2013/12/31

34 urteko burlatar bat, esku bioniko bat jaso duen lehen nafarra


Esku bionikoa | Motor istripu batean ezker besoa galdu zuen 34 urteko burlatar bati punta-puntako esku bioniko bat jarriko diote, Nafarroan lehenengoz.

IFTTT

Put the internet to work for you.

via Personal Recipe 735099

2013/12/20

#YearOnTwitter: honela ikusi dute 2013 Twitterren


YearOnTwitter 2013 laburpena. Year On Twitter laburpenean urteko gertaerarik garrantzitsuenak bildu ditu Twitterrek, erabiltzaileen komentarioak kontuan izanik.

IFTTT

Put the internet to work for you.

via Personal Recipe 735099

2013/12/04

Europako Samsung espaziorik handiena ireki dute Bilbon


Samsung denda Bilbo: Europako Samsung espaziorik handiena ireki dute Bilbon, El Corte Ingles saltokian (Kale Nagusia 20). 800 metro karratuko Brand Shopa da.

IFTTT

Put the internet to work for you.

via Personal Recipe 735099

2013/12/02

Elhuyar Hiztegien Renove Plana: ekarri zaharra, eraman berria

Urtero legez, Elhuyar Fundazioa Durangoko Azokan egongo da (abenduaren 5etik 8ra egingo da aurten), eta, Elhuyar Hiztegiaren 4. edizioa berriki argitaratu dela eta, eskaintza berezia egin nahi die azokara etortzen direnei: Elhuyar Hiztegia (euskara-gaztelania/castellano-vasco) erosten dutenek % 30eko deskontua izango dute, baldin eta etxean duten Elhuyar hiztegi zaharra entregatzen badute. Artekale 27-28an egongo da Elhuyarren standa, eta bertan egongo den edukiontzi arrosan jasoko dira hiztegi zaharrak. Biltzen diren hiztegi guztiak berrerabili egingo dira, beste erakunde batzuekin lankidetzan. Eskaintza honek Elhuyar Hiztegien aurreko edizio guztietarako balioko du. Gainera, Kindle irakurgailu elektroniko bat zozketatuko dugu Elhuyarren euskara-gaztelania/castellano-vasco motako hiztegi baten ale bat erosten dutenen artean.

Elhuyarren standa IKTen gunean egongo da, Elhuyar hiztegiak paperezko formatuan argitaratzeaz gainera beste formatu batzuetan ere aurkitu daitezke eta. Izan ere, Elhuyarrek Elhuyar Hiztegiak webgunea estreinatu du, Kindle irakurgailu elektronikoetarako hiztegia atera berri du, eta tableta eta smartphoneetarako aplikazioak eskuragarri jarri ditu, besteak beste. Azokan, Elhuyarreko Hiztegigintza azpiunitateko pertsona bat egongo da egunero, produktu horien inguruko informazioa ematen eta jendeak dituen zalantzak argitzen.

Bestalde, Klara Ceberiok, Hiztegigintzako arduradunak, "Kontsultatu Elhuyar hiztegiak Interneten edo zure Kindle irakurgailuan" hitzaldia emango du abenduaren 6an, 17:30ean, Kabi@ gunean.

Durangoko Azokarako beste eskaintza batzuk
Baina Elhuyarrek beste eskaintza batzuk ere prestatu ditu azoka egunetarako: Elhuyar Zientzia eta Teknologiaren Hiztegi Entziklopedikoa 30 €tan egongo da salgai (45 € beharrean); Elhuyarrek umeentzako kaleratu dituen CD guztiak, 5 €tan eskuratu ahal izango dira eta Elhuyar aldizkariaren harpidetza-opari bonoak ere % 25eko deskontua izango dute.

