

4. Gizarte Segurantza.

5. diabetes.

6. etxeko erremedioak.

7. bizitza madarikatua.

8. herpes.

9. aurretiko zita.

10.farmatzia.

Kirolak:

1. futbol.

2. Marca.

3. mundiala.

4. comunio.

5. Real Madrid.

6. As.

7. Bartzelona.

8. Sport.

9. F1.

10.Decathlon.

Albisterik bilatuenak:

1. Madril.

2. Real Madril.

3. Espainia.

4. Bartzelona.

5. Alonso.

6. Haiti.

7. Txile.

8. Nadal.

9. Tuenti.

10.Marsans.

Goraka doazen albisteak:

1. iPad.

2. Vancouver 2010.

3. Tomas Gomez.

4. Trinidad Jimenez.

5. Baltasar Garzon.

6. Mourinho.

7. Atletico Madril.

8. Manolo Lama.

9. Grezia.

10. Pep Guardiola.



'Aspaldiko', Sara Carbonero.

Xabier Lete, agur eta ohore

Asko hitz egin da eta asko idatzi da Xabier Leteri buruz.

Neretzat Xabier Lete, Mikel Laboa ta Benito Lertxundiren kantuak oso garrantzitsuak izan dira eta dira oraindik.

Ez da erraza Xabier Leteren kantu bat aukeratzea, asko dira politxak eta barrurarte sartzen direnak. Oraingo honetan hau aukeratzen det, sentimenduz betetako kantua: Seaska kanta


2010/12/07

Chrome OS sistema eragilearen beta bertsioa aurkeztu du Google-ek

Egitasmoa proba fasean dago oraindik, baina Chrome CS sistema izango duten lehen ordenagailu eramangarriak 2011ko erdialdean eskuragarri egongo dira mundu osoan.Chrome OS sistema eragilearen ezaugarriak jakitera eman ditu gaur Google konpainiak, webguneen erabileran oinarrituriko ordenagailuak garatzeko helburarekin.

Proba fasean dago egitasmoa oraindik, baina Chrome CS sistema izango duten lehen ordenagailu eramangarriak 2011ko erdialdean eskuragarri egongo dira mundu osoan.

Hasiera batean, Acer eta Samsung enpresek dispositibo horiek egingo dituzte, Wi-fi eta 3G Internet konexioarekin, berehalako pizte eta amatatze sistemarekin, Internet sarreran karga atzerapenik gabe eta konexiorik ez dagoenean aplikazioekin funtzionatzeko aukera izango dute.

Produktua akabatzeko, Cr-48 ordenagailu eramangarri batzuk erabiltzaileen artean banatuko ditu Google konpainiak. Azken hilabeteetan konpainiako langileek erabili dituzte ordenagailu horiek.


iPad 2 prest izan daiteke otsailean

Hala ere, iPad 2 teknologia ez da apirilera arte merkatura helduko.

iPad ospetsuen bigarren belaunaldia otsailean prest izan daiteke, baina apirilera arte ez da merkatura helduko, Foxconn Taiwaneko enpresako iturrien arabera. Apple konpainiarentzako osagai elektronikoak egiten ditu Foxconnek.

iPad 2 "datozen 100 egunetan" hornitzeko gai izango direla jakitera eman zuten Asiako konpainiaren arduradunek orain dela gutxi. 400.000-600.000 bat unitateko eskariari aurre egiteko prest izango direla uste dute Foxconneko agintariek.

Hala ere, iPad 2 teknologia ez da apirilera arte merkatura helduko, iturri berdinen arabera. 2010eko hirugarren hiruhilekoan 6 milioi iPad eskatu zizkion Apple konpainiak, eta otsailean 2 milioi baino gutxiago eskatzea espero du Asiako enpresak.


iPad 2 prest izan daiteke otsailean. Argazkia: EFE

2010/12/01

Google Earthek Daviden izar bat aurkitu du Teherango aireportuan

Hau ez da Google Earth zerbitzua albiste den lehen aldia; izan ere, beste batzutan antzeko aurkikuntza xelebreak egin ditu.

Teherango aireportuko teilatuan Daviden izar handi bat aurkitu dute Google Earthek lortutako irudi bati esker.

Egia esan, Israelgo ingeniariek egin zuten eraikina, baina inork ez zekien Daviden izar bat zegoenik. 'Jerusalem post' egunkariaren arabera, izarra Google Earth zerbitzuari esker ikusi dute.

Iraganean Israelen eta Iranen arteko harremanak adeitsuak ziren. Harreman horien ondorioz hainbat erakin sortu ziren, besteak beste, Teherango aireportua. Islamiar iraultzaren ostean, 1979an harremanak eten zituzten, eta egun harremana ez da ona. Hori dela eta, Daviden izarraren aurkikuntzak ondoeza sortu du Teherango hiritarrengan.

Googleko erremintaren ospeak gora egin du noizean behingo aurkikuntza horiei esker.

Teherango aireportu gainean dagoen izarraren irudia.

Euskaltubek bizi nahi du

Bideoak partekatzeko euskarazko plataformak finantzaketa bilatzeko babesletza kanpaina abiatu du; izan ere, joan den abuztuan, abuztuan, arazo ekonomikoak bitarteko, bertan behera geratu zen.

Euskaltube.com webguneak ezin izan ditu hiru urte martxan bete. Bideoak partekatzeko euskarazko lehenengo plataformaren arduradunek adierazi dutenez, "ostalaritza zerbitzua asko garestitu da, publizitate bitartezko finantzaketa saiakerak ez du nahi bezala funtzionatu eta Interneteko aldaketak abiadura bizian gertatzen dira, eta ezinezkoa egin zaigu abiadura horren pareko garapen teknikoa mantentzea".

Hori dela eta, Euskaltube.com-en atariak bizi duen egoeraren berri eman dute eta babesletza kanpaina bat iragarri dute. Gainera, datozen asteetan hainbat eragilerekin bilduko dira bideragarritasuna aztertzeko. "Webgunearen funtzionamendu egokia, sistemaren eta edukien mantentzea eta, azken finean, egitasmoaren etorkizuna bermatzeko, finantzaketa sistema egonkor bat behar du Euskaltube.com-ek", azaldu dute.

Webgunearen kudeatzaileek, beraz, egitasmoari beste dimentsio bat emateko garai dela uste dute eta Interneten euskaraz lan egiten duten enpresa, entitate eta erakundeen babes ekonomikoa eskatu dute.

Hala ere, dirua alde batera utzita, Euskaltube.com-ekoek atarian jarri duten mezua hedatzera gonbidatu dituzte erabiltzaileak. " Mezu hau zeure sare sozialetan, blogetan edo ahoz-aho zabaltzen baduzu, asko lagunduko gaituzu. Erabili #bizirik etiketa edo hashtag-a", adierazi dute.

2007an sortu zenetik, 6.000 bideo inguru igo dituzte sarera eta plataformak milaka bisitari izan eta milioika orrialde zerbitzatu ditu. "Gutxinaka euskarazko internetgintzako erreferente bilakatu da eta hiru urte hauetan 100 GB ostatatu ditu. Alegia, nagusiki euskaraz dauden 100 GB bideo egon dira Euskaltube.com gunean ikusgai", argitu dute.


Googlen sare soziala 2011ko udaberrian jarriko dute martxan

Diseinuan arazo batzuk izan dituzte, eta horregatik atzeratu behar izan dute kaleratze-data. Hala ere, Google Me sare sozialak lehenengo mailako sare soziala izan nahi du.

Urte honen amaieran aterako zela iragarri zuten zurrumurruek. Baina orain arte enpresak sektretupean mantentzen zuen Google Me sare sozial berria 2011ko udaberrian jarriko da martxan azkenean, diseinuan arazo batzuk izan dituztelako.

Vic Gundotra konpainiako aurpegi ezagunenetako batek eta ingeniaritza lehendakariordeak zuzentzen dute ekimena, eta ekimen honek diseinuan atzerapen batzuk jasaten ari da, eta baita proiektuaren gauzatzean ere, mashable.com-ek aurreratu duenez. Arazo horien zergatiak dira “antolaketa gutxi izatea, eta lan taldeen gatazkak, batzuetan paraleloki lan egiten baitute”.

Urte hasieratik zeuden gai honen inguruko zurrumurruak. Google Me sare sozialak “lehenengo mailako sare soziala” izan nahi du. Facebook sare sozialaren lehiakide zuzen bezala diseinatu da, baina horrelako sarea izatetik urrun dago.

Google enpresaren zuzendari-exekutibo den Eric Schmidt-ek baieztatu duenez, “Googlek eskaintzen dituen zerbitzu ugarietara pixkanaka erantsiko zaien sare soziala izango da”.

2010/11/30

Google bere nagusitasunaz baliatu den ikertuko du Bruselak

Interneteko hainbat bilaketa zerbitzuk Europako Batzordean aurkeztutako kexen ondorioz hasi dute ikerketa.

Europako Batzordeak Google konpainia estatubatuarra ikertuko duela adierazi du gaur, ustez Interneteko bilaketen merkatuan bere nagusitasunaz baliatu delako eta nagusitasun horrek EBko arauak urratzen ditu.

