2011/12/14

Wordpress-tik Blogger-era


Bada hilabete dagoeneko Wordpress-eko blog-etik Blogger-era pasa nintzela jasandako atakeak direla medio. Horretarako http://wordpress2blogger.appspot.com/ orrira sartu eta bertan azaldutako prozesua jarraitzea besterik ez duzu.

Pausoak
  1. Joan zaitez zeure Wordpress-eko kontu edo blogera eta zure arbelera sartu.
  2. Herramientetako atalera joan.
  3. Exportazioara joan.
  4. Jeitxi exportatutako fitxategira WXR formtaoan.
  5. Gorde fitxategi hau zeure ordenadorean.
  6. Aukeratu zure fitxategia lehen aipaturiko estekan dagoen fitxategiaukeratzailean eta Convert botoia sakatu.
     
  7. Gorde fitxategi hau zeure odenadorean. Fitxategi hau zure Wordpress-eko sarrera eta iruzkinak dituen Blogger-eko fitxategi bat izango da dagoeneko.
  8. Sartu zeure http://blogger.com kontuan edo sortu kontu berri bat
  9. Behin barruan zaudenean, sakatu Blog bat sortu edo Create a Blog estekan eta hau egin ondoren sartu importaziorako herramintan edo Import Blog Tool estekan
  10. Jarraitu itzazu bertan azaltzen diren pausoak eta eskatzen dizunean aukeratu zeure Blogger-eko fitxategia
  11. Prozedura amaitzean zure Wordpress-eko sarrera eta iruzkinak zeure Blogger-eko blogean egongo dira publikatzeko prest. Ondo izan!
OHARRA: Lehen aipaturiko aplikazioak 1MB eko fitxategiak onartzen ditu. Zure fitxategiak gehiago baldin baditu. Fitxategi desberdinetan exportatzea gomendatzen dizut.  

Herraminta zure ordenadorean ibili nahi baduzu, software askear zintzilikatzen den code.google.com tokian aurkitu dezakezu.

2011/11/19

phpQuery - jQuery-ren potentzia serbitzari aldean

code.google.com serbitzarian phpQuery (http://code.google.com/p/phpquery/) liburutegia (Elhuyar??) dugu zintzilikatuta.

Liburutegi honek CSS3-ak erabiltzen dituen aukeratzaileak ditu erabilgarri jQuery-k javascript-en egiten duen legez. Modu horretan DOM dokumentu batetan nabigatu behar badugu, aukeratzaile horiekin lan eginez errendimendu eta eraginkortasun haundiagoa lortu dezakegu.

Bere alde duen beste puntua, inoiz jQuery erabili izan badugu aukeratzaileekin lan egitea ez digula aparteko lanik eragingo.

Bitxikeria modura, .deb pakete modura aurkitu dezakegu Debian sistementzako. Alde txarra, kasu honetan gure hosting-eko zerbitzarian root baimenik gabe, ez digula ezertarako balio izango.

2011/11/16

Euskara Iruditan Ekimena!



Euskara Iruditan izeneko mosaiko erraldoia eraikitzen ari gara sarean www.gukereeuskaraz.net webgunean.



Euskarak historian, norberaren bizipenean, hirian, gizartean... izan duen eta duen presentzia iruditan jasotzen ari gara. Irudien mosaiko anitza bezain deigarria osatu nahi dugu sarean, herritarrekin elkarlanean, euskararen erabileran gertatu den bilakaera iruditan jasoz. Zuk zeuk kargatu dezakezu irudia webgunean modu errazean eta automatikoki argitaratuko da webguneko mosaikoan. Irudiaren edukia edonolakoa izan daiteke. Baldintza bakarra da irudiak zuretzat euskararekin lotzen duen esanahi berezia izatea eta irudia laguntzen duen testuan (103 karaktere gehienez) hori azaltzea.

Parte hartu eta zabaldu mezua!

MySQL ez da database bat?

Gaur arratsaldean Arkitektura Patroi kurtso batetan:

Microsoft-eko Partner-ak (MP aurrerantzean): Integritate Erreferentziala erabiltzen dezutenian...
Nik: Ez dugu databasearen Integritate Erreferentziala erabiltzen
MP: Nola????
Nik: MyISAM da orain arte erabili dugun database motorea, azkarragoa da kontsultetan InnoDB baino, eta guk kontsulta gehiago ditugu idazketak baino. Tamalez honek ez du Integritate Erreferentzialik. Integritatea kode bidez mantentzen dugu...
MP: Gaizki duzue hori. Integritate erreferentziala behar du planifikazio denboran. Kanpoko klabea behar du eta integritate erreferentzialik gabe ezin go du kontsulta egiteko biderik onena bilatu...
Nik: Ba egiten du... Eta InnoDB-k baino azkarrago
...
(3 segundutan pentsatzen egon da gero)
...
MP: Databasetaz ari ginen ezta?

Txiste modura bota duela iruditu zaio jendeari... Agian bai, baina niri bere prepotentzia ikusita bere ahuleziak izkutatu nahi izan dituela iruditu zait Software Askearen barne eta Interneten askoz gehien erabiltzen den zuzenean databasea deskalifikatzen.

Zuri zer iruditzen zaizu?



2011/11/12

Presak sorkuntza hiltzen du

Hurrengo bideoan Kreativ Magazinekoak eginiko esperimentu bat azaltzen da. Bertan presak sorkuntzan duen eragin negatiboa modu sinple bezain eder eta eraginkorrean  azaltzen du.

Onena, ikustea...



2011/11/10

How To Go Mobile?

How To Go Mobile, Google-k www.howtogomo.com helbidean sortutako zerbitzua da. Bertan, web orriak mobilean egoki ikusteko herramintak aurki ditzakegu.

Bide batez, gure enpresak behar izanez gero, garapen horietan espezializatutako zenbait enpresa agertzen zaizkigu. Oraingoz ez da ageri gure ingurukorik eta bilatu dudan arren geurea gehitzeko aukera haundiegirik ere ez dugu ikusi.

Bestalde, eskeintzen duen zerbitzuaz aparte, web orri, honek badu berezitasun bat: IKUSGARRIA DA!. Benetan nabigazio zoragarria du.HTML guztia hasieratik kargatzen da eta jQuery eta Rafael bezalako javascript framework-ak erabiliaz, begientzako ikusgarria den Prezi programa gogoratu dit.

Benetan web ikusgarri bezain erabilgarria, HTML5 teknologia erabiliaz eta zerbitzu berriak erakusten, bisitatu eta gozatu!

2011/11/08

Baga Biga Blogger-en!

Kaixo berriro ere!

Denbora askoan utzi ondoren hemen naiz Wordpress utzi eta Blogger plataforma probatuaz. Mantenimenduan denbora aurrezteko erabakia hartu dut, idatzi beharrean, horretan pasatzen bait nuen denbora aurreko plataforman.

Hori gaindituta, hemen naiz berriz, Interneten ikusitakoak zuei helduarazten, ahalik eta sarrien idazteko ideiarekin nator eta ea kunplitzen dudan,

Ondo segi!


2011/11/03

Telefono mugikorra erabiltzeak minbizia eragin lezake ? (II)

Gai honek eztabaida asko sortu izan du azken urteotan. Nik onartzen det inork ez dakiela zientziak gai honi buruz hemendik eta 100 urtera zer esango duen, agian egia izango da teknologia hau kaltegarria dela eta 100 urte behar direla hori frogatzeko, baina izango ez balitz zer ? Batzuk diote inork ez duela kontrakoa frogatu, hau [...]

Valentziako enpresa batek Apple konpainia menperatu du, auzitegietan

2010eko azaroan, Applek jabetza intelektualaren aurkako delitu bat salatu zuen eta Valentziako enpresaren tabletak aduanan geldiaraztea eskatu zuen, bere iPad famatuaren kopiak zirelakoan.

Nuevas Tecnologias y Energias Catala Valentziako enpresak Apple konpainia menperatu du, auzitegietan. Applek iPad gailuen plagio bat merkaturatzeagatik salatu zuen Valentziako enpresa, baina epaileak salaketaren behin-behineko largespena erabaki du.

Azken hilabeteetan, patenteekin erlazionatutako hainbat lege-gatazkak izan dira. Applek, besteak beste, Samsungekin izan du gatazka, auzitegietan. Bi enpresek, batak bestearen gailuen merkaturatzea geldiarazten saiatu dira.

2010eko azaroan, Applek jabetza intelektualaren aurkako delitu bat salatu zuen eta Valentziako enpresaren tabletak aduanan geldiaraztea eskatu zuen, bere iPad famatuaren kopiak zirelakoan.

Jasotako informazioa aztertu ostean, epaileak jokabideak largestea eta enpresa valentziarrari arrazoia ematea erabaki du.

NT-K Valentziako enpresaren tableta. Argazkia; NT-K

2011/11/02

Renfeko trenek doako Wi-Fi sarea izango dute

Luzerako eta aldiriko bidaietan izango da eskura doako eta haririk gabeko sare hau. Oraindik frogetan dago eta hemendik gutxira, benetako bidaiariekin frogatzen hasiko dira.

Renfe konpainiak baieztatu duenez, haren trenek Wi-Fi doako eta haririk gabeko sarea izango dute. Oraindik frogetan dago, 1.200 trenetan sarea ezartzeko "tarte denbora bat" izango da beharrezkoa, hura burtzeko behar den finantziazioa dela eta.

Renferen arabera, Wi-Fi sare bat aldiriko zein luzerako bidaiariek gehien eskatutakoaren artean dago. Ekimena frogetan dagoen arren, "emaitza positiboak" eman ditu dagoeneko eta datozen hilabeteetan frogak egingo dira benetako bidaiariekin, Lucas Calzado Arija Renfeko Teknologia eta Sistema zuzendariak Renfeko blog ofizialean jakinarazi duenez.

Tren batean Wi-Fi sarea jartzea ez da ezinezkoa baina "zonalde bakoitzean komunikazio operadoreek eskaini dezaketen estaldura eta trenaren abiadurak baldintzatu dezakeela kontuan hartzeko elementuak dira", azpimarratu du zuzendariak.

2011/10/29

“Mutrikuko Udala informatuz!” … Eta Internet ?

“Mutrikuko Udala informatuz!” … Eta Internet ?
  Gaur Mutriku osoa ohar honekin josita ikusi dugu. Udal taldeak lanean jarri zenetik 100 egun pasa direla eta, Zabiel Kultur Etxera deitzen digu herritar guztioi beraien lanaren berri ematera. Ondo dago nere ustez zer egin duten eta zer ezin izan duten egin herriari jakitera ematea. Hau ikusi, eta galdera etorri zait burura: “Mutrikuko Udaleko [...]

2011/10/28

Facebookek Zirkulu Polar Artikora eraman ditu Europako zerbitzariak

Sare sozialak Suedian jarri du, Zirkulu Polar Artikoan, Estatu Batuetatik kanpo jartzen dituzten lehenengo zerbitzariak.

Facebookek Zirkulu Polar Artikoan, Suediaren iparraldean bereziki, datu zentro bat irekiko du. Sare sozialak bertako klima hotzagatik aukeratu du leku hau, zerbitzarien kopuru handia dela eta, Europa osoari zerbitzua emateko.

Lulean, Suedia iparraldean dagoen hirian, izango du zerbitzarien “hiri txikia”, Zirkulu Polar Artikotik 100 bat kilometrora.

Herrialde horretan tenperatura ez da 1961etik 24 orduz 30 gradutik gora egon, eta eguneko bere tenperatura 2 gradukoa da. Arrazoi horregatik aukeratu du Facebookek leku hau. 11 futboleko zelairen tamaina bezalako hiru egongela handi eraikitzeko asmoa du sare sozialak, “the Telegraph” egunkari britainiarrak jakitera eman duenez.


Iglooaren irudia. Argazkia: Gizmodo

2011/08/30

Hemen da eitb.com berria

Entretenimendua eta informazioa oinarri hartuta, izaera multimedia eta multiplataforma izango du.

eitb.comberria abian da, eta EITB Taldeak izaera multimedia eta multiplataformaren alde egindako bidea zabalduko du apustu honek. Irratiko eta telebistako edukiak ardatz hartuta, entretenimendua eta informazioa izango dira oinarri.

Lehenengo egunetan, Beta fasean egongo da; hots, probetarako aldian. Iritzi eta iradokizunak helarazi nahi badituzu, sare sozialetako ohiko bideak ez ezik, horretarako prestatu dugun helbide elektronikoa ere erabil dezakezu.