Elhuyarren beste nobedade batzuk
Beste nobedade batzuk ere aurkeztuko ditu Elhuyarrek aurtengo Durangoko Azokan. Zientzia-dibulgazioko liburuen atalean, Egoitz Etxebestek idatzi duen Lunatikoak obra aurkeztuko du. Z izpiak zientzia-dibulgazioko bildumaren bosgarren alea da, eta idazleak 40 zientzialariren lanen eta bitxikerien berri jaso du liburu honetan. Zientzialari horiek lunatiko gisa ikusi zituzten garaikide askok: bizitzari eta zientziari beste modu batez begiratzeko gaitasuna eta ausardia izan zutelako; garaiko usteekin edo sinesmenekin bat ez zetozen aurkikuntzak eta proposamenak egin zituztelako; bide nagusietatik aparte zeuden bidezidorrak ireki zituztelako; edo emakume izateagatik itxita zituzten bideak ireki behar izan zituztelako. Batzuk benetako jeinuak izan ziren; beste batzuk, zortea izan zuten zientzialari argiak, edo lanaren poderioz lorpen handiak egitera iritsi zirenak. Bestalde, XVIII. mendeko zientzialari handienetako batzuk Lunatikoen kluba izenekoan biltzen ziren ilargi beteko gauetan; tartean zeuden Erasmus Darwin (Charles Darwinen aitona), James Watt, Joseph Pristley, William Herschel… Horri ere zor dio izena liburuak.

Dibulgazioaren alorrean ere, gaztetxoentzako liburu berri bat argitaratu du aurten Elhuyarrek: Armix sukaldean. Zz serieko laugarren liburua da, eta Mugaritzeko sukaldariek emandako errezetak biltzen ditu. Horrez gainera, osasuntsu eta indartsu egoteko gomendioak ematen ditu, baita sukaldariek plater gozo-gozoak prestatzeko zein trikimailu erabiltzen dituzten eta emaitza on eta tentagarriak lortzeko jakiak nola prestatzen dituzten azaldu ere.

Liburu horiek, eta Elhuyarrek argitaratzen dituen gainerako dibulgazio-liburu guztiak, paperezko formatuan edo formatu elektronikoan daude salgai.

Azken produktu bat aipatzearren, euskara ikasteko PRIMERAN metodoa izango da eskuragarri Elhuyarreko standean: irakasle batekin euskara ikasten ari diren ikasle guztientzat prestatutako ikasmateriala da, eta HABEren jarraibide teknikoak kontuan hartuta osatu da.

IFTTT

Put the internet to work for you.

via Personal Recipe 735099

Produktuen banaketa 'drone' bidez egitea aztertzen ari da Amazon


Amazon: Interneteko dendarik ezagunena probak egiten ari da piloturik gabeko hegazkinak laupabost urtetan erabiltzen hasteko.

IFTTT

Put the internet to work for you.

via Personal Recipe 735099

2013/11/27

Appleren udazkeneko loreak

Zibergela

IPad Air tableta berria eta iOS 7 sistema eragilearen eguneraketa izan dira Applek urrian Londresen egindako biltzarreko izarrak. Jendearen artean txalo gehien eragin duen iragarpena, baina, aurrenekoz softwarea doan emateko erabakia izan da. 2013. urtea sendo ixteko asmoz, Applek berrikuntza ugari aurkeztu ditu.

Aitor Aretxaga @bekereke

Bitarlan informatika eta Web zerbitzuak

Londresko Keynote bilkuran aho bete hortz utzi zuen mundua Applek. Bosgarren belaunaldiko iPad berrien aurkezpena eta Mac ordenagailuentzako sistema eragilea doako egitea izan ziren berrikuntza nagusiak. Beste hau ere ederra: Apple gailu berri bat erosten dutenei doan emango dizkiete iWork bulegotika paketea eta iLife multimedia programa bilduma.

Bestelakorik ere ekarri zuen urriak Cupertinoko enpresan. IOS 7 telefonoentzako eta tabletentzako eguneraketa eskuragarri dago iPhone eta iPadetan. Itxuraz, eguneraketen eta baliabideen kudeaketa naturalagoa ekarri ditu horrek. Ondo dagoena imitatzea zilegi da, eta Android sistemari kopiatu dizkiote jakinarazpenen goiko txokoa, atzeko planoko aplikazioen kudeaketa eta konektatzeko teknologien beheko panela.