Interneteko hainbat bilaketa zerbitzuk Joaquin Almunia Europako Batzordeko presidenteordeari aurkeztutako kexen ondorioz hasi du exekutiboak ikerketa. Enpresa horiek euren zerbitzuak ordainpeko eta doako Googleren bilaketetako emaitzetan zigortuak izaten direla salatu dute eta konpainia estatubatuarrak sistematikoki bere edukien alde egiten duela gaineratu dute.

Salaketa egin duten elkarteen artean dira Foundem atari britainiarra, ejustice.fr bilatzaile frantziarra eta Microsoften Bing bilatzaileko Ciao! ataria, Googlek otsailean adierazi zuenaren arabera.

Europako Batzordeak Googlek bere nagusitasunaz baliatu den ikertuko du eta horretarako beste enpresen emaitzak doako bilaketen zerrendetan beherago jarri dituen aztertuko du.

Bruselak Googlek ordainpeko emaitzetan lehiakoak diren bilaketa zerbitzuen "Kalitate Maila" txikitu duen jakin nahi du. "Kalitate Maila" Googlen publizitatea izateko ordaindu beharreko prezioa neurtzeko erabiltzen den erremintetako bat da.

Fotomail; 10 GB-ko argazkiak mezu bakarrean bidaltzeko zerbitzu berria

Hotmailen zerbitzu berri honek argazki albumak bidaltzeko aukera eskaintzen du.

Argazkiak modu erosoagoan bidaltzeko zerbitzu berria jarri du martxan Hotmailek.

Hain zuzen ere, Fotomail funtzioari esker, erabiltzaileak, 10 gigabytera arteko pisua duten argazkiak bidal ditzake mezu bakarrean. Horretarako "Argazki-Berria Hotmaileko Albuma" aukera hautatu behar du.

Gainera, album hori sarrerako ontzian zenbat denboraz izan nahi duen erabaki dezake erabiltzaileak: 30 egunez, 90 egunez edo betirako.

''Nick dut nik'', finalista 2010eko Buber sarietan

Blog korporatiborik onena atalean beste lau webgunerekin lehiatuko da. Zortzigarren edizioaren irabazleak Gasteizen ostegun honetan ospatuko den jai batean ezagutaraziko dituzte.

"Nick dut nik" ETBko telebista programaren webgunea finalista da 2010eko Buber sarien zortzigarren edizioan. Euskadiko Internet proiektuen inguruko saioaren orrialdea Blog korporatibo onenaren atalean lehiatuko da beste laurekin batera (automationintheworld.com, rediles.com, codesyntax.com y pandalabs.pandasecurity.com).

Bederatzi ataletako irabazleak (Blogo edo orrialde pertsonal onena, Software librea ondoen sustatzen duen webgunea, Euskara ondoen sustatzen duen webgunea, Web orririk erabilgarriena eta erabilerrazena, Hiritarrentzako zerbitzu web orri onena, Web berrikuntzari saria, Internet&Euskadi Elkartearen Ohorezko Saria eta aipatutako Blog korporatiborik onena) ostegun honetan, abenduak 2, Gasteizko Europa Jauregian egingo den jai batean ezagutaraziko dituzte.

Aurreko urteetan bezala, sari banaketa egin baino lehen, sei aditu Interneten 2011ean izango diren berrikuntzen inguruan mintzatuko dira. Hori horrela, Softec enpresako Mikel Irizarrek, Datuak Babesteko Euskal Bulegoko Pedro Alberto Gonzalezek edo eitb.com-ek sareen sarean etorkizun hurbilean izan daitezkenei buruz hitz egingo dute. Kontsulta ezazu egitaraua eta eman izena hemen.

Arantza Garcesek aurkeztutako saioa asteazkenetan ETB-3n ematen dute, ostiraletan ETB-1en eta igandetan, ETB-2n. "Nick dut nik"en webguneak telebistan eskainitako erreportaje eta elkarrizketak biltzen ditu, baina horrez gain, giza-harremanetarako plataforma bihurtzea du helburu, bakoitzak bere web proiektuen berri eman eta saioaren edukien sorreran parte hartzeko aukera eskainiz.

Internet & Euskadi Elkarteak sustatzen ditu Buber sariak. Sariek euskal gaien inguruan Interneten sortu zuten lehen webguneari zor diote izena (Blas Pedro Uberoagak 1994an sortutakoa).

''Nick dut nik''en webgunea finalista da Buber sarietan Argazkia: eitb.com

2010/11/29

Lady Gagak eta Justin Timberlakek Twitter eta Facebook utzi dituzte

Alicia Keysek HIESAren kontra sortutako erakundeari diru-laguntzak emateko helburuz abiatu dute ekimen hau eta hainbat pertsonaia ospetsuk parte hartuko dute.

Lady Gagak, Alicia Keysek eta Justin Timberlakek, besteak beste, Twitter eta Facebook sare sozialak alde batera utziko dituzte asteartetik aurrera eta milioi bateko diru-laguntzak jaso arte.

Asko dira "The Digital Life Sacrifice" ekimenarekin bat egin duten izarrak. Hain zuzen ere, Alicia Keys abeslariak abiatu du aipatutako ekimena, HIESAren kontra lan egiten duen Keep A Child Alive erakundearentzat diru-laguntzak jasotzeko helburuarekin.

Kim eta Khloe Kardashian, Elijah Wood, Serena Williams eta Swizz Beatz pertsonaiek ere parte hartu dute ekimen honetan. Guzti hauek, bihartik aurrera eta milioi bat dolarreko laguntza lortu arte, ez dituzte Twitter, Facebook eta antzeko sare sozialak bisitatuko.

Kanpaina honek eragin izugarria izango du, pertsonaia ospetsu hauek jarraitzaile asko baitituzte sare sozialetan. Lady Gagak, adibidez, 7 milioi jarraitzaile ditu Twitterren eta 24 milioitik gora Facebooken.

2010/11/27

Bertsolaritza ikasteko lehen bideo-jokoa atera dute

Bideo-jokoaren helburuak euskararen mundua sustatzea eta bertsolaritza ezagutaraztea dira. Abenduaren 4ean aurkeztuko dute Durangoko Liburu eta Disko Azokan.

Gestionet Multimedia Bizkaiko enpresak "Bertsoz Bertso. Zortziko txiki txapelketa" garatu du, etxeko txikienenei zuzenduta dagoen bideo-jokoa. Horren helburuak euskararen erabilera sustatzea eta bertsolaritzaren mundua ezagutaraztea dira, jokoaren arduradun nagusiaren arabera.

Joko berria Durangoko Euskal Liburu eta Disko Azokan aurkeztuko dute, abenduaren 4ean.

Erandion egoitza duen enpresak ordenagailuetarako bideo-joko bat prestatu, eta 350 bertso egiteko aukera ematen du.

Jokoak ikasteko aukera ere ematen du, erabiltzaileak bertsolaritzaren mundua eta historia ezagutu ahal izango baititu, Euskal Herriko bertsolariak zeintzuk diren jakiteko aukera izateaz gain. Bizkaiko eta Gipuzkoako Foru Aldundiek jokoaren garapena bermatu dute.

2010/11/25

Pertsonaia ezagunak lagunen bila, Facebooken

Facebooken jarraitzaile gehien dituztenen zerrendako lehena da sare soziala bera. Hala ere, artista ospetsuenak, Michael Jackson eta Lady Gaga, adibidez, ezagunenak izateko lehian dabiltza.

Sare sozialek Interneteko erabiltzaileei euren artean komunikatzeko bide berriak eskaini dizkiete. Pertsonaia ospetsuek, berriz, euren egunerokoan egiten dituzten gauza arruntak erakusteko aprobetxatu dute. Gaur egun, artistek euren bizitza pribatua ondo babestu nahi dute, baina geroz eta gehiago dira Britney Spearsek bezala sare sozialetan euren bizitzako "bitxikeriei" buruz hitz egiten dutenak. Beste askok Facebook eta Twitter moduko erremintek doako publizitatea egiteko era egokia dela uste dute. Oraingoz, Facebooken jarraitzaile gehien dituen taldea Mark Zuckerbergek sortutako sare bera da eta 28.600.000 jarraitzaile baino gehiago ditu. Bigarrenean dago Texa's Hold'em Poker karta jokoa (28.300.000 baino gehiago).

Hirugarren postuan, berriz, Facebookeko musikaririk jarraituena dago: Michael Jackson. Zalantzarik gabe, musikaren historiako artistarik maitatuenetako bat da eta hil ostean ere 24.500.000 jarraitzaile baino gehiago lotu ditu, Facebooken. Gertutik jarraitzen dio Lady Gagak. Artista iskanbilatsuak ospetsuenen zerrenden artean izatea gustuko du; izan ere, "Bad Romance" abestiaren bideoarekin YouTubeko ikusiena izatea lortu zuen. Horrez gain, Justin Bieber kanadar gaztearekin duen lehia ere nahiko ezaguna da. Hala eta guztiz ere, badirudi Bieberrek zail izango duela Gaga gainditzeko, 15.800.000 fan baititu.

Fan fenomenoak indar asko du Sarean, horren isla dira Family Guy (21.691.945) eta House (16.975.300) telesailek lortu duten lagun kopurua, edota Twilight Sagak gainditu dituen 17.628.833 jarraitzaileak. Gainera, gai berdinei buruzko profil desberdinek lehen postuen artean errepikatzen dute. Horrez gain, marrazki bizidun batzuk ere jarraituenen artean daude: Bob Esponja (13.418.322), Mickey Mouse (13.648.571)...