Hemen da eitb.com berria

Entretenimendua eta informazioa oinarri hartuta, izaera multimedia eta multiplataforma izango du.

eitb.comberria abian da, eta EITB Taldeak izaera multimedia eta multiplataformaren alde egindako bidea zabalduko du apustu honek. Irratiko eta telebistako edukiak ardatz hartuta, entretenimendua eta informazioa izango dira oinarri.

Lehenengo egunetan, Beta fasean egongo da; hots, probetarako aldian. Iritzi eta iradokizunak helarazi nahi badituzu, sare sozialetako ohiko bideak ez ezik, horretarako prestatu dugun helbide elektronikoa ere erabil dezakezu.

2011/08/29

Facebookek 250 milioi argazki gordetzen ditu egunero

Sare sozialak jada 750 milioi erabiltzaile ditu eta bere blogean argazkiak igotzea ekintza zabalduenetako bat dela adierazi du.

Facebookek esan duenez, 250 milioi irudi baino gehiago gordetzen ditu egunero, gutxi gorabehera Espainiako herritar bakoitzak egunean bost argazki igotzea bezala.

Facebookek jada 750 milioi erabiltzaile ditu eta bere blogean argazkiak igotzea ekintza zabalduenetako bat dela adierazi du.

Sare sozialak hobekuntzak egin ditu zerbitzu honetan, besteak beste, bereizmen maximoa handitu eta argazkiak igotzeko abiadura azkartu du. Gainera, iragazkiak prestatzen ari da mugikorreko aplikazioan sartuko diren argazkientzat, Instagram estiloan.

Horren garapenean lan egin duten pertsona askok lagundu dute hainbat aplikazio abian jartzen, argazkiak atera eta editatzeko, eta zuzenean Facebookera, Twitterrera edo Flickr-ra bidaltzeko.

Sare sozialek anorexia eta bulimia areagotzen dituzte

"Gazteek trikimailuak bilatzen dituzte interneten ezer jaten ez duten bitartean etxekoak ez konturatzeko", jakinarazi du Enrique Garcia Huete psikologoak.

Twitter sare sozialean anorexia eta bulimia bultzatzen dituzten hainbat mezu daude. Gazteak sare sozialetan jarraitu nahi dituzten ereduak aurkitzen dituzte eta geroz eta argalago egoteko nahia partekatzen dute interneten, jakinarazi dute adituek.

"Gaur egun anorexia eta bulimia ezkutuko jarrerak dira etxean eta lagunartean. Horrenbestez, gazteei zaila egiten zaie jarraitu nahi dituzten ereduak aurkitu edo bizipenak besteekin partekatzea", jakinarazi du Enrique Garcia Huerte psikologoak.

Garciak esan duenez, "internet sortu zenetik eta gaur egungo sare sozialekin, gazteek jarraitu nahi dituzten ereduak bilatu eta bizipenak elkarrekin partekatzen dituzte. Honen ondorioz, gorabeherak areagotzen dira elikaduran".

"Elikadura desorekaren epidemiologia (TCA) egonkor mantentzen ari da, baina, hala ere, geroz eta urte gutxiagorekin utz diezaiokete jateari gazteek. Gazteek trikimailuak bilatzen dituzte interneten ezer jaten ez duten bitartean etxekoak ez konturatzeko", jakinarazi du adituak.

Psikologoaren arabera, "behin mundu birtual honen barruan sartzean, askoz ere zailagoa izaten da gazteentzat gaixotasuna sendatzea. Internet bidez, bestela aurkituko ez lituzketen mezu eta argibide ugari bilatzen dituzte argaldu ahal izateko".

Horrelako mezuak milaka jarraitzaile dituen Twitter sare sozialean argitaratzen dira. Elikadura desorekaren epidemiologiaren edukia duten mezu gehienak 14 eta 16 urte bitarteko neska adingabeek irakurtzen dituzte.

Argazkia: Eitb

2011/08/25

Internet bidezko telebistaren kontsumoak gora egin du nabarmen

Telebista atariek euren eskaintza zabala gailu berrien bidez (azken belaunaldiko sakelakoen eta tableten bidez, esaterako) ikusteko aukera ematen dute.Internet bidezko telebistaren kontsumoa asko hazi da azken urteotan, eta saioak eta serieak zuzenean ikusteko telebista kateen eskaintzak milioika erabiltzaile izan ditu denboraldi honetan.

Ikus-entzunezko bitartekoen atari liderrak, rtve.es-ek, ikusitako bideo kopuruaren markak apurtzea lortu zuen uztailean, hamaika milioi erabiltzaile bakar izanez, iazko epe berean baino 2.700.000 gehiago.

Telebisten atariek gailu berrien bidez, (besteak beste, modako mugikorrak eta taulak) euren eskaintza zabala ikusteko aukera ematen dute.

Francisco Sierra Antena 3eko Multimedia Edukien zuzendariarentzat, Internetek ematen dituen kontsumo aukerak telebistako ikusleria beti hor izatera laguntzen du, beste era batean izango balitz, "serie bat ikusteari utz liezaiokeelako kapitulu bat galdu ostean".

Kateen webguneetako azken moda aldez aurretik egindako estreinaldiak dira. Diru-kopuru txiki baten truke, ikusleek euren serie gustukoenaren kapituluak ikus ditzakete zuzenean eman baino 48 ordu lehenago.

Elkarreragina etengabe gora egiten ari den zerbait da. Interneteko orrialdeek sare sozialetan gaiak proposatzen dituzte, euren edukiak ezagutzera emateaz gain. Saioak zuzenean ematen dituzten bitartean, jendeak euren sare sozialetako kontuetatik sartzeko aukera du, ekitaldiari buruzko iruzkina, zuzen-zuzenean, egiteko.



Steve Jobsek Apple utzi du

Horren berri eman ondoren, konpainiaren akzioak % 7 jaistera iritsi dira Nueva Yorken burtsak ateak itxi ostean egindako operazioetan.

Steve Jobs enpresari estatubatuarrak, Apple Inc. enpresako zuzendari nagusiak kargua utzi du. Eragiketa saileko zuzendariak, Tim Cookek, ordezkatuko du, aspalditik Jobsen ondorengotzat jo dutenak, alegia.

Steve Jobsek Apple uzteko erabakiak ustekabean harrapatu ditu asko eta asko. Presidente exekutibo baliotsuena eta Silicon Valleyko ikonoa bezala hartzen dute mundu osoan.

"Noizbait Appleko nire eginbeharrak betetzeko gai izango ez banintz, horren berri emango zuen lehena izango nintzela esan izan dut beti. Zoritxarrez, iritsi da egun hori", idatzi zuen Jobsek (55 urte).

Presidente exekutiboak 14 urte eman ditu Apple zuzentzen, konpainiako fundatzaileetako bat da eta garaje batean hasi zen lanean.

Komunikatua zabaldu ondoren, konpainiaren akzioak % 7ra jaistera iritsi dira New York itxi ostean egindako operazioetan, eta ostegun honetan merkatuan beste beherakada bat izatea espero dute.

Duela denbora askotik aurreikusita zuten batzuek enpresariak kargua uztea, pankrea minbizi bategatik jasotzen ari zen tratamendua dela eta. Stevek gutun labur baten bidez eman du albistearen berri.

Steve Jobs. Argazkia: EFE

2011/08/24

Sakelakoen teklatuen iragarpenak euskaraz hobetzen lagundu nahi?

2011ko Nonicken, Bilbon eitbcom-ek eta Eusko Jaurlaritzak Interneteko joerei buruz antolatzen dituzten nazioarteko biltzarrean, sortu zen ideia, eta hori gauzatzen ari dira dagoeneko.

TouchType enpresako SwiftKey tresnaren euskarazko bertsioa datozen asteotan izango da eskuragarri, uda honetan garatu ostean. SwiftKey honi esker, sakelakoen teklatuetan idaztean hitz baten osteko hurrengoa izan daitekeena iragartzen da. Britainia Handiko gazte hauek, baina, euskaldunon laguntza behar dute orain, tresna "finago" jartzeko.

Zer egin, ordea, horretarako? Oso erraza da. Nikiforos Karamanis garatzaileari mezua bidali, laguntzeko prest zaudela esanez, hona: nikiforos abildua touchtype-online.com.

Ingelesez idatzi behar duzu mezua; hori da, beraz, lehen baldintza. Bigarrena, Android sistema eragilea duen telefonoa izatea (2.1 bertsioa edo berriagoa). SwiftKey aurretik ezagutzen baduzu; primeran. Baina ezagutu gabe ere, berdin molda zaitezke.

Inolako zalantzarik izatekotan, helbide honetan argituko dizute: e-mail.

Nonick ingelesez, baina euskara hizpide

SwiftKey euskaraz garatzeko ideia 2011ko Nonicken sortu zen, Bilbon eitb.com-ek eta Eusko Jaurlaritzako Industria Saileko SPRIk antolatuta, eta "Mobile" gai nagusi zutela, ingeles hutsean Interneteko joeren inguruan egindako nazioarteko biltzarrean.

Hizlarietako bat Ben Medlock gazte britainiarra izan zen, TouchType enpresako CTO eta sortzaileetako bat alegia. Horren hizketaldiaren ostean, Maite Goñik galdetu zion ia posible ikusten zuen tresna interesgarri hori euskaraz izatea, eta Medolckek baietz esan zuen, behar bezalako laguntza izanez gero.

Hori jakinda, eitb.com-ek euskaraz eta ingelesez idatzitako ehunka testu bidali zizkion, eta horietan oinarrituta egin dute garapena. Orain, berriz, euskaldunon laguntza behar dute, tresna hori "findu" ahal izateko.

Anima zaitez!
 

Facebookek aldaketak egin ditu eta pribatutasun gehiago agindu du

Hemendik aurrera, sare sozialeko erabiltzaileek aireratzen duten eduki bakoitza norekin partekatzen duten zehazteko aukera izango dute.

Erabiltzaileek pribatutasun aukerak kontrolatzeko moduan aldaketa garrantzitsuak sartuko dituela iragarri du Facebookek.

Aldaketa horiei esker, Facebookeko 750 milioi erabiltzailek pribatutasun kontrolak moldatzeko aukera izango dute Sarean edukia aireratzen duten bakoitzean.
Erabiltzaile batek Facebookera argazki bat igo eta bere lagunak argazkian "etiketatzen" dituenean, horiek etiketa onartzeko aukera izango dute irudia euren profilean atxiki baino lehen.

Pribatutasuna erronka handia izan da behin eta berriro Facebookentzat, horren sostengu nagusia publizitatea izanik, bateragarri egin behar baititu Sareak gero eta erabiltzaile gehiago izatearekin lotutako interes komertziala eta erabiltzaileek euren informazio pertsonalaren kontrola izateko duten sentsibilitatea.

Pribatutasunaren inguruko kezka areagotu egin da orain gutxi, Facebookek aurpegiak antzemateko teknologia (argazkietako pertsonak automatikoki identifikatzen duen teknologia) zabaltzea erabaki ondoren.



Facebookek 750 milioi erabiltzaile ditu. Argazkia: EITB

2011/08/18

Abestia entzun eta horren hitzak ikusi aldi berean, MusiXmatchekin

Aplikazioa Doakoa da eta iPhone eta Androiderako balio du.

Musika eta hitzak, aldi berean, MusiXmatch aplikazioari esker, sakelakoan. Doakoa da eta iPhone telefonoetarako eta Android, Symbiam eta Windows Phone sistema eragileak dituzten sakelakoetarako bertsioak eskuragai daude dagoeneko.

Entzuten ari den musika berehala ezagutu eta horren hitzak (datu-basean baldin baditu) berehala erakusteaz gain, sakelako telefonoaren diskotekan gako-hitzak, artistaren izena edo abestiarena jarrita bilaketak egiteko aukera ematen du.

Googleren estatistiken arabera, Ameriketako Estatu Batuetan "lyrics"  terminoa "sex" baino gehiago bilatzen dute. Askotan, abestia entzuteaz gain, hitzak ikusi nahi dituzte musikazaleek, abesteko edota zer esaten duen jakiteko.