Doan eman, geroago jasotzeko

Mac ordenagailuen sistema eragilearen azken bertsioa doan emateko Appleren erabakiak interpretazio asko izan ditzake. Hasteko, bistakoa da hur a deskargatu eta erabiltzera ausartuko direnak gehiago izango direla. Eta horrek, beste sistemetako bezeroak erakartzeaz gain, software denda itxira edo App Storera bideratu ditzake audientzia berriak. Ez da salbuespena gainera, estrategia aldaketa baizik. MacOS X Mavericks honetaz gain, ondorengoak ere horrela izango dira. Applek egoera berria baliatu zuen Microsoft lehiakidea zigortzeko. Windowsen eta Officen ordainpeko lizentziak kritikatu, eta haien baliokideak Mavericks eta iWorks goraipatu zituen, alegia.

Tableta hoberenak izaten segitzeko iPadak

IPad Air eta iPad Mini Retina berriak aurkeztuta, tabletetan parekorik ez duela erakutsi du berriz ere Applek. Nexus lerroko tableten erronkari eutsi, eta gainerako lehiakideekin aldea handitzea lortu dute oraingoan. Kalitatea areagotu, eta besteek eskaintzen ez dutena dakarte iPad berriek. Beste behin ere, tableten merkatuan erreferente izatera itzuli da iPad marka, Air eta Mini aldaerekin. Salgai daude azaroaren 1etik Euskal Herri osoan. Zurian edo beltzean eros dezakete erabiltzaileek.

IPad Air da Appleren harribitxia, eta aurreko bertsioak baino arinagoa izateagatik datorkio izena. Tabletaren hamar hazbeteko tamainari eutsiz, markoa %43 txikitu diote, pantailaren mesedetan. Lodiera eta pisua ere murriztu dizkiote, 7,5 milimetrora eta 453 gramora, hurrenez hurren.

Beti esan ohi da tabletak nahiko erraz hausten direla. Halakorik gerta ez dadin, inoizko iPadik gogorrena omen da honakoa, gainera. Hardware aldetik, berriz, etxeko A7 prozesagailua jarri diote. Eta, horri esker, aurreneko iPada baino zortzi aldiz bizkorragoa eta grafikoki 72 aldiz ahaltsuagoa da.

Gailuaren beste zehaztapenak aipatze aldera, 5 megapixeleko iSight kamera dauka. 1080p bereizmeneko bideoak grabatzeko balio du kamera horrek, besteak beste. Aurreko aldeko FaceTime HD kamera aldatuta, bideokonferentzien kalitatean jauzia nabaria da. Alde bitarako mikrofonoa dau ka; horrela, aldi berean hitz egitea dago, solaskideek elkar zapaldu gabe. 479 euro balio duen wifidun sinpleenetik hasita eta 699 euroko LTE konexioa duen iPadera, bertsio desberdinak dira merkatuan jarri dituztenak.

Gainera, iPad Mini edo Appleren 7 hazbeteko tabletaren urteurrenean, haren eguneraketa merkaturatu dute. Mini Retina jarri diote izena. Pantailaren bereizmena 2.048x1.532 pixeletara igo, eta iPad Air handiagoenarekin parekatu dute. Honi ere A7 txipa txertatu diote, handiaren antzeko errendimendua lortu ahal izateko.

Hala ere, gutxiagorekin nahikoa dutenek, aurreko iPad Mini txikia eskuragarri izango dute dendetan, Mini Retina berriak ez baitu ordezkatuko. Zaharra 299 eurotik hasita dago salgai, eta berria 399 eurotik aurrerako bertsioetan merkaturatzea erabaki du Applek.