Zaletasunak anitzak dira Facebooken eta horregatik Cristiano Ronaldo futbolaria (15.346.208), Barack Obama Ameriketako Estatu Batuetako presidentea (16.735.832), Emimen raperoa (22.303.326) eta Shakira (15.115.020) topatu ditzakegu sare sozialeko lehenengoen artean.

Edertasun kontua

Interneten benetako arrakasta dutenak pertsona ederrak dira eta horren adierazle dira Victoria's Secret etxeko aingeruak (9.990.000 fan baino gehiago dituzte), hamargarren postuan dagoen Megan Fox (18.629.120) edo bederatzigarrenean dagoen Vin Diesel (18.871.237).

Pertsonaia ospetsuek sare sozialetan euren artean eta zaleekin kontaktuan izateko bidea topatu duten arren, batzuetan, ez dira haientzat onuragarriak izaten. Adierazpen desegokiak edo bizitza pribatuko argazkiak erakusteko lotsik ez izateak, bat baino gehiagok arazoak izatea eragin du.

Ashton Kutcher, adibidez, Twitter etengabe erabiltzen duen artista horietako bat da. Hori dela eta, Demi Moore bere emaztearekin etxean dagoenean egiten ari direnaren berri ematen du sare sozialean. "Oraintxe bertan nire emaztea bikini zuri bat soinean duela etxeko lanak nola egiten ari den ikusten ari naiz. Eskerrik asko, Jauna", idatzi zuen behin.

Etxekoak

Vaya Semanita da Facebooken ekimen gehien antolatzen dituen gure telesailetako bat. Orain, 100.000 jarraitzaileen kopurua gainditzeko lanean ari dira. Sare sozialetan lehen pausuak ematen ari diren euskal pertsonaia ospetsuen artean dira Fito & Fitipaldis (305.000 seguidores), La Oreja de Van Gogh (32.282 fans), Mikel Erentxun eta Ken Zazpi, besteak beste.

2010/11/24

Google Street Viewen biluzik agertu zen gizonaren misterioa

Kotxe bateko maletategian, hainbat resnarekin eta zakur batekin biluzik agertzen zen gizon baten irudiak zurrumurru ugari eragin ditu Sarean.

2007an Googlel Google Street View kaleratu zuenetik, erremintak jasotako argazkiek harritu egin gaituzte eta horrelako jarraituko dutela dirudi. Alemanian, kotxe bateko maletategian sartutako gizon baten irudiak zurrumurru ugari eragin ditu, Sarean.

Irudian, kotxea garaje batean aparkatuta dago eta biluzik dagoen gizona kotxearen maletategian azaltzen da. Ondoan, botila bat eta hainbat tresna ditu ezkerraldean eta, irudiaren eskuinaldean, zakur bat dago, lurrean.

CNETk jaso duenez, Der Spiegel egunkari alemaniarrak argitaratu zuen irudia eta ordutik asko hitz egin da irudiari buruz.

Googlek, bestalde, argazkia ezabatu du eta Google Street View aztertzen ari direla esan du.

Google Street View-n biluzik azaldutako gizonaren irudia.

The Beatles taldeak bi milioi kopia baino gehiago saldu ditu iTunesen

Liverpoolekoek 450.000 disko saldu dituzte mundu osoan. Abbey Road izan da AEBetako iTunes dendako lanik salduena.

The Beatles talde ingelesak bi milioi abesti baino gehiago eta 450.000 disko baino gehiago saldu ditu iTunesen daraman lehen astean, konpainiak adierazi duenez.

Abbey Road izan da Ameriketako Estatu Batuetan gehien saldu den diskoa eta zerrendako seigarren postua lortu du. The Beatles Box Set bildumak, berriz, hamargarren postua lortu du.

"Here Comes the Sun" abestiak The Beatles taldearen kanturik salduena izatea lortu du, baina Applek jakinarazi duenez, ez du lehen hamar artean izatea lortu.

2010/11/23

Tim Burton Twitterreko jarraitzaileekin ipuin bat idazten ari da

Zuzendariaren proiektuak "Tim Burton's Cadavre Exquis" izena du eta "exquisite corpse" bat da. Hau da, erabiltzaileek proposatutako esaldiekin istorio bat sortzeko jokoa.

Tim Burton zinemagileak eta idazleak bere jarraitzaileei laguntza eskatu die Twitter sare sozialean iturri anitzeko ipuin bat sortzeko. Sorkuntza horrekin Torontoko museoan egingo duten bere obrari buruzko erakusketa bat sustatu nahi du.

Proiektuak "Tim Burton's Cadavre Exquis" izena du eta "exquisite corpse" bat da. Hau da, erabiltzaileek proposatutako esaldiekin istorio bat sortzeko jokoa.

Horrela funtzionatzen du gutxi gorabehera Burtonen esperimentuak. "Stainboy" pertsonaiaren abenturak deskribatzen dituen esaldi batekin hasi du ekimena zuzendariak eta erabiltzaileei "#BurtonStory" tagarekin istorioari lerro bat gehitzea proposatu die. Eguneko "tweet" onenekin osatuko dute ipuina gaurtik datorren abenduaren 6ra arte.

Esperimentu honek Toronton egingo duten Tim Burtoni buruzko atzera begirakoarekin zerikusia du. Erakusketa, datorren azaroaren 26tik aurrera, TIFF Bell Lightbox-en, Torontoko Nazioarteko Zinema Jaialdiaren egoitzan izango da.

Proposamen hori New Yorkeko MoMa museoan izan da aurretik eta, bertan, museoaren historian gehien ikusi den hirugarren erakusketa izan zen.

2010/11/22

Baliteke Applek iPaderako egunkari esklusiboa izatea laster

Steve Jobs eta Ruper Murdoch iPadarentzat egunkari bat sortzeko lanean ari dira. The Daily izeneko argitalpenak "orain arteko prentsa eredua goitik behera aldatuko luke".

Rupert Murdoch eta Steve Jobs News Corp eta Apple enpresetako arduradunak iPad gailuan bakarrik erabiliko den egunkari bat prestatzen ari dira. The Daily izeneko argitalpenak "orain arteko prentsa eredua goitik behera aldatuko luke".

Bi enpresek albistea konfirmatu ez duten arren, badirudi dagoeneko 100 kazetari ezagun hautatu dituztela argitalpenean lan egiteko. Ekimenak 30 milioi dolarreko aurrekontua omen du.

Albistea egia bada, egunkaria datorren urteko hasiera aldera iritsiko da. AEBetako komunikabideek argitaratu dutenez, argitalpena iPadean bakarrik ikusi ahalko da, ez da paperean edo Sarean topatuko. Helburua "egunkaria" iPadean edo antzeko gailuetan bakarrik eskaintzea da.

Argitalpenaren prezioa 0,99 dolarrekoa izango da. Oraindik ez da zuzendariaren izena ezagutu, baina The Guardian britainiarrak adierazi duenez, Jesse Angelo New York Posteko zuzendaria izan liteke.

Applek iPadarentzat egunkari esklusiboa kaleratu lezake

Steve Jobs eta Ruper Murdoch iPadarentzat egunkari bat sortzeko lanean ari dira. The Daily izeneko argitalpenak "orain arteko prentsa eredua goitik behera aldatuko luke".

Rupert Murdoch eta Steve Jobs News Corp eta Apple enpresetako arduradunak iPad gailuan bakarrik erabiliko den egunkari bat prestatzen ari dira. The Daily izeneko argitalpenak "orain arteko prentsa eredua goitik behera aldatuko luke".

Bi enpresek albistea konfirmatu ez duten arren, badirudi dagoeneko 100 kazetari ezagun hautatu dituztela argitalpenean lan egiteko. Ekimenak 30 milioi dolarreko aurrekontua omen du.

Albistea egia bada, egunkaria datorren urteko hasiera aldera iritsiko da. AEBetako komunikabideek argitaratu dutenez, argitalpena iPadean bakarrik ikusi ahalko da, ez da paperean edo Sarean topatuko. Helburua "egunkaria" iPadean edo antzeko gailuetan bakarrik eskaintzea da.

Argitalpenaren prezioa 0,99 dolarrekoa izango da. Oraindik ez da zuzendariaren izena ezagutu, baina The Guardian britainiarrak adierazi duenez, Jesse Angelo New York Posteko zuzendaria izan liteke.

2010/11/19

Tuentik bere mugikorren eskaintza aste batzuetan aterako du

Expansion egunkariaren arabera, sare sozialak telefonia mugikorraren zerbitzua eskainiko du, eta merkatuko salneurri baxuenen artean egongo dira bere prezioak.

Tuenti Espainiako sare sozialak datorren asteetan Telefonica sarearen gaineko telefonia mugikorraren zerbitzua aterako du. Azken horrek Interneteko enpresaren % 85 erosi zuen abuztuan, minutuko salneurri baxuak izanez, 4 zentimo inguru, Expansion egunkariaren arabera.

Ez Tuentik, 8 milioi erabiltzaile inguru dituen sare sozialak, ez Telefonicak ez dute informazioaren inguruan mintzatu nahi izan.

Tuentik irailean mugikor birtualen operadore bezala (sare propiorik gabe) erregistratzeko eskatu zuen Telekomunikazio Merkatuaren Batzordean eta geroztik, zerbitzu hori emateko gai da.