Abestien hitzak eskaintzen dituzten webguneak (lyrics, metrolyrics, azlyrics,...) oso-oso ezagunak izan dira, baina MusiXmatch aplikazioa nagusitu egingo da, musika entzun ahala sakelakoaren pantailan hitzak ikusteko aukera ematen baitu. Enpresaren arabera, horren datu-baseak 5,5 milioi abesti ditu.

MusiXmatch ez da Silicon Valleyn sortu, Bolonian (Italian) baizik, eta Massimo Ciociola du zuzendaria. Hiru milioi euroko kapitala du eta dagoeneko akordioa sinatu du, besteak beste, BMG, Kobalt, Universal, eta Sony disko-etxeekin.

2011/08/17

Estatubatuar bat atxilotu dute, Facebooken sikario bat bilatzeagatik

London Eleyk (19 urte) mezu bat idatzi zuen bere sare sozialeko kontuan, senarrarekin eztabaida bat izan ostean; senarra hiltzen zuenari dirua ordainduko ziola jarri zuen.

Baliteke epaileek AEBetako gazte bat zigortzea, horrek Facebooken sikario bat bilatzeko iragarki bat zabaltzeagatik. Iragarki horretan, 19 urteko emakumeak bere semearen aita hiltzen zuen pertsonari ordaindu egingo ziola esan zuen. Erailketa-plagintza bat leporatuta, epailearen erabakiaren zain dagoen 18 urteko erabiltzaile baten erantzuna jaso zuen.

Facebookeko mezua idatzi zuen pertsona London Eley (19 urte) da, Filadelfiakoa (Kalifornia). Philly.com webgunean jakitera eman dutenez, Eleyk senarra hiltzen zuen pertsonari dirua emango ziola esaten zuen mezu bat zabaldu zuen bere sare sozialeko kontuan, harekin eztabaida bat izan ostean.

Timothy Bynumen (18 urte) erantzuna jaso zuen eta, dirudienez, hilketa berak egitea eskaini zion hark. Eleyren bikotekidearen senideek mezuak irakurri ostean, Poliziara jo zuten. Orduan, akusazioen egiazkotasuna frogatu eta gero, bi gazteak atxilotu zituzten agenteek. Ekainetik atxilotuta daude, epaileak jarritako fidantza ezin izan baitute ordaindu.

Abuztuaren 15ean, kasuaren azkeneko epaiketan, Jack O'Neil barrutiko  fiskalordeak ziurtatu zuenez, Eleyk bere iruzkina ez zuen brometan egin.

Epaileak irailaren 6rako jarri du epaiketaren eguna. Orduan erabakiko du gazteen iruzkinak broma ziren edo hilketa plantzat hartu daitezkeen. Ordura arte, bi atxilotuak zaintzapean egongo dira.

Gazte estatubatuar bat atxilotuta, Facebooken sikario bat bilatzegatik

London Eleyk (19 urte) bere sare sozialeko kontuan mezu bat idatzi zuen, senarrarekin eztabaida bat izan ostean: dirua ordainduko zion hura hiltzen zuenari.

(Informazio gehiago, laster)

2011/08/14

iPhone, iPod eta iPadentzat diseinatutako inprimagailu eramangarria

Funtzionatzeko, Bolle Photo programa doan jaitsi eta smartphonea kargako basera edo USB atakara konektatu.

MPGTech produktu teknologikoen eta telekomunikazioen fabrikatzaile espainiarrak inprimagailu berri bat, MPG-BP100 Bolle Photo, egin du, smartphonetik zuzenean argazkiak inprimatzeko.

Funtzionatzeko, Bolle Photo programa doan jaitsi eta smartphonea kargako basera (iPhone eta iPodentzat) edo USB atakara (iPadentzat) konektatu besterik ez da egin behar eta segundo batzuetan aukeratutako argazkia izango duzu.

MPG-BPC36 inprimaketa-kartutxoekin dabil (36 argazki inprimatzeko gai dira). MPG-BPC36 paketean ere argazki-papera eta inprimaketa tinta (CMYK) dator.

Inprimagailuak diseinu moderno bat du eta edozein lekutan jartzeko diseinu estetiko bat ere. Gainera, eramangarria izateko, 1,4 Kg pisatzen du. Gailuak JPEG formatuarekin bateragarria den argazki euskarri bat du.

mpgtechstore.com-en 99 euroko salneurria du inprimagailuak, eta bertan, konpainiaren produktu gehiago erosteko aukera dago.

2011/08/10

Appelek Samsung Galaxy Tab 10.1 merkatutik kentzea lortu du

Konpainiak esan duenez, Hego Koreako enpresak, telefono mugikorren munduko bigarren fabrikatzaileak, smartphonen eta taula elektronikoen diseinua eta funtzioak iPhone-ri eta iPad-i kopiatzen dizkio.

Alemaniako auzitegi batek emandako aginduaren bidez, momentuz,Samsungek ateratako azken taula, Galaxy Tab 10.1, merkatutik kentzea lortu du Apple-ek, Hego Koreako enpresak jakitera eman duenez.

"Samsung desengainatuta dago auzitegiak hartutako erabakiarekin, eta jabetza intelektualeko geure eskubideak babesten saiatuko gara berehala", adierazi du konpainiak.

Konpainiak azaldu duenez, Hego Koreako enpresak, telefono mugikorren munduko bigarren fabrikatzaileak, smartphonen eta taula elektronikoen diseinua eta funtzioak iPhone-ri eta iPad-i kopiatzen dizkio. Bestalde, Samsungek esan duenez, enpresa estatubatuarrak softwari buruzko ideia batzuk plagiatu dizkio.

Interneteko erabiltzaile batzuk, Londreseko istiluen 'ziber-Watchmen'

Hemeretzi erabiltzailek Google Group bat sortu dute, ondoko helburuarekin: irudietan aurpegiak aztertzen dituen teknologia erabilita ustez delituak egiten ari diren herritarren nortasuna egiaztatzea.

Nork zelatatzen ditu zaindariak? Hainbat erabiltzailek Googlen bat egin dute 'Aurpegiko azterketa Londreseko istiluetan' izeneko taldean. Helburua hau da: Erresuma Batuan jarduten ari diren lapurren argazkiak aurpegiak aztertzeko tresnekin alderatzea haien nortasuna egiaztatu ahal izateko. Taldearen gunean erabili beharreko tresnen inguruko gaiak eta etikari buruzko galderak biltzen dira. 

Guztira, 19 erabiltzailek bat egin dute Google Group-a sortzeko; kamerek grabatutako irudietan agertzen diren aurpegiak aztertzen dituen teknologia erabilita, Erresuma Batuan ustez delituak egiten ari diren herritarrak zeintzuk diren jakitea dute helburu.

"Polizia iraultzaileen eta lapurren telebistako zirkuitu itxiko irudietara sartzen uzten ari da. Aurpegiko azterketa egiteko dagoen teknologia eta sare sozialak erabiliko ditugu justizia prozesu hau azkarrago joan dadin", azaldu dute taldearen deskribapenean.

'Aurpegiko azterketa Londreseko istiluetan' taldearekin kolaboratzen duten kideek hainbat gai ireki dituzte teknologia mota hori erabiltzeko aplikazioei buruzko informazioarekin. Horrez gain, jardun mota hauen gai etikoak eta argazkiak alderatzeko zerbitzuen inguruko gidak ere jarri dituzte. Taldearen sortzaileek edozein erabiltzaileri parte hartzeko izena eman eta gaiari buruzko haren ezagutzak idazten uzten die.

Erabiltzaile batzuk, Londreseko istiluen 'ziber-Watchmen'

Guztira, 19 erabiltzailek Google Group bat sortu dute, irudietan aurpegiak aztertzen dituen teknologia erabilita ustez delituak egiten ari diren herritarrak zeintzuk diren jakiteko helburu izanda.

(Informazio gehiago, laster)

2011/08/09

Gero eta baliabide hobeak Interneten, bikotekidea engainatzeko

Ashley Madison, Second Love, Romance Secreto, Gleeden eta Victoria Milan webguneek elkarrekin harremanetan jartzen dituzte bikotekidea edukita konpromisorik gabeko sexua izan nahi duten pertsonak.

Bikotekidearekin desleial jokatzea zertxobait errazagoa da, bikotekidea izanda ere konpromisorik gabeko sexua biltzen duten pertsonak harremanetan jartzeko probetxuzko web orrialdeak ugaritu direnetik.

World Wide Web (WWW) jarri zutenetik, Internet maitasun eta adiskidetasun harremanak sortzeko plataforma eraginkorra bihurtu da. Hasieran txatak izan ziren eta, aurrerago, bikotekidea bilatzeko webgune eta sare sozialak.

Azkeneko moda arazorik gabe desleialak izan nahi duten pertsonei soilik eskaintzen zaizkien web orrialdeak dira. Ashley Madison, Second Love, Romance Secreto, Gleeden eta Victoria Milan Interneteko orrialdeek bikotekidea eduki eta konpromisorik gabeko sexua bilatzen duten pertsonak harremanetan jartzen dituzte klik batean.

2011/08/05

Non egon zaren aztertuta lagunak proposatzeko aplikazioa egin dute

Sistema berri batek zein leku bisitatzen dituzun bildu eta, hori oinarri hartuta, zure laguna nor izan daitekeen aztertzen du.

Cambridgeko unibertsitate britainiarreko ikertzaile talde batek sare sozialetan lagunak egiteko metodo berri bat zabaldu du. Lagunak bilatzeko sistemak mundu osoan bisitatutako lekuak hartzen ditu oinarri; hau da, zein lekutan egoten zaren aztertzen du sistemak, eta horren arabera lagunak izateko hautagaiak bilatzen ditu.

"Lagunak iradokitzeko" sistema berri honek erabiltzaileak sarri bisitatutako lekuak biltzen ditu eta, horien arabera, elkarren artean lotura duten erabiltzaileak bilatzen ditu.

Ikertzaileen arabera, "Lagunen lagunak" metodoarekin, Facebook eta Linkedinen erabiltzen denarekin, batera jarrita, iragarpen sistemak eraginkortasun handiagoa izango du.

"Jendeak bisitatutako lekuen ezaugarriak aztertuta, lagunak izan daitezkeen pertsonen arteko loturak egin nahi ditugu" jakinarazi dio Reutersi Salvatore Scellatok, ikertzaileetako batek.

Gowalla sare sozialera loturak egitea ere aztertu du ikertzaile taldeak. Sare sozial honek geolokalizatu eta bisitatu dituzten lekuen inguruko informazioa guztiekin partekatzeko aukera ematen die erabiltzaileei.

Biltokiei puntu maila jakin bat ematen diete, jendearekin batzeko ematen duten aukeran oinarrituta. Hartara, bulegoek, gimnasioek edo eskolek, adibidez, aireportuek edo futbol estadioek baino puntuazio altuagoa izaten dute.

Leku bat bisitatzen duen jendearen eta bisita horien sarritasunari begiratuta egokitzen diete garrantzi maila tokiei, Scellatok azaldutako "lekuaren entropia" teoriaren arabera.

Sare sozialetan lagunak bilatzeko sistema berria. Argazkia: http://es.noticias.yahoo.com

2011/08/04

Androiden hazkundea ostopatzea leporatu die Googlek lehiakideei

Patenteak erosita Android sistema eragile mugikorra haztea oztopatzeko konspirazioa egitea leporatu die Googlek Microsoft, Apple, Oracle eta "beste enpresa batzuei".

Nortel konpainiak porrot egin eta, hortaz, milaka patente erosteko eskaintza bat galdu ondoren, Google Inc. enpresa lehiakide handienen aurka oldartu da, eta Interneteko enpresa ospetsua smartphone-en sektorean blokeatzeko batzea egotzi die.

Jendaurrean, David Drummond Googleko departamentu juridikoko ordezkariak Microsoft, Apple, Oracle eta "beste enpresa batzuei" gero eta ospetsuagoa den Android sistema eragile mugikorraren hazkundea oztopatzeko konspirazioa egitea leporatu die, haserre, patenteak erosiz Googleren sistema eragilea duten telefono mugikorren "zergak" jartzen dituztela egotzita. Kontsumitzaileentzako gastuak handitzearekin batera, patenteak erosita berrikuntza teknologikoa gelditzen dela ziurtatu du Drummondek.

Gero eta eskari handiagoa, patenteen arloan

Android softwarea HTC, Motorola eta Samsung telefonoek erabiltzen dute, besteak beste. Smartphone-en plataforma ospetsuena bilakatu da, merkatuaren herena hartuta.