Berrikuntza horiek gutxi ez balira bezala, itxura guztien arabera, 13 hazbeteko iPada ere laster iragarriko dutela zabaldu da hainbat lekutan.



IFTTT

Put the internet to work for you.

via Personal Recipe 735099

2013/11/21

Elhuyar: “Hizkuntza-estrategia egokiak erabiltzea ezinbestekoa da nazioarteko merkatuetan lehiatzeko eta arrakasta izateko"

Nazioarteko merkatuetan jarduteko hizkuntza-estrategia egokiak duen garrantziaz oharturik, Elhuyarrek Hizkuna proiektua abiarazi zuen duela urtebete, ingurune eleaniztunetan lanean dabiltzan enpresei hizkuntza-estrategia eraginkorra ezartzen laguntzeko helburuarekin, "ezinbestekoa baita hizkuntza-kudeaketa egokia nazioarteko merkatuetan lehiatzeko eta, beraz, arrakasta izateko". Gaiaren gaurkotasunak eraginda, egunotan Bizkaiko Parke Teknologikoan eta Nanteseko Unibertsitatean hitzaldia ematera gonbidatu zuten Elhuyar. Bestalde, Europako EPIC proiektua ere abiarazi da egunotan. Bi urte iraungo du egitasmoak, eta haren helburua da enpresei nazioarteko harremanetan komunikazioak hobetzeko azterketa egitea. Proiektu horretan, Elhuyar elkarlanean arituko da Polonia, Hungaria, Erresuma Batua, Italia eta Lituaniako herrialdeetako erakundeekin.

Gero eta enpresa gehiagok dihardute nazioarteko merkatuetan salmenten alorrean, hornitzaileekin edota enpresako langileekin harremanetan. Hortaz, nazioarteko harremanetan arrakasta izan nahi badugu, hizkuntzak egoki kudeatzea nahitaezko bihurtu da. Europako Batzordeak egin duen ikerketa baten arabera, "hizkuntza-kudeaketa egokia inplementatu duten enpresa txiki eta ertainek % 10-25 areagotu dituzte beren salmentak". Bestalde, eta Langune-Euskal Herriko Hizkuntzen Industrien Elkarteak egindako beste azterketa baten arabera, "Euskal ETEak negozio-aukerak galtzen ari dira eguneroko kudeaketan ez dituztelako barneratzen hizkuntza-konpetentziak". Hori horrela, eta nazioarteko prozesuetan murgiltzeko beharrari gagozkiola, enpresak gero eta gehiago ari dira jabetzen hizkuntza-kudeaketa egokiak duen garrantziaz, baldin eta lehiakorragoak eta eraginkorragoak izan nahi badute. Elhuyar duela 20 urte hasi zen enpresa eta erakundeetan euskara-planak ezartzen, baina euskal enpresak hartzen ari diren norabidea ikusita eta hizkuntza ugari kudeatu behar dituztela oharturik, euskara-planetatik hizkuntza-planetara jauzi egin du, eta Hizkuna proiektua jarri zuen martxan iaz: enpresa bakoitzaren errealitatea eta haren ingurune eleaniztuna aintzat hartuta, enpresei hizkuntza-aniztasuna egoki kudeatzen lagunduko dien proiektua, negozio-aukerak irekiz eta nazioarteko merkatuetan eraginkorrago bihurtuz.

Bizkaiko Parke Teknologikoan egin den "Eleaniztasuna nazioarteko salmentetan" gosari teknologikoan eta Nanteseko Unibertsitateak antolatu duen "Plurilinguisme(s) et entreprise: enjeux didactiques" jardunaldian gai honen inguruko hitzaldia eman du Elhuyarrek. Bi ekitaldi horietan, merkatu globaletan diharduten enpresek dituzten erronkez gain hizkuntza-kudeaketa egokia lortzeko gakoez jardun du. Adibide moduan, Tecnalia Korporazio Teknologikoan zortzi zentro teknologikok bat egin ondoren alor horretan egindako lana erakutsi du, eta hizkuntzak kudeatzeko enpresentzat diseinatu duen tresna teknologikoa ere aurkeztu du, "I+G tresnak funtsezkoak baitira hizkuntza-kudeaketan kostuak murrizteko eta enpresa barruan koherentzia mantentzeko hizkuntzaren erabileran".