Expansion egunkariaren arabera, "low cost" izeneko operadoreen artean jarriko da "Tuentimobil", merkatuko salneurri baxuenen artean egongo diren prezioekin, 4 zentimo minutuko bere mugikorren artean eta 8 zentimo minutuko beste operadoreekin, hala ere, oraindik ez ditu zeheaztu izango duen eskaintzaren azkeneko xehetasunak.

Interneteko 12 iruzur handienak, Gabonetara begira

iPadak Gabonetako iruzur handien zerrendako lehen postuan daude, McAfee segurtasun enpresaren arabera.

McAfee Interneteko segurtasun empresak, izen bereko biruskontrakoaren sortzaileak, kontsumitzaileek Gabonetan kontuan hartzeko 12 iruzur handienak zerrendatu ditu:


1.- iPadak saltzeko eskaintza faltsuak
Appleren produktuak salduenak izaten ari dira, eta beraz, zibergaizkileak eskaintza faltsuak egiten ari dira: produkturen bat erosi, eta trukean iPad bat doan jaso. Noski, kontsumitzaileek ez dute inoiz jasotzen aparailua, eta gaizkileei kontu-korronte zenbakia eman diete.

2.- "Lagundu! Maula egin didate!"
Gaizkileek mezu faltsuak igortzen dituzte, senide batzuk atzerrian harrapatuta daudela esaten diete, eta dirua eskatzen dute etxera itzul daitezen.

3.- Opari txartel faltsuak
Sare sozialen bitartez, gaizkileek opari txartelak eskaintzen dituzte, baina dirua osteko eta nortasun-lapurretak egiteko egiten dute.

4.- Lan eskaintzak
Gabonetan, jendea diru gehiagoren beharrean dago, eta horretaz baliatuta, lan eskaintza faltsuak egiten dituzte, baina balizko biktimen datuak batzeko amarrua baino ez da.

5.- “Smishing"
Mezu faltsuak igortzen dituzte, biktimaren bankuak egin balu bezala, kontu-korrontean akatsen bat dagoela esateko eta telefono-zenbaki batera deitzea eskatzeko. Biktimen informazioa lortzeko beste aitzakia bat.

6.- Opor eskaintza susmagarriak
Webgune faltsuak sortzen dituzte, opor eskaintza faltsu bete, eta bezeroek aldez aurretik egin behar dituzte ordainketak. Dena iruzurra.

7.- Krisiarekin lotutako iruzurrak
Interes txikiko maileguak eskaintzen dituzte, baina dirua gaizkileen poltsikoetara iristen da zuzen-zuzenean.

8.- Zoriontzeko txartelak
Urtebetetzeak, Gabonak eta beste motatako ospakizun batzuk zoriontzeko txartelak igortzen dituzte, baina estekak birusetara daude lotuta.

9.- Tranpa merkeak
Gaizkileek produktu merkeak eskaintzen dituzte, baina lapurtzea baino ez dute helburu.

10.- Elkartasunarekin eta karitatearekin lotutakoak
Umeentzat, adinekoentzat edo azken hondamendi naturalaren biktimentzat dirua eskatzen dute, baina euren poltsikoetan geratzen da.

11.- Deskarga arriskutsuak
Gabonetako ikurrak dituzten pantaila-babesleak modu egokiak dira birusak eta beste tankerako mehatxuak hedatzeko.

12.- Wi-fi hoteletan eta aireportuetan
Gabonetan jende asko oporretan dago, eta hoteletako eta aireportuetako wi-fiak erabiltzen dituzte, eta hackerrak zain daude.

2010/11/18

Zientzialariak Euskadira ekartzeko webgunea sortu dute

Science.careers.eu atariak ikertzaileentzat Euskadin dauden lan eskaintzak bilduko ditu eta helburua euskal eskaintza zientifikoari ikuspen handiagoa ematea da.

Ikerbasque erakundeak, zientzia eta ikerketa sustatzeko Eusko Jaurlaritzaren laguntzarekin, Science.careers.eu webgunea sortu du. Talentu zientifikoa erakartzeko, atariak ikertzaileentzat Euskadin dauden lan eskaintzak bilduko ditu. Isabel Celaa Hezkuntza sailburuak eta Fernando Cossio Ikerbasqueko batzar eragileko presidenteak aurkeztu dute webgunea eta, gaur egun, atariak 27 lanposturen berri ematen duela argitu dute. Gainera, dagoeneko postu horietarako 331 eskakizun jaso dituztela adierazi dute.

Webgunea ingelesez bakarrik dago, zientzialarien hizkuntza baita, eta hiru euskal unibertsitateek (EHU, Deusto eta Mondragon) eskaintzen dituzten ikerketa lanpostuen inguruko informazioa jasotzen du. Helburua euskal eskaintza zientifikoari nazioarteko ikuspen handiagoa ematea da eta, horrez gain, postu bakoitzerako hautagai kopurua handitzea. Horrela, azkenean aukeratutako ikertzailearen kalitatea hobetu nahi dute.

Cossiok azaldu du Ikerbasqueren helburua Euskadin sortuko den ikertzaile bakoitzaren postua "ahalik eta eraginkorrena" izatea da eta, horretarako, "onenak ekarri behar dira", esan du. Celaak, bestalde, 331 eskakizunetatik -iza baino ehun gehiago- Massachusetts Institute of Technologyko (MIT) eta Harvard Unibertsitatekoak jaso dituztela. Horrek "munduan ezagutzen gaituztela eta gure ikerketa eskaintza interesgarria dela esan nahi du", sailburuaren aburuz.

Horrez gain, sailburuak esan du webgune berriaren eskaintzak Euraxess atari europarrean ere azalduko direla. Horri esker, garatzen ari diren ikertzaileak eta Euskadin ibilbidea egin dezaketenak zeintzuk diren ezagutuko dute.

Isabel Celaa eta Fernando Cossio, gaur goizeko aurkezpenean.

Boutiques.com; Googlek modaren alde egindako apustua

Erosketa "pertsonalizatuak" egiteko aukera eskaintzen dio bezeroari atari berri honek.

Internet bidezko erosketen aldeko apustu garbia egin du Googlek. Bilatzaile honek bere blogean azaltzen duenez, ez da gauza bera kamera bat edo soineko bat erostea, horregatik, erosketa pertsonalizatua eskaintzen duen atari bat kaleratu nahi izan du.

Boutiques.com-ek erosketak modu erosoagoan egiteko aukera eskaintzen dio erabiltzaileari. Hain zuzen ere, bezeroaren gustuak aztertzen ditu eta erosketa aukera ezberdinak erakusten dizkio.

Hori lortzeko, hainbat galdera egiten dizkio erabiltzaileari. Modu horretan, jantziak, koloreak zein estanpatuak hautatzen laguntzen dio eta informazio horrekin bezeroari gehien interesatzen zaizkion produktuak erakusten ditu.

Gustuak finkatzea eta bezeroak nahi duena zer den jakitea lortzen duen momentuan, Boutiques.com atariak online denda batera bideratzen du eroslea. Horrela, sarean jantziak saltzen dituzten denden eta bezeroaren arteko bitartekari bilakatzen da webgune berri hau.

2010/11/17

Prezi.com, presentazio ikusgarriak on-line

Prezi (http://www.prezi.com) presentazio erakargarri eta  ikusgarriak egiteko on-line herraminta bat da. Power Point edo Impress programak sor ditzazketen presentazioak hobetetzen ditu, efektu eta aukera desberdinekin.

Kontu mota desberdinak daude web orri honetan, debaldeko bertsio bat ere badago. Bertsio honetan on-line egindako presentazioa zeure disko gogorrera jeitsi dezakezu gero zure pendrive edo portatilean eraman eta erakusteko, hori bai, ezingo duzu off-line editatu. Hori ordaindutako bertsioan bakarrik egin ahal da.

Espotatutako presentazioa, flash formatoan esportatzen da eta benetan pena merezi duen emaitzak lor daitezke. Bertan erregistratuta, 5 minutuko bideo tutorialtxoan ikus daitekeen bezala.

2010/11/16

Beatlesen musika iTunesen izango da historian lehen aldiz

Akordioaren berri emateko, Applek iTunesen webgunean mezu sinple bat besterik ez du jarri: "Beatles. Orain, iTunesen".

Hemendik aurrera eta historian lehen aldiz, Appleren iTunes zerbitzuaren erabiltzaileek Beatlesen diskografia osoa izango dute eskuragai, konpainia estatubatuarrak adierazi duenaren arabera.

Akordioaren berri emateko, Applek iTunesen webgunean mezu sinple bat besterik ez du jarri: "Beatles. Orain, iTunesen".

Beatles taldearen musika Apple enpresaren iTunes musika plataformara iritsiko da horrela, The Wall Street Journal egunkariak aurreratu duenaren arabera.

Egunkari estatubatuarrak adierazi du Steve Jobsen konpainiak gaur jakinaraziko duela berria.

Applek bere atarian ere argitaratu duenez, iTunesi buruzko informazio "zirraragarria" aditzera emango du gaur.

The Wall Street Journaleko iturrien aburuz, elkarrizketa ugariren ostean, Apple enpresak, Beatlesen ordezkariek eta EMI zigiluak akordioa lortu dute taldearen musika Interneten lehen aldiz hedatzeko.

Beatlesen musikari asko kostatu zaio merkataritza elektronikora iristea. Jarrera hori ere talde ingelesak aldaketa teknologikoetara moldatzeko duen moteltasunaren isla da.