Interneteko bilaketen liderra InterDigital, 2.094 milioi euro balio dituzten patente multzoa, erosteko asmoa du, The Wall Street Journal egunkariaren arabera.

2011/08/02

Haurdunaldiak iragartzeko aukera berri bat jarri du Facebookek

"Itxaroten ari zaren haurra" esparruan haurdunaldiaren berri emateko aukera berria dago, datu pertsonalen atalean.Facebook sare sozial ezagunak eremu berri bat jarri du norberaren datu pertsonalen informazioa emateko atalean. Cnet webgune teknologikoak astearte honetan jakinarazi duenez, kategoria berri hori beteta, haurdunaldiaren berri eman ahal izango da sare sozialean.

Erabiltzailearen profilaren barruan bete ahal izango da aukera hau. "Lagunak eta familia" atalaren barruan agertuko da, eta "itxaroten ari zaren haurra" izena izango du.

Eremu berri horretan umearen izena eta gutxi gorabehera noiz jaiko den ere jarri dezake erabiltzaileak.



Facebook sare sozialaren logoa. Argazkia: EITB

2011/07/31

Gezurrezko aplikazio batek Twitterreko kontuak bahitu ditu

Erabiltzaileei beren izenean argitalpenak egiteko baimena eskatzen die aplikazio honek. Honez gain, izena eta pasahitza eskatzen dizkeie erabiltzaileei sarbiderako klabeak eskuratzeko.

Twitterren zabaldutako gezurrezko aplikazio batek, erabiltzaileei beren profila gehien bisitatu dutenak nor izan diren esango diela esaten die, horrela erabiltzaileen klabeak eskuratzeko asmoarekin.

BitDefender segurtasun konpainiak jakinarazi duenez, mota honetako azkena agertutako aplikazioak, Twitter bidez bidalitako "Spam" deiturikoak izan dira, hau da, hartzailearen baimenik gabe mezuak bidaltzen dituztenak. "Ikus esazu nork bisitatu duen gehien zure profila" bezalako mezuak bidaltzen dituzte eta mezu hauek esteka bat izaten dute bertatik "StalTrak" izeneko erraminta batera bidaltzeko.

Erraminta honek erabiltzaileei beren izenean argitalpenak egiteko baimena eskatzen die, nork jarraitzen duen eta nori jarraitzen dion ikus dezan erabiltzaileak. Honez gain, erabiltzailearen izena eta pasahitza eskatzen ditu. Erabiltzaileek honakoa onartu eta beren klabeak ematen badituzte, aplikazio hau erabiltzailea beraren kontutik argitalpenak egiten hasiko da.

Aplikazio honetaz libratzeko, erabiltzaileek, aurretik eman dizkioten baimenak ezeztatu eta Twitterreko pasahitza ere aldatu egin behar dute. Hori egin ezean, interneteko gaizkileek beren kontuetan sartu ahal izango dute edozein momentutan . BitDefender konpainiak, hirugarren pertsonei eta aplikazio susmagarriei euren klaberik ez emateko gogorarazi die erabiltzaile guztiei.

2011/07/29

Haustekundeak pil-pilean, Twitterren

Datozen azaroko hauteskunde orokorrak gai nagusia dira sare sozialetan. #20n etiketa eta "Hauteskunde Nagusiak" hitzak Espainaiko eta mundu osoko Twitterreko gai nagusiak dira.

Beste behin, Twitterreko erabiltzaileek sare soziala erabiñi dute iritzia adierazteko. Minutu bakar batzuetan, #20n eta "Hauteskunde orokorrak" Espainaiko eta mundu osoko Twitterreko gai nagusiak dira.

Ultrakontserbadoreek errepublikanoen planaren bozketa blokeatu dute porrota ekiditeko. Klase politikoan akordiorik ez badago, AEBak ordainketak egiteko dirurik gabe geldituko dira abuztuaren 2tik aurrera.

Baieztapenaren ostean, Twitterrek mota guztietako iritziak jaso ditu:

- Hauteskundeak? 4 hilabeteko kanpaina besterik ez...
- Oso ondo iruditzen zait hauteskundeak azaroaren 20an izatea. Data hori beste edozein bezalakoa izan behar da.
- ZP: Banoa. Arazoarekin uzten zaituztet...

Horrez gain, presidenteak azken seihilekoari buruz egin duen balantzea ere aztertu du baten batek. "Udan langabe gutxiago daudela gobernuaren arrakasta bat dela esatea inozoak garela esatea da...", adierazi du Enrique Dansek.

15-M mugimenduak ere izan du tartea, Twitterren: "Sinesten ez nuen supereroien alderdi bati ematen nion botoa, ez dut gaur egungo alderdietan sinesten...".


2011/07/28

35 milioi erabiltzaileen datu pertsonaletan sartu dira Hacker batzuk

Pirata informatikoek erabiltzaileen datu pertsonalen inguruko informazioa lortzeko helburua zuten, besteak beste, telefono zenbakiak, helbide elektroliniak eta erabiltzaleen datu kodifikatzaileak.

Hego Koreako agintariek ostegun honetan jakinarazi dutenez, pirata informatiko bazuk, 35 milioi erabiltzaileen datu pertsonaletan sartzea lortu dute Interneteko atari bat eta SK Comms-en blogari eraso eginez.

Koreako Komunikazio Batzordeak komunikatu baten bidez jakinarazi duenez, pirata informatikoek, erabiltzaileen telefono zenbakiak, helbide elektronikoak eta Nate atariko nahiz Cyworld blogeko erabiltzaileei buruzko datu kodifikatzaileak lortzea zuten helburu.

Batzordeko arduradunak jakinarazi duenez, Hego Koreako Polizia kasua ikertzen ari da baina oraindik ez du Txinako agintarien laguntzarik jaso.

Azken hilabeteetan "Hackerrek" Hego Koreako finantziazio enpresen aurka egindako azken erasoa da hau. Hego Koreak, plan bat egin du pirata informatikoek, erakunde, nazioarteko enpresa eta Hego Koreako konpainien aurka egindako erasoei aurre egiteko.

Azken hilabeteetan asko ugaritu dira Txinaren aurkako pirateria informatikoaren salaketak. Dirudienez, Txinako "hackerrak", Lockheed Martín eta Armada estatubatuarraren sareetan sartu dira, goi karguetako eta Txinako Giza Eskubideen defendatzaileen Gmail posta elektronikoko datuak eskuratzeko helburuarekin.

2011/07/26

Internet, Norvegiako muturreko eskuinari aurre egiteko gakoa

Adituen ustez, Sarea ezinbesteko erreminta izan zen Anders Behring Breiviken muturreko iritziak sustatzeko.

Poliziak eta adituek azaldu dutenaren arabera, Internet “erreminta paregabea” izan da Anders Behring Breivikek muturreko iritziak sustatzeko. Hartara, askatasun zibilak urratu gabe Sareko eztabaida-lekuak kontrolatzeko erronka ere planteatu dute hainbatek.

"Norvegian, oraindik islamiarren aurkako taldeetako kideak ez diren pertsonak sare sozialetan elkartzen dira batez ere (...) Baina islamiarren aurkako taldeen jarduera areagotu egiten bada, baliteke indarkeriaren erabilera ere areagotzea", jaso zuen Polizia norvegiarrak urtarrilean kaleratu zuen txosten batean.

Horrelako adierazpenek profezia kutsua dute orain, baina txostenak islamiar militanteen mehatxua azpimarratu zuen, eta muturreko eskuina Norvegian "mehatxu larria" ez zela jaso zuen.

Bitartean, islamiarren aurkako fanatiko batek Norvegiako azken urteetako sarraski latzenetako bat prestatu zuen.

Adituen ustez, Interneten utzitako informazioarekin, Poliziak ezin zuen ezer egin Breivik atzemateko.

NRK Norvegiako telebista kateak esan duenez, Breivik Poloniako enpresa bati gai kimikoak erosi zizkioten pertsonen zerrendan zuen Poliziak, baina, aurrekaririk ez zuela ikusita, ikertzeko arrazoirik ez zegoela erabaki zuen. Gainera, Breivik landetxe baten jabea zen, eta hori eman zute gai kimiko horiek erosteko arrazoitzat.

Adierazpenak, Sarean

Breivikek etorkinen eta islamiarren aurkako adierazpenak egiten zituen Interneten. Hala ere, Poliziak urtarrileko txosten horretan adierazi zuenez, horrelako adierazpenak geroz eta ohikoagoak dira eta, ondorioz, geroz eta zailagoa da pertsona bakar bat kontrolatzea.

Breivik atxilotu zutenean, ustezko hiltzaileak beste pertsona batzuekin lan egin zuela adierazten zuten aztarnak zituela adierazi zuen Poliziak, baina, astelehenean susmagarriak Osloko auzitegi batean esan zuenaren arabera, bere elkartean beste bi talde omen daude.

Erasoen aurretik, Breivikek 1.500 orrialdeko manifestu bat argitaratu zuen, islamiarren eta etorkinen aurkakoa, eta Sareko beste webgune batzuk aipatu zituen bertan.


2011/07/24

Gaur Euskal Encounterren, MP3 esperimentua eta Al Contest lehiaketa

Ekimen ugari izango dira gaur ere Euskal Encounterren, eta eitb.com-en atari berezian ikusi ahal izango dira, 12:00etatik 01:00etara.

Gaur, Euskal Encounterren hirugarren eguna da eta Barakaldoko Bilbao Exhibition Centerren (BEC)  eta, aurreko egunetan bezala, programazioa bete-beteta dator. Hainbat ekitaldi izango dira, besteak beste MP3 esperimentua, bikoizketa lanen lehiaketa eta Al Contest lehiaketa.


Hirugarren urtez jarraian, The Euskal Encounter MP3 Experiment ekitaldiarekin kaosa iritsiko da. Parte-hartzaileek mp3 artxibo bat jaitsi beharko dute, eta jarraibide batzuk bete beharko dituzte, denok batera artxiboa entzuten duten bitartean. Horrela, pertsona talde batek modu koordinatuan ahots bati erantzungo dio, modu koordinatuan, baina bertan parte hartzen ez dutenentzat ulertezina izango da elkarrizketa.


Bikoizketa lehiaketarako, bideo batzuk proposatuko dituzte (pelikulak, iragarkiak, bideoklipak) eta audioa kenduko diete. Parte-hartzaileek, beraz, bideoaren protagonistei ahotsa jarri beharko diete. Gainera, balizko efektu bereziak asmatu eta abestien hitzak aldatu ere egin beharko dituzte. Bideoa egiteko, nahikoa izango dira mikrofono bat eta irudimen pixkat bat.


Al Contest lehiaketan, robot batentzako adimen artifiziala programatu beharko da. Lehiaketa Google Al Challenge formatuan oinarrituko da.


Hau da, beraz, gaurko programazioa:
11:00 GameGune lehiaketaren azken egunaren hasiera
11:00 Globo jaurtiketa
12:00 Futbol 3ren finalerdiak eta finala
12:00 Deadline: Open Game Compo, Open Demo Compo eta Open Intro Compo
16:00 Deadline Al Contest
16:00 Maskoten lehiaketa
16:00 Binilo eta pintura tailerra
17:00 MP3 esperimentua
17:00 GameGuneren finala
18:00 Fast 2D compo
18:00 Overlocking hizketaldia eta memoriak
19:00 Al Contesten emanaldi finalak
20:00 Fastcrimping
20:00 Moddling eta overclocking lehiaketen sailkapena
22:00 Deadline bikoizketen lehiaketa, argazkigintza lehiaketa eta antzekotasunen lehiaketa
22:00 Lanen emanaldia: Fast 2D, Game Compo, Intro Compo, Demo Compo
00:00 Bikoizketen emanaldia eta antzekotasunen lehiaketa


Euskal Encounter zuzenean jarraitu ahal izango da aurreko egunetan bezala. Gaurkoan, ordea, 12:00etatik 01:00era izango da ikusgai eitb.com-eko atari berezian.


'Euskal Encounter'

2011/07/23

Gaur Euskal Encounterren, 'fastmovilmetrajea', frikitesta eta lipduba

Hiru ekimen horiez gain, hainbat ekitaldi gehiago izango dira gaur Euskal Encounterren. eitb.com-en atari berezian ikusgai izango da, zuzenean.

