2011/01/19

Nintendo 3DS kontsola aurkeztu dute

Nintendok kontsola berria aurkeztu du, hiru dimentsioak zuzenean ikusteko aukera izango da, horretarako betaurreko berezirik erabili behar izan gabe.

Nintendok kontsola berria aurkeztu du gaur Amsterdamen: Nintendo 3DS eramangarria. DS kontsola arrakastatsua ordezkatuko du, eta betaurreko berezirik gabe hiru dimentsiotan jolasteko aukera emango du.

Teknologia berri horrekin, Nintendo Europak bideo-jokoen mundua goitik behera aldatzeko asmoa du. Martxoaren 25ean jarriko dute salgai, eta 3DSrako bereziki egindako 25 joko baino gehiagorekin batera kaleratuko dute.

Kontsola berriak 230 gramo pisatuko ditu, eta Nintendo DSren jokoekin bateragarria izango da.

Berrikuntza nagusietako "Street pass" izango da, kontsolaren erabiltzaileek informazioa elkarrekin trukatzeko aukera emango duen konexio automatikoa, hain zuzen. Sare sozial bat sortuko da horrela.

Oraingoz ez dute baieztatu Nintendo 3DS kontsolak merkaturatzean izango duen prezioa, baina, iturri ez ofizialen arabera, 180 euro inguru balioko ditu.


No hay comentarios:

Publicar un comentario