John Lennonen eta Paul McCartneyren taldeak 1987ra arte itxaron zuen laukoaren grabazioak CD formatura pasatzeko.

Hala ere, azken urteetan izan den salmenten beherakadari aurre egin dio Beatles taldeak eta frankizia egonkorrenetako bat bezala mantendu da.

Beatlesen musika iTunesera, The Wall Street Journalen ustez

Steve Jobsen konpainiak Liverpooleko taldea Appleren plataforma musikalera iritsiko dela jakinarazi lezakeela adierazi du egunkari estatubatuarrak.

Beatles taldearen musika Apple enpresaren iTunes musika plataformara iritsiko da, The Wall Street Journal egunkariak argitaratu duenaren arabera.

Egunkari estatubatuarrak adierazi du Steve Jobsen konpainiak gaur jakinaraziko duela berria.

Applek bere atarian ere argitaratu duenez, iTunesi buruzko informazio "zirraragarria" aditzera emango du gaur.

The Wall Street Journaleko iturrien aburuz, elkarrizketa ugariren ostean, Apple enpresak, Beatlesen ordezkariek eta EMI zigiluak akordioa lortu dute taldearen musika Interneten lehen aldiz hedatzeko.

Beatlesen musikari asko kostatu zaio merkataritza elektronikora iristea. Jarrera hori ere talde ingelesak aldaketa teknologikoetara moldatzeko duen moteltasunaren isla da.

John Lennonen eta Paul McCartneyren taldeak 1987ra arte itxaron zuen laukoaren grabazioak CD formatura pasatzeko.

Hala ere, azken urteetan izan den salmenten beherakadari aurre egin dio Beatles taldeak eta frankizia egonkorrenetako bat bezala mantendu da.

2010/11/15

Posta elektroniko zerbitzua martxan jarri du Facebook sare sozialak

Zerbitzua "e-maila" ez dela errepikatu du Zuckerbergek, beste zerbitzu batzuk uztartzen dituen hurrengo belaunaldi bat baizik, "informalagoa, pertsonalagoa, sinpleagoa, laburragoa eta minimalistagoa".

Posta elektroniko zerbitzu propioa martxan jarri du Facebook sare sozialak. Web 2.0 Summit kongresuan aurkeztu dute Facebookmail berria, San Franciscon (AEB). Mark Zuckerberg sare sozialeko sortzaileak baieztatu du albistea.

Sare sozialeko erabiltzaile kopuru handia ikusita posta elektronikoak indar handiarekin abiatuko da. Erabiltzaileek e-mailak bidali ahal izango dituzte @facebook.com helbidearekin.

Agerraldian, zerbitzu berria "e-maila ez" dela errepikatu du Zuckerbergek, beste zerbitzu batzuk uztartzen dituen hurrengo belaunaldi bat baizik, "informalagoa, pertsonalagoa, sinpleagoa, laburragoa eta minimalistagoa".

Aplikazio berri honekin "lagunekin" elkarrizketak izateko aukera izango dute erabiltzaileek, SMS, chat edo "e-mailaren" bidez. Zerbitzua datozen hilabeteetan erabilgarri egongo da. "Hau ez da e-mail 'killer' bat", adierazi du Facebookeko sortzaileak.

Baikortasuna

Zuckerberg eta lankideak baikor agertu dira, eta "jendearekin harremanetan jartzeko hamar digituak erabiltzeari laster utziko" diogula esan dute. "Lagunak izenaren bidez aukeratu eta elkarrizketa berehala hasiko dugu", erantsi dute.

Jendea posta elektronikoaren bidez harremanetan izango da, Facebooken egon ala ez.

Datuak sarean kudeatzeko gaitasun handiena Microsoft eta Google konpainiek dute egun. Orain Facebook sartu da jokoan, 500 milioi erabiltzaile dituela. Horregatik, posta elektronikoko erregeek kezkatzeko arrazoiak dituzte.

Mark Zuckerberg sare Facebook sare sozialeko sortzailea. Argazkia: EFE

Neska-lagun ohia Facebooken biluzik erakusteagatik kartzelaratu dute

Sare sozial batean pertsona baten ohorea edota irudia urratu ditzakeen edukiak argitaratzeagatik zigortu duten lehen pertsona izan da.

Bost asteko kartzela zigorra jarri diote gazte bati neska-lagun ohia biluzik azaltzen zen argazkiak Facebooken argitaratzeagatik. Sare sozial batean pertsona baten ohorea edota irudia urratu ditzaketen edukiak argitaratzeagatik zigortu duten lehen pertsona izan da.

Joshua Simon Ashbyk 20 urte ditu eta Wellingtonen (AEB) bizi da. Gazteak argitaratu zituen argazkien ondoan hitz itsusiak idatzi zituen. Hasiera batean, Joshuaren 218 lagunek bakarrik ikusi zitzaketen argazki horiek, baina, ondoren, gazteak Facebookeko sare guztian hedatzea erabaki zuen. Argazkia 12 orduz izan zen ikusgai, poliziak kendu zuen arte.

Gaztearen defentsak adierazi duenez, Joshuak alkoholaren eraginpean jarri zituen argazkiak, Interneten. Andrew Becroft epailearen ustez, berriz, gertakari horiek ez dira aringarriak eta bost asteko kartzela zigorra jarri dio akusatuari. Erabakia justifikatzeko, epaileak azaldu du argitalpen legeak ez datozela gaur egungo Interneteko egoerarekin bat.

Espainian antzeko kasu bat izan da. Joan den astean Polizia Nazionalak 19 urteko gazte bat atxilotu zuen, Gijonen, bikotekide ohiaren argazkiak Interneten argitaratzea leporatuta.

2010/11/12

'Call Of Duty'-k salmenta-markak hautsi ditu

Call of Duty: Black Ops bideo-jokoen erreferentzia puntu bilakatu da 5,6 milioi kopia salduz.Ezkutuko operazio birtualen bideo-jokoak salmenta-markak hautsi ditu merkatuan izandako lehenengo hiru egunetan, Kubako Gobernua sumindu eta soldaduen bideo-jokoen erreferentzia puntu berri bilakatzeaz gain, iturri estatubatuarren arabera.

Asteartean merkatuan salgai jarri zutenetik, AEBetan eta Erresuma Batuan Black Ops jokoaren 5,6 milioi kopia saldu dira eta ekoizleek 262 milioi euro inguru bildu dituzte.

Iaz Modern Warfare2 jokoak merkatuan eginiko lehenengo jardunaldian 226 milioi euro irabazi zituen.


Call of Duty: Black Ops jokuaren irudi. Argazkia: www.callofduty.com

Horrelakoa zen Steve Jobsen Apple-1 lehen ordenagailua

Munduko enpresa teknologiko garrantzitsuenetako baten historia garaje batean hasi zen eta 8K-ko memoria du. Orain, informatikaren mugarri honek 240.000 dolar balio ditu.

1976. urtean Steve Jobs gurasoen garajean sartu zen eta bere lehen Apple-1 ordenagailua sortu zuen. Garai hartan, gailua nahiko garestia zen, 666,66 dolar. Orain, berriz, informatikaren historiaren mugarri hau eskuratu nahi dutenek 240.000 dolar ordaindu beharko dituzte.

Eskuz eginda dago eta 8K-ko memoria du. Apple-1 ordenagailua altxor bat da jatorrizko paketean, instrukzio gidarekin eta Jobsek berak sinatutako eskutitz batekin eskuratu daitekeelako.

Apple-1 MOS 6502 a 1.0MHz prozesadorea zuen lehen ordenagailua izan zen eta irakurtzeko eta idazteko kassette bat zuen.

Horrelakoa zen Steve Jobsen Apple-1 lehen ordenagailua. Argakzia: Gizmodo.com

2010/11/09

Twitterreko erabiltzaileak, Facebookekoak baino aberatsagoak dira

Ikerketa baten arabera, Twiterreko erabiltzaileen % 30ek unibertsitate mailako ikasketak dituzte, baina estatubatuarren % 19k bakarrik egin dute graduko ikasketaren bat.

Twitterreko erabiltzaileek Facebookekoek baino diru gehiago irabazten dute eta prestakuntza akademiko handiagoa dute, Edison Research eta Arbitron Internet enpresek egindako mikrobloggingari buruzko ikerketa baten arabera.

"Twitter sare sozialeko erabiltzaileen % 30ek unibertsitate mailako ikasketak dituzte, baina estatubatuarren % 19k bakarrik egin dute graduko ikasketaren bat", azaldu dute adituek. Horren ondorioz, ikerketaren arabera, kultura eta ikasketa maila gehiago izateak diru gehiago irabaztea eragiten du.

Gainera, ikerketak adierazi du Twitter smartphonetatik gehien kontsultatzen den sare soziala dela. "Erabiltzaileen % 51k markak jarraitzen dituela esan du, baina beste sare sozial batzuetako erabiltzaileen % 16k onartu dute joera hori", gaineratu dute.

2010/11/08

Mario Brosek bere izeneko kalea dauka

Larunbatean inauguratu zuten Zaragozan Super Mario Bros izeneko etorbidea. Nintendo etxeko iturgin ezagunenaren 25. urteurrenean egin dute ekimena.