Gaurkoan ere, Euskal Encounter ekitaldiz beteta egongo da Barakaldoko Bilbao Exhibition Centren (BEC). 'Fasmovilmetrajea', frikitesta eta lipduba izango dira ekitaldi azpimarragarrienak.


'Fastmovilmetraje'n parte hartzeko, film labur bat grabatu beharko da, kamera digital edo telefono mugikor batez (gehienez, 3 minutuko iraupena), goizean proposatuko den gaiarekin bat datorren gidoia aurkeztuta. Film laburrek originalak eta berriak izan behar dute, eta originalitatea eta gidoia baloratuko dituzte bereziki, eta baita kalitate teknikoa ere. Fotomuntatzeak, 3D elementuak eta digitalizaziotik abiatzen diren marrazkiak ez dira onartuko.


Frikitestak izugarrizko arrakasta izan zuenjoan den urtean, eta aurten ere aukera izango dute frikiek. Anime eta ci-fi-a beste inork baino hobeto ezagutzen duzula, mahai jokoetan (Warhammer, rol jokoak) aditua zairela, bideojokoetan (Monkey Island, Final Fantasy) onena zarela, eta literatura frikiaz eta pelikula mitikoen uneez gozatu duzula frogatu ahal izango duzu.


Lipduba izango da eguneko beste ekitaldi garrantzitsu bat; musika bideo bat egiteko pertsona talde batek ezpainak, keinuak eta mugimenduak abesti batekin sinkronizatzean datza. Sekuentzia plano batean filmatzen da, eta bertan partaideak playback-a egiten dute. Nena Daconteren "Tenia tanto que darte" abestia aukeratu dute aurten lipduba egiteko.


Hau da gaurko programa osoa:
11:00 'Fastmovilmetraje'ren gaia
11:00 GameGune lehiaketaren bigarren egunaren hasiera
12:00 Futbol 3 lehiaketaren hasiera
16:00 'Fast Relato'
16:00 Elektronika eta argiztapen ikastaroa Chentinoxen eskutik
17:00 Mozorro lehiaketa
17:00 Oparien zozketa FutureWorks erakusmahaian
18:00 Fast 3D compo
18:00 Arduino tailerra
18:00 LipDub-aren grabazioa
19:30 Deadline: 3D animazioa eta Wild Compo
20:00 Frikitesta
22:00 Fastmovilmetraje eta argazki eraldatuak entregatzeko unea
22:00 Lanen emanaldia: Fast 3D, Wild Compo, 3D animazioa
00:00 'Fastmovilmetraje'ko eta argazki eraldatuen lehiaketako lanen emanaldiak
01:00 Bakarrizketa eta air guitar txapelketa


Euskal Encounterren gertatzen den guztia eitb.com-en atari berezian ikusi ahal izango duzu, zuzenean, gaur 12:00etatik 21:00etara.


Gaur Euskal Encounterren, 'fastmovilmetrajea', frikitesta eta lipduba

Hiru ekimen horiez gain, hainbat ekitaldi gehiago izango dira gaur Euskal Encounterren. eitb.com-en atari berezian ikusgai izango da, zuzenean.

Gaurkoan ere, Euskal Encounter ekitaldiz beteta egongo da Barakaldoko Bilbao Exhibition Centren (BEC). 'Fasmovilmetrajea', frikitesta eta lipduba izango dira ekitaldi azpimarragarrienak.


'Fastmovilmetraje'n parte hartzeko, film labur bat grabatu beharko da, kamera digital edo telefono mugikor batez (gehienez, 3 minutuko iraupena), goizean proposatuko den gaiarekin bat datorren gidoia aurkeztuta. Film laburrek originalak eta berriak izan behar dute, eta originalitatea eta gidoia baloratuko dituzte bereziki, eta baita kalitate teknikoa ere. Fotomuntatzeak, 3D elementuak eta digitalizaziotik abiatzen diren marrazkiak ez dira onartuko.


Frikitestak izugarrizko arrakasta izan zuenjoan den urtean, eta aurten ere aukera izango dute frikiek. Anime eta ci-fi-a beste inork baino hobeto ezagutzen duzula, mahai jokoetan (Warhammer, rol jokoak) aditua zairela, bideojokoetan (Monkey Island, Final Fantasy) onena zarela, eta literatura frikiaz eta pelikula mitikoen uneez gozatu duzula frogatu ahal izango duzu.


Lipduba izango da eguneko beste ekitaldi garrantzitsu bat; musika bideo bat egiteko pertsona talde batek ezpainak, keinuak eta mugimenduak abesti batekin sinkronizatzean datza. Sekuentzia plano batean filmatzen da, eta bertan partaideak playback-a egiten dute. Nena Daconteren "Tenia tanto que darte" abestia aukeratu dute aurten lipduba egiteko.


Hau da gaurko programa osoa:
11:00 'Fastmovilmetraje'ren gaia
11:00 GameGune lehiaketaren bigarren egunaren hasiera
12:00 Futbol 3 lehiaketaren hasiera
16:00 'Fast Relato'
16:00 Elektronika eta argiztapen ikastaroa Chentinoxen eskutik
17:00 Mozorro lehiaketa
17:00 Oparien zozketa FutureWorks erakusmahaian
18:00 Fast 3D compo
18:00 Arduino tailerra
18:00 LipDub-aren grabazioa
19:30 Deadline: 3D animazioa eta Wild Compo
20:00 Frikitesta
22:00 Fastmovilmetraje eta argazki eraldatuak entregatzeko unea
22:00 Lanen emanaldia: Fast 3D, Wild Compo, 3D animazioa
00:00 'Fastmovilmetraje'ko eta argazki eraldatuen lehiaketako lanen emanaldiak
01:00 Bakarrizketa eta air guitar txapelketa


Euskal Encounterren gertatzen den guztia eitb.com-en atari berezian ikusi ahal izango duzu, zuzenean, gaur 12:00etatik 21:00etara.


2011/07/22

240 pertsona izan dira Espainiako lehenengo kanpamendu teknologikoan

Kanpamenduaren arduradunak esan duenez, edizio honen helburua, "nerabeei teknologia berrien inguruko interesa bultzatu eta bideratzea da".

Bizkaiko teknologia-parkean egindako lehenengo Kanpamentu Teknologikoan, hiru lurralde historikoetatik, Kataluinia, Kantabria eta Frantziatik etorritako 240 haur eta nerabe izan dira, ostiral honetan, Jesus Angel Bravo kanpamentuko arduradunak komunikatu baten bidez jakinarazi duenez.

Bravok esan duenez, kanpamentu honen helburua, "nerabeei teknologia berrien inguruko interesa bultzatu eta bideratzea da".

Lehenengo edizio honetan bi lantegi bereiztu dituzte: alde batetik robotika eta, bestetik, bideojokoak. Lehenengoak, "Bots Week" izenekoak, robotikara hurbiltzeko aukera eman die umeei, programazio baten bidez eta eguneroko "desafio txikiak" gainditzeko robotak sortuz. Bigarrenarekin berriz, "Videogames Week-ekin", bideojoko baten sortze prozesura ezagutarazi eta dagoeneko sortuta dagoen bideojoko baten diseinua erakutsi nahi izan zaie parte-hartzaileei.

Proiektuaren arduradunak gaineratu duenez, bost asteko kanpaina honen balantzea, ekainaren 27an hasi zen eta datorren astean amaituko da, oso "positiboa" izan da.

Honez gain, eremu hau bultzatzeko, "zabaltze" lanak egiten jarraituko duela esan du. Parte-hartzaileek euren asmakuntzak garatzen jarraitu dezaten eta horrela, lehenengo edizio hau baino maila handiagoko bigarren edizio bat prestatzeko.

Gaur Euskal Encounterren, Fast Modding eta Hack It/Solve It lehiaketak

Topagune informatikoaren programa hainbat ekimenez beteta dago eta eitb.com-en atari berezian zuzenean ikusi ahal izango duzu.

Euskal Encounterren XIX. edizioa gaur hasiko da Barakaldoko Bilbao Exhibition Centren (BEC) eta uztailaren 25era arte ospatuko da ekitaldia. Gaur izango da topagune informatikoaren lehenengo eguna, eta hainbat ekitaldi izango dira bertan, Fast Modding eta Hack It / Solve It lehiaketak, besteak beste.


Fast Modding lehiaketan sei taldek elkarren aurka egin beharko dute, tailerrean. Bakoitzak mahai bat, kaxa bat, erremintak eta materiala izango ditu eta ekitaldiak irauten duen bitartean, kaxa bat eraiki beharko du taldeak.


Hack It / Solve It lehiaketan, berriz, bakoitzak bere azkartasuna erakutsi beharko du. Hack It lehian partaideak hacking-a, alderantzizko ingeniaritza, kriptografia, logika eta puzzleak izango dituzte lanabes. Aurten, lehiaketa bi eremu horietan banatuko da: Hack It (programazio eta alderantzizko ingeniaritza mailetarako) eta Solve It (logika, puzzle eta asmakizun mailetarako). Hacker eta Solver onenarentzat sariak egongo dira, eta talde onenarentzat ere sari bat izango da.


Hemen ikus dezakezu gaurko programa osoa:
10:00 Sarearen konexioa eta Euskal Encounter XIX-ren hasiera
11:00 GameGune lehiaketaren hasiera
12:00 Euskal Encounter XIX-ren inaugurazio ofiziala
15:00 Fast Modding txapelketaren hasiera
16:00 Future Modding Tournament 2011-ren aurkezpena
16:30 Modding eta overclocking lehiaketen izen-ematearen hasiera
18:00 LipDuberako entsegua
19:30 Deadline: High Quality Music, Multicanal, 2D eta 3D grafikoak
20:00 Zakuen lasterketa
21:00 Hack It / Solve It hasiera
22:00 Lanen emanaldia: Multicanal, HQ music, 2D eta 3D grafikoak
23:00 Demoshow
23:00 NFS World Future Arena lehiaketaren hasiera


Euskal Encounterren gertatzen den guztia eitb.com-en atari berezian ikusi ahal izango duzu, zuzenean, gaur 12:00etatik 21:00etara.



2011/07/21

Google+ek pertsona 'ospetsuak' nahi ditu

Famatu horiek egiaztatzeko sistema bat bilatzen ari da. Sare sozial berriari harrera ona egin diote erabiltzaileek, eta Google komunikazio kanpaina zerbitzua garatzen ari da bere zerbitzua sustatzeko.

Google+ erabiltzaileak irabazten ari da pixkanaka, bere zerbitzurako gonbidapenak banatzen ari diren bitartean. Erabiltzaileek harrera ona egin diote sare sozialari, eta Google bere komunikazio kanpaina garatzen ari da zerbitzua sustatzeko. Konpainiaren estrategiaren hurrengo pausoa pertsona ospetsuak sare sozialean sartzea da; horretarako, euren identitatea bermatzeko sistema batean pentsatzen ari dira.

Googlek buruan duen sistema Twitterrek duenaren antzekoa da. Enpresak pertsona famatua profil horren jabe dela egiaztatzen du, jarraitzen duten erabiltzaileek profila benetako dela ikus dezaten.

CCNk Brett Schulte Hollywoodeko aholkulariaren hitzetan oinarrituta iragarri duenez, Hollywoodeko izarrek Google+en profilak irekitzea nahi du Googlek; baina egiaztatze sistema bat behar du horretarako. Schultek ziurtatu duenez, Googleko ordezkariekin hitz egin du, sare sozialean  pertsona ospetsuen nortasuna bermatzeko sistema egokiena aukeratzeko. Horrek konpainiaren asmoak egiaztatuko lituzke.

2011/07/20

Guggenheim, Iphoneko aplikazioa duen Espainiako lehenengo museoa

Horren bidez bisita planifikatu, programazio eta ekimenak kontsultatu, eta 300 irudi, bideo eta audio baino gehiago jaitsi daitezke.

Guggenheim Bilbao Museoa Iphonerako aplikazioa duen Espainiako lehenengoa museoa da. Horren bidez, bisita planifikatu, programazioa eta ekintzak kontsultatu, eta 300 irudi, bideo eta audio baino gehiago jaitsi daitezke. Bertsio horren ostean Android sistemako smarthphoneetarako eta Ipaderako garapenak etorriko dira.

Aplikazioa App Storetik deskargatu daiteke, 2,99 euroren truke, eta erdaraz, ingelesez eta frantsesez erosi ahalko da. Erabiltzaileek ibilbide luzea egin ahal izango dute artisten obretatik, aplikazioa duenak "audiogidetako pista guztiak izango dituelako".