Mario Bros Nintendo etxeko iturgin ezagunenak bere izena daraman kalea dauka. Larunbatean inauguratu zuten Zaragozan eta Mario Brosen 25. urteurrenarekin bat egin duen ekimena izan da. Beraz, dagoeneko ez da harritzekoa izango Mario Brosen kalean bizi diren pertsonak aurkitzea.

Auzotarrek izan duten ideia izan da euren kaleari Mario Bros izena jartzearena. Auzo berria da, 21.000 lagun biziko dira bertan eta iaz hasi ziren auzo-elkartetik bertako kaleen izenak erabakitzeko prozesuarekin. Biztanleen %80ak kale nagusiari Mario Bross izena jartzearen alde eman zuen botoa. Ondoren, udaletxean aurkeztu zuten ekimena eta azkenik joan zen larunbatean egin zuten errealitate euren nahia, kalearen inaugurazio ofiziala egin baitzen.

Honela bada, Zaragoza da bideojoko bati kale bat eskaini dion munduko lehenengo hiria. Antzerako ekimen bat zerabilten esku artean Derby hirian (Erresuma Batua), baina han ez zuten hiritarren babesik lortu.


2010/11/04

Facebookek ez du telefono mugikorrik izango

Konpainiak adierazi du ez duela telefonoa kaleratzeko asmorik, baina Facebookeko kontuekin lotutako mugikorretako zerbitzuak bateratuko dituen sistema bat aurkeztu du.Mark Zuckerberg Facebookeko sortzaileak adierazi duenez, bere enpresak ez du telefono mugikorrik merkaturatzeko asmorik. Zuckerbergek orain aste batzuk Interneten hasi ziren zurrumurruak gezurtatu nahi izan ditu adierazpen horiekin. Halaber, sare sozialaren arduradunak gaineratu du mugikorretarako aplikazioak hobetu egingo dituztela.

Berrikuntza nagusia Facebookeko kontuekin lotutako mugikorretako zerbitzuak bateratuko dituen sistema bat da.

Facebookek baimenduko duen esteka baten bitartez, mugikorretarako aplikazio berrietarako sarbidea sinplifikatuko duen plataforma bat izango da. Horrek, gainera, erabiltzaileak aplikazio horiek erabili nahi dituen bakoitzean datuak sartu behar ez izatea ahalbidetuko du.

Zerbitzua dagoeneko Flixster, Groupon, Loopt, Yelp eta Zynga Poker Android sistemetan erabil daiteke.


2010/11/03

'Conficker', urrian infekzio gehien eragin dituen birusa

Infekzio horien arrazoi nagusia "erabiltzaileek sistema eragileak ez berritzea” da, segurtasun konpainia batek adierazi duenez."Conficker" izeneko birusa urrian Espainiako ordenagailuetan infekzio gehien eragin dituena izan da. BitDefender softwarearen segurtasun konpainiak adierazi duenez, infekzio horien arrazoi nagusia "erabiltzaileek sistema eragileak ez berritzea” da.

"Conficker" birusak urrian izan diren infekzioen % 7,3 eragin ditu. Birusak Microsoft Windows Server Service RPC sistemaren ahuleziak aprobetxatzen ditu.

Birusa sare lokaletik iristen da ordenagailu batetik bestera eta ez die erabiltzaileei Windows Update sistemara sartzen uzten. Gainera, segurtasun elementuen saltzaileen atarietarako sarbidea ere oztopatzen du.

Bigarren postuan, "Trojan.AutorunINF.Gen" izeneko birusa dago, infekzio guztien % 6,5 eragin baititu. DVD edo CDak erreproduzitzeko behar den sistema erabiltzen du ekipo batetik bestera joateko.

Hirugarren "Exploit.PDF-JS.Gen" birusa izan da (% 4,5), eta atzetik "Trojan.Wimad.Gen.1" (% 4,4) eta "Worm.Autorun.VHG" (% 4) ditu.


2010/11/02

Facebookek garatzaileak zigortu ditu erabiltzaileen datuak saltzearren

Konpainiak adierazi du pertsona horiei sare sozialaren komunikazio kanaletan sartzea debekatuko diela eta neurri hori datozen sei hilbateetan mantenduko dutela.

Facebookek erabiltzaileen ID-ak saltzen zituzten sare sozialerako lan egiten duten hainbat garatzaile harrapatu ditu. Datu horien salmenta, Facebookek bere blogean adierazi duenez, erabiltzaileak jakin gabe bere datuak argitaratzen dituen nabigatzailean arazo bat ikertzen ari zirenean ezagutu dute.

Blogean azaldu dutenaren arabera, datu horiek erabiltzaileei publizitate zehatzagoa eskaintzen zieten enpresei eskaintzen zizkieten.

Sare sozialak garatzaile horiek zein diren zehaztu ez duen arren, hamabi baino gutxiago direla esan du. Konpainiak pertsona horiei sare sozialeko komunikazio kanaletara sarbidea debekatuko die sei hilabetez eta Facebookeko segurtasun irizpideekin bat datozela jakiteko ikertuko dituzte.

"Facebookek ez du erabiltzaileen informazioa inoiz saldu eta ez du sekula egingo", esan dute konpainiakoek.

"Neurri hauekin, erabiltzaileen informazioa babesteko egin behar duguna egin dugula uste dugu", gaineratu dute.

2010/11/01

Gamerland bideo-jokoen azoka azken txanpan sartu da

Teknologia berriekin eta berrikuntzekin lotura duten enpresen erakusleiho bilakatu da egunotan Barakaldo. Lehiaketak, jokoak nahiz teknologia aparatu berrienen aurkezpenak egiten ari dira BECen.

Barakaldon egiten ari diren Gamerland Bideo-jokoen eta Berrikuntzen Nazioarteko Azoka bisitatu nahi dutenek gaur izango dute azken aukera. Iragan ostiralean zabaldu zituen ateak Bilbao Exhibition Centren (BEC) eta, gaur arte, bideo-joko berrienez gozatzeko aukera izango dute bertaratutakoek.

Hain zuzen ere, azoka honen lehen edizioa da Barakaldon egiten ari direna eta "formakuntza, hezkuntza eta lana" sustatzea bilatzen du, antolatzaileek jakinarazi dutenez.

Horretarako "teknologia berriekin eta berrikuntzekin" lotura duten enpresen erakusleiho bilakatu da BEC. Bertan, lehiaketak, jokoak nahiz teknologia aparatu berrienen aurkezpenak egiten ari dira.

Bestalde, bideo-jokoen sektorean lan egiteko dauden aukerak aztertzen dituzten hitzaldiak ematen ari dira eta bertan erakusketariek lan-poltsa bat sortuko dute.

Bisitarien artean, sektore honetan adituak diren pertsonez gain, bideo-jokoen munduan interesa duten gazteak ere badira.

2010/10/30

Bideo-jokoek Barakaldo hartu dute, Gamerland azokaren eskutik

Teknologia berriekin eta berrikuntzekin lotura duten enpresen erakusleiho bilakatu da BEC. Bertan, lehiaketak, jokoak nahiz teknologia aparatu berrienen aurkezpenak egiten ari dira.

Ostiralean hasita, eta datorren astelehenera arte, Gamerland Bideo-jokoen eta Berrikuntzen Nazioarteko Azoka hartuko du Bilbao Exhibition Centrek (BEC).

Hain zuzen ere, azoka honen lehen edizioa da Barakaldon egiten ari direna eta "formakuntza, hezkuntza eta lana" sustatzea bilatzen du, antolatzaileek jakinarazi dutenez.

Horretarako "teknologia berriekin eta berrikuntzekin" lotura duten enpresen erakusleiho bilakatu da BEC. Bertan, lehiaketak, jokoak nahiz teknologia aparatu berrienen aurkezpenak egiten ari dira.

Bestalde, bideo-jokoen sektorean lan egiteko dauden aukerak aztertzen dituzten hitzaldiak ematen ari dira eta bertan erakusketariek lan-poltsa bat sortuko dute.

Bisitarien artean, sektore honetan adituak diren pertsonez gain, bideo-jokoen munduan interesa duten gazteak ere badira.

Bideo-jokoen paradisua Barakaldon dago, Gamerland azokaren eskutik

Teknologia berriekin eta berrikuntzekin lotura duten enpresen erakusleiho bilakatu da BEC. Bertan, lehiaketak, jokoak nahiz teknologia aparatu berrienen aurkezpenak egiten dira.

Ostiralean hasita, eta datorren astelehenera arte, Gamerland Bideo-jokoen eta Berrikuntzen Nazioarteko Azoka hartuko du Bilbao Exhibition Centrek (BEC).

Hain zuzen ere, azoka honen lehen edizioa da Barakaldon egiten ari direna eta "formakuntza, hezkuntza eta lana" sustatzea bilatzen du, antolatzaileek jakinarazi dutenez.

Horretarako "teknologia berriekin eta berrikuntzekin" lotura duten enpresen erakusleiho bilakatu da BEC. Bertan, lehiaketak, jokoak nahiz teknologia aparatu berrienen aurkezpenak egiten ari dira.

Bestalde, bideo-jokoen sektorean lan egiteko dauden aukerak aztertzen dituzten hitzaldiak ematen ari dira eta bertan erakusketariek lan-poltsa bat sortuko dute.

Bisitarien artean, sektore honetan adituak diren pertsonez gain, bideo-jokoen munduan interesa duten gazteak ere badira.

2010/10/29

Beranduago helduko zaigu Firefox 4 bertsioa

Nabigatzaile honek hainbat berrikuntza dakar, tartean, "multi-touch" izeneko funtzioa. Horri esker, pantailak ukigune bat baino gehiago identifikatuko ditu aldi berean.

2010eko amaieran kaleratu behar zuten Firefox nabigatzailearen laugarren bertsioa, baina hilabete gutxi batzuk atzeratu da, Mike Beltzner Firefoxeko zuzendariak jakitera eman duenez. Firefox 4 amaitzeak uste baino lan gehiago eman behar diela aitortu du Beltznerrek. Haren esanetan, beta bertsioak oso lagungarri izan dira arazoak identifikatu ahal izateko eta abendura arte, behintzat, bide beretik jarraituko dute.

Firefox 4 kaleratzeko premia handia du Mozzilak, izan ere, Google-k konpetentzia handia egiten dio. Erabiltzaile asko hasi dira Google Chrome erabiltzen, eta, hori dela eta, 2011. urteko hasieran atera nahi dute Firefox 4. Bertsio honek hainbat berrikuntza dakar: erabiltzailearen interfazea berritu egingo dute goitik behera, HTML5 formatua gaineratuko diote eta definizio altuko bideoak hobeto ikusi ahal izango dira. Baina bereziki, nabarmentzeko modukoa da "multi-touch" izeneko funtzioa izango duela. Horri esker, pantailak ukigune bat baino gehiago identifikatuko ditu aldi berean.


Firefox 4

'Pokemon Ranger: Trazos de luz', azaroaren 5etik aurrera salgai

Espainian 7 milioi ale baino gehiago saldu dituen jokoa bueltan da Nintendo DSrako.

Pokemon Ranger: Trazos de Luz bideo-jokoa azaroaren 5ean jarriko dute salgai. 10 urte beteak ditu eta bideo-jokoen historian Espainian gehien saldu den jokoetako bat da, 7 milioi ale baino gehiago saldu baitira. Gainera, Pokemon sagak arrakasta ugari lortu ditu: hamabi filmetan izan dira protagonista, Time aldizkariko azalean nagusi izan ziren, parke tematikoak dituzte, animazio-telesail propioa dute, milioika merchandising pieza saldu dituzte... Akzio-joko honen hirugarren edizioa da, eta oraindik Pokemonen abenturak ez dira inolaz ere bukatu. Pokemon Ranger: Trazos de luz jokoa datorren astean helduko da Nintendo DS kontsolarako.

Zer da zehazki Pokemon bat? Mota askoetako izaki misteriotsuak dira. Horietako batzuk basatiak dira, baina hirietan eta herrietan bizi daitezke gizakiekin batera. Orain arte 493 Pokemon mota aurkitu dira, eta bakoitzak bere ezaugarri bereziak ditu: izaki arrunt eta ahulak, eta indar handiko eta menderatzeko zailak aurki daitezke. Joko honen edizio honetan jokalaria Pokemon Ranger baten azalean jarriko da eta Pichu Kelele adiskidearen laguntza izango du. Azken hori, tokiko bizilagunak diren Pokemon Nappers maltzurretatik babesteko arduraduna izango da.

Pokemonak harrapatzeko tresna Nintendo DSaren ukipen-pantailaren gainean erabiliz, Pokemonak harrapa daitezke eta hauen laguntasuna ere lor daiteke. Lagun bezala lortzen diren izakiek abenturan zehar jokalariari laguntza emango diote. Euren trebetasunak erabiliko dituzte erabiltzaileari Pokémon boteretsuagoak lortzen laguntzeko eta bidean topatutako oztopoak ezabatzeko. Serie honetan lehenengo aldiz, Pokemon bati laguntza eskatzea posible da, bere Glifo Ranger-a kontsolaren ukipen-pantailan marraztuz. Jokalariaren eginkizunean laguntzeko prest egongo dira Pokemon ugari, baita aspaldiko Pokémon asko ere, Raikou, Entei eta Suicune adibidez.

Pokemon Ranger baten eguneroko bizitzan egin beharreko zereginak hauek izango dira: desagertutako pertsona bat bilatzea, hondamendi naturalak saihestea edota modu ikusgarri batean bakea babestea. Helburu hori betetzen bada, jolasak aurrera egingo du. Jokoaren atal bakoitzak zeregin dinamikoez jositako kate bat eta puzzleen ebazpenekin zerikusia duten erronkak ditu, eta eginkizun horietan Pokémonen botereak erabili beharko dira. Adibidez, sua itzaltzeko urezko Pokemon bati eskatu beharko zaio laguntza.

Nintendo DSren haririk gabeko konexio lokala erabiliz, jokalari batekin baino gehiagorekin jolastu daiteke, gehienez hiru Pokemon Ranger erabiliz. Azaroaren 5etik aurrera bi misio berezi izango dira eskuragarri Nintendoren Wi-Fi konexioaren bidez: “¡Recupera la esfera azul!” eta “Deoxys y el templo del Arcano”. “Deoxys y el templo del Arcano” misio berezian lagunekin parte hartu daiteke Nintendo DSren haririk gabeko konexio lokalari esker. Behin jokoa amaituta, Deoxys ondorengo joko hauetariko batera bidal daiteke: Pokemon Edición Diamante, Pokemon Edicion Perla, Pokemon Edicion Platino, Pokemon Edicion Oro HeartGold edo Pokemon Edicion Plata SoulSilver.

Pokémon xake joko konplexu baten eta harria-papera-artaziak jolasaren arteko nahasketa bat da, hiru elementuren ordez milaka elementu baititu.

'PO'Pokemon Ranger: Trazos de luz' bideo-jokoaren irudi bat. Argazkia: Nintendo

Gamerland bideo-jokoen azoka hartuko du asteburuan Barakaldok

Teknologia berriekin eta berrikuntzekin lotura duten enpresen erakusleiho bilakatuko da BEC. Han, lehiaketak, jokoak nahiz teknologia aparatu berrienen aurkezpenak egingo dira.

Asteburuan eta astelehenean Gamerland Bideo-jokoen eta Berrikuntzen Nazioarteko Azoka hartuko du Bilbao Exhibition Centrek (BEC).

Hain zuzen ere, azoka honen lehen edizioa izango da udazkenean Barakaldon egingo dena eta "formakuntza, hezkuntza eta lana" sustatzea bilatuko du, antolatzaileek jakinarazi dutenez.

Horretarako "teknologia berriekin eta berrikuntzekin" lotura duten enpresen erakusleiho bilakatuko da BEC. Bertan, lehiaketak, jokoak nahiz teknologia aparatu berrienen aurkezpenak egingo dira.

Bestalde, bideo-jokoen sektorean lan egiteko dauden aukerak aztertzen dituzten hitzaldiak emango dira eta bertan erakusketariek lan-poltsa bat sortuko dute.

Bisitarien artean, sektore honetan adituak diren pertsonez gain, bideo-jokoen munduan interesa duten gazteak ere izango dira.

Gamerland bideo-jokoen azoka hartuko du gaurtik aurrera Barakaldok

Teknologia berriekin eta berrikuntzekin lotura duten enpresen erakusleiho bilakatuko da BEC. Han, lehiaketak, jokoak nahiz teknologia aparatu berrienen aurkezpenak egingo dira.

Gaurtik azaroaren 1era bitartean Gamerland Bideo-jokoen eta Berrikuntzen Nazioarteko Azoka hartuko du Bilbao Exhibition Centrek (BEC).

Hain zuzen ere, azoka honen lehen edizioa izango da udazkenean Barakaldon egingo dena eta "formakuntza, hezkuntza eta lana" sustatzea bilatuko du, antolatzaileek jakinarazi dutenez.

Horretarako "teknologia berriekin eta berrikuntzekin" lotura duten enpresen erakusleiho bilakatuko da BEC. Bertan, lehiaketak, jokoak nahiz teknologia aparatu berrienen aurkezpenak egingo dira.

Bestalde, bideo-jokoen sektorean lan egiteko dauden aukerak aztertzen dituzten hitzaldiak emango dira eta bertan erakusketariek lan-poltsa bat sortuko dute.

Bisitarien artean, sektore honetan adituak diren pertsonez gain, bideo-jokoen munduan interesa duten gazteak ere izango dira.

2010/10/28

Interneten iruzurra saihesteko hilero pasahitza aldatu behar da

Adituen ustez, erabiltzaileak Interneteko gaizkileetatik babesteko informazio gehiago izango balute iruzur horietako asko ekidingo lirateke.

Hilean behin, datu pertsonalak gordetzen dituzten Interneteko kontuetako pasahitzak aldatzea eta asmatzeko errazak direnak ekiditea, "123456" adibidez, gomendatu dute adituek Sareko gaizkileen biktima ez izateko.

Horrela adierazi du Jose Carrillo Informatika doktoreak eta Madrileko Unibertsitate Politeknikoko irakasleak. Adituak esan du aldaketa hori maiz egitea ez dela batere erosoa; izan ere, leku askotan gogoratzeko zailak diren hamalau digituetako pasahitzak eskatzen dituzte. Hala ere, "pasahitz hori apuntatu dugun papera lapurtzea lau karakteretako gako bat asmatzea baino zailagoa da", Carrilloren esanetan.