Aplikazioak bost atal ditu: Lehena museoari eskainita dago, oro har, eta haren historiari, Guggenheim markako museoen sareari, planoei eta sare sozialei buruzko informazio ematen du. Agendaren sailak, aldiz, programazioa aurkezten du, bisita egiteko garaian programatutako erakusketak ezagutzeko aukera emanez.

Beste atal bat eraikinari dagokio, eta proiektuaren irudi eta bideoak daude ikusgai bertan. Gainera, Frank Gehry Guggenheim museoren sortzaileari buruzko informazioa erakusten du.

Bildumak ere gune nabarmena hartzen du: lanei buruzko irudi eta fitxa zehatzak, artisten biografiak, eta pieza jakinen audio eta bideo artxiboak.

Azkenik, Guggenheim Museoa ikusi nahi duten pertsonentzako atal bat dago. Ordutegi eta salneurriak kontsulta daitezke bertan, programatutako ibilbideak ikusi eta nork bere bisita diseinatu ere.

Google+ek 18 milioi erabiltzaile ditu dagoeneko

Hiru aste daramatza Interneten, eta egunetik egunera milioi bat erabiltzaile lortu ditu, gutxi gorabehera. Orain, hasierako abiadura hori zertxobait moteltzen hasi da.

Google+ek 18 milioi erabiltzaile baino gehiago ditu Sarean dagoneko. Egunetik egunera milioi bat erabiltzaile gehiago lortzen ditu, gutxi gorabehera, beta bertsioan hiru aste eman ondoren.

Halere, hasierako hazkunde hori moteltzen ari da,  joan den astean inoizko hazkunderik handiena izan ostean, % 50eko jaitsiera izan baitu sare sozialak.

Dena den, Paul Allene ancestry.com webguneko zuzendari eragileak aurreikusi bezala, ez da 20 milioi erabiltzaileetara iritsi. Erabiltzaileen balizko kopuru bat ezartzeko, sare sozialeko erabiltzaileen abizenek AEBetako populazioan duten pisua zehazten du. Oraingo honetan, 1.000 abizeneko lagina erabili du.

Allenen arabera, Eric Schmidt Googleko presidenteak duen ikuspegia taldeak hobeto osatzea, eta Googleren beste jabetza batzuetan partekatzea da. Analistak garrantzia eman dio azken horri, "munduan mila milioi pertsona baino gehiagok Googleren produktuak erabiltzen baitituzte, besteak beste, bilatzailea, Youtube eta Blogger".



2011/07/19

Jokoak sarean sortu eta partekatzeko lehen plataforma abiarazi dute

Netgamix du izena eta bertan parte hartzeko, joko dibertigarriak eta hezigarriak aurkeztu beharko dituzte erabiltzaileek.

Jokoak sarean sortu eta partekatzeko Netgamix plataforma ipini dute martxan. Hainbat kategoriatan sailkaturiko jokoak aukeratu ahal izango dituzte erabiltzaileek: artea, geografia, historia, musika, manga edo animea, esaterako. Sorkuntza guztiekin sailkapen bat osatuko dute, onena aukeratzeko. Oraingoz, 300 joko eta 2.500 erabiltzaile izatea erdietsi du beta bertsioak.

Zerbitzu bereziak enpresentzat

Plataformak zerbitzu bereziak eskainiko dizkie enpresei. Izan ere, hala nahi izanez gero, joko intuitibo eta atseginak ipini ahal izango dituzte euren webguneetan, bezeroek jokatu dezaten.

Beste hainbat erabilera ere garatu dituzte Netgamixen. Adibidez, jokalariak sarituko dituzten promozioak edo txapelketak antolatu ditzakete joko horiei esker, bezeroen parte hartzea sustatu eta bide batez, fidelizatzeko.

'Netgamix'

2011/07/18

'Euskal Encounter'ek ostiral honetan irekiko ditu ateak

XIX. edizioa uztailaren 22tik 25era izango da, Barakaldoko Bilbao Exhibition Centren (BEC). Aste Santuan agortu ziren salgai jarritako 6.000 sarrerak.

"Euskal Encounter"-en XIX. edizioa uztailaren 22tik 25era ospatuko dute. Espainiako elkargune informatiko handiena da komunikabideek "zertxobait ahaztuta" duten arren, ziurtatu du Bizkaiko Foru Aldundiko Euskararen Sustapenaren zuzendari nagusiak. Barakaldoko Bilbao Exhibition Centren (BEC) bilduko dira, berriro ere, informatikaren zale eta profesionalak.

"Euskal Encounter"-en antolatzaile nagusiak, Sabino San Vicentek, parte-hartzaileen fideltasuna eskertu du, 6.000 sarrerak Aste Santurako salduta baitzeuden.

Pertsona guzti horiek eta 120 kilometroko sarearen bidez elkarrekin konektatutako 4.096 ordenadore-postuk Internetara segundoko 20 Gbeko sarbidea izanda, aisia eta ezagutza partekatzeko prest egongo dira.

Antolatzaileen arabera, parte-hartzaileen % 89 gizonezkoak dira, eta batez beste 27 urte dituzte. Ia erdiak EAEtik kanpoko tokiren batetik etorriko dira.

Aurten, enpresen arteko lehiaketa bat egingo dute, eta parte-hartzaileek euren ideiak eta sorkuntzak erakunde ezberdinei erakusteko aukera izango dute. Era horretan, informatikari buruzko lan poltsa bat sortuko dute.

Ekitaldirako bi pabiloi erabiliko dituzte,35.000 metro karratu guztira, hiru zona nagusitan banatuta: "Euskal Party"k arte digitalaren lehiaketak eta hasiberrientzako jokoak hartuko ditu, besteak beste; "Gamegune"n "Bideo-jokoen Nazioarteko Lehiaketa" izango da, eta 22.500 euro banatuko dituzte saritan; azkenik, "Opengune" publikoarentzako gunea izango da, hitzaldiak emango dira bertan, doan.

'Euskal Encounter'ek ostiral honetan irekiko ditu ateak

XIX. edizioa uztailaren 22 eta 25 artean izango da, Barakaldoko Bilbao Exhibition Centre-n (BEC). Aste Santuan agortu ziren salgai jarritako 6.000 sarrerak.

"Euskal Encounter"-en XIX. edizioa uztailaren 22-25 artean ospatuko dute. Espainiako elkargune informatiko handiena da komunikabideek "zertxobait ahaztuta" duten arren, ziurtatu du Bizkaiko Foru Aldundiko Euskararen Sustapenaren zuzendari nagusiak. Barakaldoko Bilbao Exhibition Centre-n (BEC) bilduko dira, berriro ere, informatikaren jarraitzaileak eta profesionalak.

"Euskal Encounter"-en antolatzaile nagusiak, Sabino San Vicentek, parte-hartzaileen fideltasuna eskertu nahi izan du, Aste Santurako 6.000 sarrerak salduta baitzeuden.

Pertsona guzti horiek eta 120 kilometroko sarearen bidez elkarrekin konektatutako 4.096 ordenadore-postuk Internetara segundoko 20 Gbeko sarbidea izanda, aisia eta ezagutza partekatzeko prest egongo dira.

Antolatzaileen arabera, parte-hartzaileen % 89 gizonezkoak dira, eta batez beste 27 urte dituzte. Horietatik, ia erdia Euskal Herri kanpotik datoz.

Aurten, enpresen arteko lehiaketa bat egingo da, eta parte-hartzaileek euren ideiak eta sorkuntzak erakunde ezberdinei erakusteko aukera izango dute. Era horretan, informatikari buruzko lan-burtsa bat sortuko dute.

Ekitaldirako erabiliko diren 35.000 metro karratuak, bi pabiloi, hiru zona nagusitan banatuko dira: "Euskal Party"k arte digitalaren lehiaketak eta hasiberrientzako jokoak hartuko ditu, besteak beste; "Gamegune"n "Bideo-jokoen Nazioarteko Lehiaketa" izango da, sarietan 22.500 euro banatuko dituzte; eta azkenik, "Opengune" jendaurrekoari irekitako gune bat da, hitzaldiak debalde emango dira bertan.

2011/07/15

Googlek erabiltzaileak sarituko ditu albisteak irakurtzeagatik

Bilatzaileak Google Newsen diseinu berria kaleratu du eta etiketa sistema berriarekin gehien irakurtzen dutenak sarituko ditu dominekin.

Google ez da gelditzen eta trenari bagoiak gehitzen dizkio etengabe. Azkena Google+ izan zen eta azken asteotan diseinu berriak aurkeztu ditu eta zerbitzuan hobekuntzak egin dituzte.

Gaur, teknologia enpresa erraldoiak Google Newsen diseinu berriarekin nahastu ditu bazterrak. Gainera, albisteak irakurtzen dituzten erabiltzaileak saritzeko tresnak jarri ditu martxan, blog ofizialean jakitera eman duenez. Erabiltzaileak dominak jasoko ditu irakurtzen dituen albisteen eta maiztasunaren arabera.

Google Newsen bitartez Sarean argitaratzen diren albisteak bila daitezke azkar azkar. Bilaketa aurreratua egiteko aukera ematen du, hau da, bilaketa gaiaren, dataren edo garrantziaren arabera egin daiteke.

Dominak pribatuak dira, hau da, ezin ditu edonork ikusi hasieran; gero, erabiltzaileak nahi badu, publiko egin ditzake gainerako erabiltzaileek ikus ditzaten. Horrela, erabiltzaileen lagunek ikusi ahal izango dute besteak zein interes dituen edo zertan den aditua.

2011/07/14

10 internautatik ia batek wifia lapurtzen dio Espainian auzokideari

Egun wifi konexioa gero eta garatuago dago. Erabiltzaileen % 49,81ek wifi konexioa dute mugikorrean.

Haririk gabeko Interneteko erabiltzaileen % 8,7k wifia lapurtzen dio Espainian auzokideari, Komunikazio Teknologikoen Institutu Nazionalaren inkesta baten emaitzen arabera.

Haririk gabeko sareen garapenari esker kablerik gabeko Interneteko konexioa sortu da, eta egun wifi konexioa gero eta garatuago dago.

Ikerketak 2010eko azken hiruhileko datuak aztertzen ditu, eta Interneteko konexioa duten mugikorren kopuruak gora egin duela agerian utzi du. Erabiltzaileen % 49,81ek wifi konexioa dute mugikorrean, iazko epe berdinean izandakoa baino % 18,3 gehiago.

Wifi teknologia erabiltzen dutenen artean, % 70k bere routerra dauka, % 16 toki publikoetako sareak erabiltzen ditu, eta % 8,7k auzokideari lapurtzen dio.

10 internautatik ia batek wifia lapurtzen dio Espainian auzokideari

Egun wifi konexioa gero eta garatuago dago. Erabiltzaileen % 49,81ek wifi konexioa dute mugikorrean.

Haririk gabeko Interneteko erabiltzaileen % 8,7k wifia lapurtzen dio Espainian auzokideari, Komunikazio Teknologikoen Institutu Nazionalaren inkesta baten emaitzen arabera.

Haririk gabeko sareen garapenari esker kablerik gabeko Interneteko konexioa sortu da, eta egun wifi konexioa gero eta garatuago dago.

Ikerketak 2010eko azken hiruhileko datuak aztertzen ditu, eta Interneteko konexioa duten mugikorren kopuruak gora egin duela agerian utzi du. Erabiltzaileen % 49,81ek wifi konexioa dute mugikorrean, iazko epe berdinean izandakoa baino % 18,3 gehiago.

Wifi teknologia erabiltzen dutenen artean, % 70k bere routerra dauka, % 16 toki publikoetako sareak erabiltzen ditu, eta % 8,7k auzokideari lapurtzen dio.

2011/07/13

Delirium Studios bilbotarrek N3DSrentzat bideo-joko bat egin dute

Euskadiko lehenengo enpresa da 3Dsrentzat ofizialki lan egiten. "Von Sottenfor eta bere buru karratua" bideo-jokoak 400.000 euroko aurrekontua du.

Delirium Studios bideo-jokoen garapenaren Bilboko enpresak "Von Sottenfor eta bere buru karratua" Nintendo 3DS kontsola eramangarrira eramateko lan egiten ari direla esan du, gailu horrek betaurrekorik gabe hiru dimentsiotan jolasteko aukera ematen du.

Nintendok prentsa-ohar baten bidez eman du horren berri. Delirium Studios 3Dsrentzat ofizialki lan egiten duen lehenengo euskal enpresa da. 400.000 euroko aurrekontu orokorra du lanerako.

Iktusa izan dutenek errehabilitazioa egiteko robota diseinatu dute

Valentziako La Fe Ospitalean frogatzen ari diren gailu honek iktus bat izan dutenen osasun egoera on line jarraitzea ahalbidetuko du.

Tecnaliak eta FIKek -zahartze eta urritasun arloak aztergai dituen enpresa ekimen bat- ArmAssist proiektua aurkeztu dute asteazken honetan Miramongo Parke Teknologikoan (Donostia). ArmAssist iktus bat izan duten gaixoek errehabilitazioa etxean jarraitzeko robota da.

Valentziako La Fe Ospitalean ari dira gailu berria frogatzen. gaixoek gaitasun neuromuskularra berreskuratzea eta medikuek hauen on line jarraipena egitea ahalbidetuko ditu robot honek. Gailu mugikor batek eta bideojokoen software plataforma batek osatzen dute robota. 

Oinarri mugikor horrek erabiltzaileari lotzen zaio protesi baten bitartez. Honek sorbaldaren eta ukondoaren mugimenduak hautematen eta neurtzen ditu. Aipatutako oinarri horrek ordenagailu estandar batera lotuta dago, eta besoaren mugimenduak eta gorputz-adar horien errehabilitaziorako garatutako bideojokoen eskakizunak erlazionatzen ditu ordenagailuak.

15 milioi bat lagunek iktus bat izaten dute urtero, eta 5 milioi bat lagunari urritasun kronikoren bat geratzen zaio.

Gaixoei errehabilitazioa etxean egiten lagunduko die robot honek. Argazkia: EITB

2011/07/11

XV. Campus Party hasiko dute gaur, Valentzian

Ekitaldiaren antolatzaileek aste osoan 6.500 pertsona lortzea espero dute. 375 orduko edukia eskainiko dute lantegi, lehiaketa eta hitzaldien bitartez.

Campus Partyren XV. edizioa hasiko da gaur, Valentziako Arte eta Zientzien Hirian. Edizio honek 6.500 pertsona jasotzea espero dute. Ekitaldia uztailaren 11tik 17ra bitartean egingo dute.

Antolatzaileek 375 orduko edukia eskainiko dute lantegi, lehiaketa eta hitzaldien bitartez. Ferran Adria sukaldariaren hitzaldia nabarmenduko da, sormenaren eta gazteei berritzaile moduan tratatzeko garrantziaz duen ikuspuntua azalduko baitu. 

Parte-hartzaileak Felipe Printzea Museoan egongo dira. Gainera, aurten eraikin berri bat egin dute, 2.800 pertsona inguru jasoko dituena.

Aste osorako 5.800 abonamendu saldu dituzte eta egun baterako 700 sarrerekin amaituko dira.

Campus Party gaur hasiko da Valentzian. Argazkia: EFE

2011/07/06

Apple konpainiaren iPhone 5 telefonoa arinagoa izango da

Iraila baino lehen iPhone telefonoaren azken bertsioa merkaturatzea espero du konpainiak. Telefonoa produzitzeko pieza garrantzitsuenak eskatu ditu dagoeneko Steve Jobsen enpresak.Iraila baino lehen iPhone telefonoaren azken bertsioa merkaturatzea espero du Apple konpainiak. Dipositibo berria aurrekoa baino arinagoa eta meheagoa izango da eta 8 megapixeleko kamera bat izango du, The Wall Street Journal egunkariak gaur jakitera eman duenez.

Telefonoa produzitzeko pieza garrantzitsuenak eskatu ditu dagoeneko Steve Jobsen enpresak, AEBetako egunkariak baieztatu duenez. Filtrazioaren egileak Apple-k Taiwanen dituen osagai hornitzaileak izan direla azaldu du egunkariak.

Irailean Apple-n telefono berria merkaturatu behar dutela dioten zurrumurruak areagotu dira azken asteetan.

Kaliforniako Qualcomm mikroprozesadoreen konpainiak telefono berrian mikrotxipak txerta ditzakeela uste dute. iPhone 4 arinagoa eta meheagoa izatea espero da eta 8 megapixeleko kamera bat izango du.


Apple konpainiaren iPhone 5 telefonoa arinagoa izango da. Argazkia: Apple

Googlek erabiltzaile guztien profilak publiko egingo ditu

Profil bat irekitzeko derrigorrezko datuak: izen osoa eta sexua, publikoak izango dira. Uztailaren 31tik aurrera hartuko dute neurri hori.

Googlek uztailaren 31tik aurrera bere zerbitzuko profil guztiak publiko izango direla jakinarazi die erabiltzaileei. Konpainiak profil bat irekitzeko derrigorrezko datuak: izen osoa eta sexua, publiko izango direla adierazi du; beste datuak erabiltzaileek euren profilaz egingo duten konfigurazioaren araberakoak izango dira.

"Profil hauek dakarten gauzarik onena zeu bilatzen laguntzea da, eta zurekin on line kontaktuan jartzeko aukera ematea", konpainiak Google+ egitasmoko web orrialdean esan duenez. Asmo hori kontuan hartuta, Googlek profil pribatuek aukera hori ez dutela ematen uste du.

Googleren jarrera horrek bere zerbitzuetan erregistratutako profil guztiak ikusteko aukera ematen du, bilatzailean bilaketa-irizpide aproposak erabiliz gero.

"Orain profil pribatu baten jabe bazara eta ez baduzu publiko egin nahi, ezabatu egin dezakezu. Edota ezer ez egin. Profil pribatu guztiak uztailaren 31tik aurrera ezabatu egingo dira", Google enpresak jakinarazi duenez.

2011/07/04

Foxen Twitter kontua pirateatu eta Obamaren 'heriotza' iragarri dute

Fox Newsek agiri baten bitartez zabaldu duenez, 'hackerrek' Twitterreko kontuan sartu dira eta 'tuit' baten bidez AEBetako presidentea hil dela zabaldu dute.

Fox Newsek agiri baten bitartez zabaldu duenez, 'hackerrek' Twitterreko kontuan sartu dira eta 'tuit' baten bidez AEBetako presidentea hil dela zabaldu dute.

"@BarackObama eraila izan da, bala batek egindako bi zauriak gehiegi izan dira berarentzat. Egun tristea da Amerikarentzat", zioen Interneteko piratek argitaratutako "tuitak".

Baina Obama Etxe Zurian dago, igandean bueltatu da asteburuan Camp Daviden pasa ondoren.

Foxen kontu honek 35.000 jarraitzaile baino gehiago ditu, hortaz, erabiltzaile askok zabaldu zuten mezua.

Gainera, Joe Bideni, "AEBetako egungo lehendakaria bezala" hartu zuten eta "zorte ona" opa zioten.

Fox Newsek gertatutakoa argitzeko ikerkuntza bat zabalduko duela iragari du. "Gertaera ikertzen ari gara eta FoxNews.com web orritik barkamena eskatu nahi diegu gezurrezko tuitek arazoren bat ekarri dietenei".

Facebookek bideo txat zerbitzua ezarri dezake aste honetan

Sare sozial ezagunak, berrikuntza handi bat eman dezakeela iragarri du Skype zerbitzua bere sareetan integratu duela eta.

Facebook aste honetarako berrikuntza handi bat aurkezteko lanetan ari da. Txat bidezko elkarrizketetan bideoa erabiltzeko aukera jartzeko lanak egiten ari dira, zenbait informazioen arabera.

Mashable atariak jakitera eman duenez, Sare sozialak bideo bidez deiak egiten utziko luke Skype zerbitzua bere sarean integratu ostean. Hala ere, datozen egunetan Facebookek zerbitzu honen berri ofiziala emango duela uste da.

Facebookek joan den astean esan zuen zerbitzu berria prestatzen ari zirela, eta antza datozen egunetan baieztatuko dute ofiziaki zerbitzua euren sarean txertatzen dutenean.

Zurrumurru asko zabaldu dira Facebookek egin behar duen berrikuntzaren inguruan, eta esames guztien arabera, Facebookek bideo bidezko deiak egiteko aukera jarriko du. Mashable atariaren arabera, Facebook sareko barneko iturri batek, berrikuntzaren inguruko baieztapena eman du.

Facebooken bideo txata jartzeko ideia ez da berria, baina aplikazio hau txertatzeko unerik egokiena da orain. Facebookek bideo bidezko deiak egiteko aukera ezartzeak, Google+ ekimenarekin lehiatzeko aukera ematen dio. Bideo txatarekin Googleko txataren maila berean geratzea lortuko du, eta horrela, lehiakortasun handiagoa izango luke.

Facebookeko bideo zerbitzua Skyperen bidez lortu ahal izango da. Skypek bere aplikazioaren publikazioaren amaiera iragarri zuen joan den astean eta honek Facebooki lagunduko dio bere zerbitzuan bideo sistema integratzen. Ez du kointzidentzia ematen Facebookek berrikuntza baten berri ematea VoIP konpainiak APIrena publikatu ondoren.

Bi zerbitzuen arteko aliantzak, Facebookeko bideo txataren inguruan espekulatzea dakar, baina hala ere, berrikuntzaren inguruko albiste ofiziala eman arte ezin izango da jakin zein funtzio dituen bideo txatak, ezta zein aukera eskaintzen dizkion erabiltzaileei ere.


2011/07/02

Chavezen gaitza 'trending topic' bihurtu da Venezuelako Twiterren

"Chavez gaixoa", "iraungo dugu" eta "tumorea" dira Venezuelako Twitterreko erabiltzaileen artean gehien erabili dituzten hitzak.

Hugo Chavezen aldekoek eta aurkakoek Twitter sare soziala erabili dute presidentearen gaixotasunari buruz hitz egiteko. Hori dela eta, presidenteak atzo iragarritako gaixotasunak eztabaida handia piztu du eta gairik jarraituena bihurtu da Venezuelan ('trending topic').

"Chavezentzat indarra" eta "Chavez izorratu dadila" bezalako izenburuak jarri dituzte sare sozialean, eta "Chavez gaixoa" edo "tumorea" dira venezuelarrek Twitterren gehien erabili dituzten hitzak.

"Menderatzeko jaio gara eta ez menderatuak izateko" idatzi zuen @carloscontigo-k. Honakoa idatzi duenak "Chavez komandantearen jarraitzailea" bezala hartzen du bere burua.

"Ez zaitezte nahastu gutxiengo eskualidoak (aurkakoak), Chavezen aldekoak atzo baino gehiago gara gaur, eta bihar are gehiago izango gara", argitaratu du Gobernuaren aldeko batek.

Chavezen gaitza 'trending topic' bihurtu da Venezuelako Twiterren

"Chavez gaixoa", "iraungo dugu" eta "tumorea" dira Venezuelako Twitterreko erabiltzaileen artean gehien erabili dituzten hitzak.

Hugo Chavezen aldekoek eta aurkakoek Twitter sare soziala erabili dute presidentearen gaixotasunari buruz hitz egiteko. Hori dela eta, presidenteak atzo iragarritako gaixotasunak eztabaida handia piztu du eta gairik jarraituena bihurtu da Venezuelan ('trending topic').

"Chavezentzat indarra" eta "Chavez izorratu dadila" bezalako izenburuak jarri dituzte sare sozialean, eta "Chavez gaixoa" edo "tumorea" dira venezuelarrek Twitterren gehien erabili dituzten hitzak.

"Menderatzeko jaio gara eta ez menderatuak izateko" idatzi zuen @carloscontigo-k. Honakoa idatzi duenak "Chavez komandantearen jarraitzailea" bezala hartzen du bere burua.

"Ez zaitezte nahastu gutxiengo eskualidoak (aurkakoak), Chavezen aldekoak atzo baino gehiago gara gaur, eta bihar are gehiago izango gara", argitaratu du Gobernuaren aldeko batek.

2011/07/01

TouchPad-a kaleratu dute AEBetan, baina ez ditu aurreikuspenak bete

Adituen arabera, pantailako edukiak antolatzeko modua du alderdirik indartsuena.

Hewlett-Packard (HP) konpainia estatubatuarrak, TouchPad tableta informatiko berria aurkeztu du gaur. iPad gailu elektronikoaren eta Android sistema eragilearen alternatiba gisa sortu dute. Azken honek ez du arrakastarik analisten artean.