Carrillok adierazi du herritarrek Interneteko gaizkileetatik babesteko informazio gehiago izango balute iruzur horietako asko ekidingo liratekeela. Horrez gain, iruzur horri aurre egiteko enpresek ere euren sistemetako segurtasuna hobetu beharko luketela esan du.

Adituak azaldu du mugikorrera mezuak bidaltzen funtzionatzen duten segurtasun sistemak erabiltzean kontuz ibili behar dela, Interneteko gaizkileentzat informazioa eskuratzeko bide aproposa baita.

Interneten azaltzen diren leihotxo batzuekin ere kontu handia izatea eskatu du Carrillok. Adibide horien artean, banketxe batek zure kontuko daturen bat behar duela edo 27.000 erabiltzaileetatik sariaren irabazlea zarela esaten dutenak aipatu ditu. Kasu horietan, erabiltzailea "phishing" edo "pharming" fenomenoaren biktima izan daitekeela azaldu du adituak.

'Bideo-joko retroek jokoaren funtsa erakusten dute'

Jon Cortazar Relevo Videogames ekimenaren sortzailea da. Taldeak 8 biteko plataformetarako jokoak egiten ditu. 80ko hamarkadako jokoek indarra hartu dute industrian.Hainbat urtetan MSX sistemarako bideo-jokoak egiten aritu ostean, Jon Cortazarrek Relevo Videogames sortu zuen 2009an, 8 biteko plataformetarako (Spectrum ordenagailua, besteak beste) bideo-joko berriak sortzeko. Izan ere, hogei urte baino gehiago dituzten makina hauetarako zaletasuna handitu nahi du.

Zer da "retrogaminga"?
Retrogaminga hasiera-hasierako bideo-jokoekin disfrutatzea da, umeak ginen garaiko bideo-jokoekin disfrutatzea, orduan genituen eta batzuek oraindik ere ditugun ordenagailu edo kontsolak erabiliz.

Gaur egun merkatuan ditugun kontsola eta jokoekin, zergatik egiten duzue denboran atzera?
Azken belaunaldiko jokoek hasiera batean sortutako jokoek eskaintzen ez zuten moduko dibertsioa eskaintzen dute. Simulazio eta ikus-entzunezko esperientzia perfektua bilatzen dute gaur egunekoek; 80ko hamarkadakoek, berriz, irudimen, oroimen eta trebetasun handiagoa eskatzen zuten. Azken urteotako bideo-joko asko pelikuletako esperientziara gerturatzen dira, jokalariak denbora besterik ez du behar aurrera egiteko... Azken finean, bi joko formatu dira, desberdinak eta osagarriak.

Zein da gaur egun garatutako bideo-joko retro baten xarma?
Batetik, nostalgia eragiten du horiek probatzen dituzten zaleen artean; izan ere, umetako ordenagailu edo kontsoletarako joko klasikoez gain, gaur egun kalitate handiko jokoak egiten jarraitzen dute makina haietarako. Halaber, joko sinpleen plazerra ezagutzen dute, aurkezpen bideo luzerik eta orkestren soinu bandarik behar ez duten jokoen plazerra, tutoretza luzerik ez duten eta erabiltzen zailak ez diren joko sinpleek ematen duten plazerra.

Eta dagoeneko Spectrumik ez badut? Zer egin zuen jokoak erabiltzeko?
Gure jokoak plataforma klasikoetan erabiltzeko diseinatuta daude. Dena dela, gure jokoekin eta horiek jokatzeko eskaintzen duten esperientziaz disfrutatzeko emuladoreak daude gaur eguneko sistema gehienetarako. Emuladoreak jokoak interpretatzeko programak dira, MSX edo Spectrum sistemetarako jokoak PC, Mac, bideokontsola eramangarri eta beste formatu askotan erabiltzeko aukera ematen dutenak.

Nola egiten da gaur egun bideo-joko "retro" bat?
Relevo Videogamesen, jokoak sortzeko, proiektua konpilatzen dugu eta formatu jakin baterako sortu nahi dugun jokoaren artxibo funtzionalak egiten ditugu, PC bidez. Horrela, grafikoak, musika, soinu-efektuak eta programazioa ordenagailu bidez egiten ditugu. Mihiztatzaile bat erabiliz programatzen ditugu gure proiektu guztiak eta, ondoren, sistema bakoitzerako konpilatzen ditugu. Azken finean, gauza bera da joko bat azken belaunaldiko plataforma baterako zein 8 biteko ordenagailu baterako egitea.

Zein dira zuen bideo-joko ezagunenak?
Zalantza barik, gure joko arrakastatsuena La Corona Encantada izenekoa da. Relevo Videogamesen lehen proiektua 80ko hamarkadan Espainian egindako joko klasikoak omentzeko egin genuen; Azpiri ilustratzailearen kolaborazioa izan genuen jokoaren azala egiteko. Gure azken jokoa (Invasion of the Zombie Monsters) hamarkada bereko azken urteetako arkadeak omentzeko egin dugu. Oso harrera ona izan du. British Bob izenekoak ere arrakasta handia lortu du; Madrileko Game Fest azokan gure lanak ezagutzera joan ziren zaleen artean baloratuena izan zen.

Nola eskuratu dezakegu zuen jokoetako bat?
Gure joko guztiak relevovideogames.com webean deskargatu ahal dira doan, erabiltzaileak nahi duen lekuan jokatzeko, aurretik emuladore bat instalatu eta gero. Gainera, jokoa formatu fisikoan (kartoizko kutxan, manual eta guzti, eta hainbat estrarekin) eskuratu nahi baduzu, postaz bidaliko dizugu kasetea edo kartutxoa, erosi nahi duzun formatuaren arabera.

Bideo-joko retroen itzulera ikusten ari al gara orduan?
Nire ustez, bideo-joko retroak ez du sekula alde egin. Duela urte batzuk jende gutxik eta talde txikitan jarraitzen zuen mugimendua zen, baina orain enpresa handiak bideo-joko retroak (edo retro itxurakoak) ekoizten hasi dira, eta gero eta gehiago dira horrelakoekin disfrutatzen dutenak. Horrez gain, horrelakoen plataformak bizirik mantentzeko lanean ari ginenok serioago hartu dugu orain zeregin hori; lan prozedurak profesionalizatu ditugu eta gure lanaren kalitatea handitu dugu, gero eta gehiago eskatzen duten zaleei erantzuteko. Beraz, ez dut uste bideo-joko retroa itzuli denik, baina bai lozorroan zegoela, industrian baten bat horri garrantzia ematen hasi den arte.

Jon Cortazar Relevo Videogamesen sortzailea.

Googlek 'Leku Bilaketa' kaleratu du

Proposamen berri hori "leku fisikoen informazioa hobeto ulertzen duen teknologia bat” garatuta gauzatu dute.

Googlek "Leku bilaketa" zerbitzua kaleratu du, Espainian. Bilaketa modu berri horrek lekuei eta saltokiei buruzko informazioa eskaintzen die erabiltzaileei, sartutako hitz gakoetan oinarrituz. Hamar bilaketa egin ordez, bakar bat eginda emaitza guztiak eskuratuko direla da abantailetako bat. Informazioa "Leku bilaketa" zerbitzuarekin bilatuta erabiltzaileak batez beste bi segundo aurrezten dituela esan du Googlek, egindako proben datuak erabilita.

"Leku fisikoen informazioa hobeto ulertzen duen teknologia baten garapenari esker” lortu dituzte emaitza horiek. Zerbitzua 40 hizkuntzatan erabili ahal izango da.

Sistema berri horrek lekuak taldeka biltzen ditu eta, horrela, erabiltzaileari konparazioak egiteko aukera ematen dio. Erabiltzailea Bilbon badago, adibidez, "Leku bilaketa" zerbitzu berriak mapa bat eskainiko dio erlazionatutako informazioarekin, tabernak bilatzean esaterako.

Emaitza berriak gorriz azalduko dira eta horietako bakoitzak informazio gehigarria eskainiko du. Horrez gain, besteak beste, aretoan musika zuzenean entzuteko aukerarik badagoen argituko du eta antzeko beste saltoki batzuetarako estekak jarriko ditu.

"Leku bilaketa"ren emaitzak automatikoki azalduko dira Googlek informazio lokaleko bilaketa bat egin behar dugula igartzen duenean.

2010/10/27

Yahoo bilatzailearen posta zerbitzu berria: azkarragoa eta seguruagoa

Bertsio berri honekin sare sozialen bidez nahiz berehalako mezularitza erabilita nabigatu ahal izango dute erabiltzaileek.

Yahook bere posta zerbitzuaren bertsio berriena aurkeztu du, beta fasean. Konpainiaren esanetan, esperientzia azkarragoa eta seguruagoa izango da.

273 milioi bezero ditu gaur egun Yahooren postak eta guztiek posta zerbitzu berria probatzeko aukera dute orain. Hain zuzen ere, beta bertsioan nabigatu ahal dute: sarrerako ontzia eratu, argazkiak eta bideoak ikusi eta bilaketak egin ditzakete eta mezu baztergarrien kontrako babesa izango dute.

Interfaze berri honek postaren bertsio guztietan izango du eragina. Beta Postak sare sozialen bidez konektatzeko aukera ere eskainiko du, baita berehalako mezularitza erabilita ere.

Bertsio berri hau Yahoo.com-en aurki daiteke; "Yahoo Mail Beta"-n sartuta edo http://features.mail.yahoo.com bisitatuta.