Lehiakideena ez bezalako sistema eragilea du, oso software deigarria izateaz gainera. Halere, hardwareari, bateriaren iraupenari eta aplikazioen eskaintzari dagokienez, baina, huts egiten du.

Tableta informatiko berri honek iPad-aren antzeko pantaila dauka. Haren erresoluzio berdina du (1024x768 pixel) baina Appleren gailua baino astunagoa eta lodiagoa da.

16 eta 32 Gb-ko modeloek 499 eta 599 dolar arteko prezioa dute, eta Wi-Fi konexioa eta iPad 2 eta Samsung Galaxy Tab 10.1-aren pareko ahalmena dute biek.

HPk, bere lehiakideek ez bezala, aurrez aurreko kamera bat dauka bideotelefono bidezko deiak egiteko. Halere, atzeko kamera falta zaio eta ez du argazkiak hartzeko edo bideoak grabatzeko aukerarik eskaintzen.

MikroUSBra konektatu ahal izateko sarrera bat eta soinu estereofonikoa eskaintzen duten bozgorailuak ditu.
Adituen arabera, horren alderik onena pantailako edukiak dira.

Txio, Twitter jario sailkatua eta balio erantsiarekin eitb.com-en

Tourrean emango ditu lehen urratsak beta bertsioan eta irailerako finkatuta izango da.

eitb.com webguneak tresna berri bat jarri du erabiltzaileen esku: Txio, Twitter jario sailkatua eta balio erantsiarekin. Hizkuntza ezberdintzen du (euskara edo gaztelania) eta erabiltzaile zehatz batzuen tuitak baino ez ditu erakusten, gehitutako estekak (bideoak, argazkiak, idatzitako artikuluak...) lekuan bertan eta jatorrizko irudiekin erakutsiz.

Txiok Frantziako Tourra martxan den bitartean emango ditu lehendabiziko urratsak probak egiteko "beta" bertsio bat kaleratuta. Horren bitartez, Tourrean bertan dauden txirrindulariek, zuzendariek, kazetariek eta adituek esaten dutena leku bakarrean bilduta ikusteko aukera izango da. Erabiltzaile arrunton artean aktiboenek esaten dituztenak ere ikusiko dira bertan.

Hasierako esperientzia honetan oinarrituta, Txiok hobekuntzak hartuko ditu, eitb.com berriarekin batera (abuztuaren amaieran) ahalik eta modurik finenean atera ahal izateko, oraindik ere beta fasean egongo bada ere. Ordurako, ekimen jakin baterako (Tourrerako, esaterako) ez ezik, Txio "orokorra" ere egongo da prest.

Proiektu hau CodeSyntax Eibarko enpresaren eskutik heldu da eitb.com-era, Umap proiektuaren esperientzian oinarrituta eta multimedia webgune bati egokituta.

2011/06/30

News Corporationek MySpace saldu du 35 milioi dolarren truke

Duela 6 urte, Murdochek 580 milioi dolar ordaindu zituen sare soziala eskuratzeko. Orain, MySpaceren jabe berriak, Specific Mediak, proiektua berritu eta indartu egingo duela adierazi du.News Corporation enpresa estatubatuarrak MySpace sare soziala saldu dio Specific Mediari 35 milioi dolarren (24,2 milioi euro) truke, bi enpresek adierazi dutenez. Specific Media eta Justin Timberlake elkarlanean hasi dira.

Atariaren jabe berriek komunikatu batean aditzera eman dutenaren arabera, MySpace berritzeko eta indartzeko asmoa dute. Sare sozialak hileko 35 milioi erabiltzaile ditu oraindik ere AEBetan, baina ComScorek eskaini dituen datuek erakutsi dutenez, Facebookek bertan dituenak (157 milioi erabiltzaile) baino askoz ere gutxiago dira.

"Zaleek artistarik gustukoen webetan nabigatzeko, musika entzuteko, bideoak ikusteko, edukiak partekatzeko, gauza on horiek ezagutzeko eta konektatuta egoteko beharra dute. MySpacek hori eskaintzeko balio du", Timberlakeren esanetan.

Datozen hilabeteetan, Specific Media Kaliforniako marketin enpresak eta Justin Timberlakek MySpacerekin egingo dutenaren berri emango dute.

Akordioak News Corporationen proiektuen artean arrakasta txikiena izan duena bukatzeko balio izan du. Duela 6 urte, Murdochek 580 milioi dolar ordaindu zituen sare sozial hori eskuratzeko. Garai hartan, MySpace zen Interneteko sare sozialik ezagunena, baina Facebook nagusitu da apurka-apurka.

Aldaketa hori dela eta, urtarrilean iragarritakoa betez gero, langileak kaleratzen hasiko dira orain. Enpresaren 500 langileen erdiari eragingo die erabaki horrek. Mike Jones MySpaceko zuzendari exekutiboak datozen bi hilabeteetan kargua utziko duela adierazi du.


Iruñeko entzierroen doako aplikazioa, iPhone-an

Udalak eta Kukuxumusuk sortu duten Bullrunning Trainer aplikazioak, entzierro baten simulazioa, lasterketan ezbeharra izateko aukera, segurtasun aholkuak eta 1980tik aurrerako datuk eskaintzen ditu.

Iruñeko Udalak eta Kukuxumusuk Bullrunning Trainer sortu dute. Sakelako telefonoentzat aplikazioa iPhone, iPad edo iPod Touch gailuetan erabil daiteke. App Store plataforman doan jaits daiteke dagoeneko.

Entzierro simulazioa, lasterketan zehar ezbeharra izateko duzun aukeraren kalkulua, segurtasunez aritzeko aholkuak eta 1980tik aurrerako informazioarekin osatutako datu basea kontsultatzeko aukera eskaintzen du aplikazio horrek. Gainera, euskaraz gain, gazteleraz eta ingelesez dago eskuragarri.

Iruñeko Udalaren aburuz, entzierroan parte hartzeak duen arriskuaz ohartarazteko tresna baliagarria da, batez ere oraindik jaia ondo ezagutzen ez duten kanpotarrentzat. Gainera, "sanferminetan inoiz egon ez direnei festa ezagutarazteko modu dibertigarria ere bada".

Iruñeko entzierroen doako aplikazioa, iPhone-an

Udalak eta Kukuxumusuk sortu duten Bullrunning Trainer aplikazioak, entzierro baten simulazioa, lasterketan ezbeharra izateko aukera, segurtasun aholkuak eta 1980tik aurrerako datuk eskaintzen ditu.

Iruñeko Udalak eta Kukuxumusuk Bullrunning Trainer sortu dute. Sakelako telefonoentzat aplikazioa iPhone, iPad edo iPod Touch gailuetan erabil daiteke. App Store plataforman doan jaits daiteke dagoeneko.

Entzierro simulazioa, lasterketan zehar ezbeharra izateko duzun aukeraren kalkulua, segurtasunez aritzeko aholkuak eta 1980tik aurrerako informazioarekin osatutako datu basea kontsultatzeko aukera eskaintzen du aplikazio horrek. Gainera, euskaraz gain, gazteleraz eta ingelesez dago eskuragarri.

Iruñeko Udalaren aburuz, entzierroan parte hartzeak duen arriskuaz ohartarazteko tresna baliagarria da, batez ere oraindik jaia ondo ezagutzen ez duten kanpotarrentzat. Gainera, "sanferminetan inoiz egon ez direnei festa ezagutarazteko modu dibertigarria ere bada".

2011/06/29

Google+, Facebooki aurre egiteko sare sozial berria

Googleren proposamenak "talde sozialak" egiteko aukera emango dio erabiltzaileari, lagunak berak erabakitzen dituen irizpideen arabera batzeko aukera emanez.Googlek Google+ sare soziala aurkeztu du. Proposamen berri horretan, erabiltzaileak lagunak taldeka antolatzeko aukera izango du eta bere esku izango du taldeak sortzeko irizpidea zehaztea. Facebook sareari aurre egiteko hirugarren saiakera du honakoa Googlek, aurretik Buzz eta Wave izenekoekin saiatu baitzen.

Google+ proba gisa kaleratu dute oraingoz, eta gonbidapena behar da erabili ahal izateko, Vic Gundotra konpainiako presidenteordeak blogean argitaratu duenez.

Googleren proposamenak "talde sozialak" egiteko aukera emango dio erabiltzaileari, lagunak berak erabakitzen dituen irizpideen arabera batzeko aukera emanez.

Gundotraren ustez, "Sarean egindako elkarrizketa bakoitza erakusketa publiko bat da", eta "hori dela eta, geroz eta informazio gutxiago partekatzen da".

Google+ sare sozialak elkarrizketak gaika sortzeko aukera ere eskainiko du, eta kontaktuekin bideokonferentziak egiteko aplikazioa eta sakelako telefonoetarako aplikazioa ere izango ditu.


2011/06/28

Twitterrek kazetarientzako gida kaleratu du

Twitter for Newsrooms #Tfn (Erredakzioetarako gida) lanak informatzeko eta edukiak argitaratzeko aholkuak eskainiko ditu.Twitter sare sozialak kazetarientzat oso erabilgarria izan daitekeen gida bat kaleratu du. Konpainiak tresna horrek eskaintzen dituen aukera guztien berri ematen du eta horiei esker kazetariak Interneten lor dezakeen ikuspena ere azaltzen du.

Twitter for Newsrooms #Tfn (Erredakzioetarako gida) lanak informatzeko eta edukiak argitaratzeko aholkuak eskaintzen ditu.

Twitter for Newsrooms #Tfn lau ataletan banatuta dago: informatu, parte hartu, argitaratu eta eduki gehigarriak. Informatu atalean, Twitterrek kazetari batek informazioa bilatzeko, egiaztatzeko eta osatzeko dituen hainbat aukera biltzen ditu. Parte hartzea atalari dagokionez, berriz, kazetariak tuitak ahalik eta gehien osatzeko eta informazioa erakargarriagoa egiteko dituen aukerak aurkezten ditu. Argitaratu izenekoan, sareak tuit bat argitaratu ostean kazetariak eskura dituen erremintak aztertzen ditu. Eduki gehigarriak izeneko atalean, bukatzeko, Twitterrek sare soziala euskarri bezala erabiltzeko eskaintzen dituen babesa eta segurtasuna azaltzen ditu.

"Kazetariek informazio iturriak azkarrago topatzeko, istorio hobeak kontatzeko eta jarraitzaile kopuru hobea eskuratzeko erabil dezaketen tresna da Twitter", irakur daiteke gida horretan.

2011/06/27

Martin Garitanoren (Bildu) nortasuna faltsutu dute Twitterren

Garitanoren izenarekin gaur goizan Twitteren agertu den kontuak ahaldun nagusi berriarekin "ez duela zerikusirik" ohartarazi du Gipuzkoako Bilduk.

Martin Garitano Gipuzkoako diputatu nagusiaren identitatea faltsutu dute Twitterren, Bilduk ohar baten bidez salatu duenez.

Martin Garitanoren izenarekin gaur goizan Twitteren agertu den kontuak, @MGaritanoBildu, ahaldun nagusi berriarekin "ez duela zerikusirik" ohartarazi du Gipuzkoako Bilduk.

Alderdiak ohar bidez jakinarazi du, gezurrezko kontu hori Twitterretik ahalik eta lasterren ezabatzeko ahaleginetan ari direla.

Garitanoren izenean sortutako kontu faltsua. Argazkia: Twitter

Martin Garitanoren (Bildu) nortasuna faltsutu dute Twitterren

Garitanoren izenarekin gaur goizan Twitteren agertu den kontuak ahaldun nagusi berriarekin "ez duela zerikusirik" ohartarazi du Gipuzkoako Bilduk.

Martin Garitano Gipuzkoako diputatu nagusiaren identitatea faltsutu dute Twitterren, Bilduk ohar baten bidez salatu duenez.

Martin Garitanoren izenarekin gaur goizan Twitteren agertu den kontuak, @MGaritanoBildu, ahaldun nagusi berriarekin "ez duela zerikusirik" ohartarazi du Gipuzkoako Bilduk.

Alderdiak ohar bidez jakinarazi du, gezurrezko kontu hori Twitterretik ahalik eta lasterren ezabatzeko ahaleginetan ari direla.

Garitanoren izenean sortutako kontu faltsua. Argazkia: Twitter