Bestalde, Elhuyar Aholkularitzak, Europako beste erakunde batzuekin elkarlanean, EPIC (Enhancing and Promotin International business Comunicatoin) proiektua abiarazi du, nazioartean lan egin behar duten enpresei hizkuntzak hobeto kudeatzeko laguntza emateko. Hortaz, proiektuan, hizkuntza-gaitasunei eta komunikazio-arazoei buruzko auditoretza-programak jarriko dira martxan lau herrialdetako (Polonia, Lituania, Sizilia eta Euskal Herria) enpresa txiki eta ertainetan. Auditoretza horien bidez, ETEei nazioartean sor dakizkiekeen hizkuntza-hesiak identifikatu eta horiek ezabatu nahi dira. Proiektuan, auditoreak trebatuko dira, enpresa txiki eta ertain batzuetan auditoretzak egiteko; ondoren, materiala herrialde bakoitzera egokituko da. Elhuyar Aholkularitzak 20 urte baino gehiagoan euskara-planak kudeatzen metatu duen esperientzia baliagarria izango da proiektua garatzeko.

IFTTT

Put the internet to work for you.

via Personal Recipe 735099

2013/11/20

Googleren Nexus 5 telefonoa plazara

Zibergela

Googleren telefono berriaren nondik norakoak jakiteko irrikaz zeudenak zorioneko dira. Gailu berriak Android sistema eragilearen 4.4 KitKat bertsio esklusiboa estreinatuko du. Belaunaldi berri baten erakusgarri da.

Aitor Aretxaga @bekereke

Bitarlan informatika eta Web zerbitzuak

Googleren ekinaren emaitza da Nexus 5 telefonoa. Lehen inpresioan balekoa, diseinu sinplea eta akabera minimalistak dira telefonoaren nortasunaren adierazle. Android 4.4 KitKat plataformatik ikusi denak lerro berdina gorde du, eta, beraz, elkarrentzat egindakoa bezalako bikotea egiten dute. iPhone 5S sakelakoaren zain zeuden asko, prezio oso apalean merkaturatuko zelako zurrumurruei jarraikiz. Merkatua irauliko zuenaren zalantzarik ez zuten. Appleren gailuak ez zituen aurreikuspenak bete, eta 600 eurotan dago salgai. Dirudienez, zulo hori Googleren Nexus 5ak beteko du. Lehiakideen gozamenerako, eskaerari erantzuteko ale falta izango dute beste behin. Ez dute dendetan salduko, Internetez baizik; eta, fabrikatzaile baten marketina faltako zaio. Hala ere, industriari zuzeneko xake matea da.

Nexus 5 sakelakoa, sinpletasuna ikur

Bost hazbeteko pantailadun sakelakoa joan den ostegunetik dago salgai sarean. Full HD bereizmena du, eta ko lpeen kontra zailduriko kristalez eta Gorilla Glass 3 teknologiaz probestua dator gailu berria. Mehea eta arina da, 130 gramo besterik ez du pisatzen. 2,4 hertzetara lanean ari den Snapdragon 800 prozesagailua, 2 GBeko memoria hegazkorra edo RAM eta 8 megapixeleko kamera dira Googleren telefonoaren gaitasunen erakusgarri txiki bat. Konektibitatearen aldetik ere ez da makala, LTE (4G sareetarako), Bluetooth 4.0 eta NFC teknologiak baliatzen baititu Nexus 5ak.

Aurreko Nexus 4 telefonoak hankaz gora jarri zuen merkatua, zerbitzuen eta prezioaren arteko oreka besteetatik nabarmenduz. Orain, baina, prezioa balio erantsi ikaragarri ona bihurtu da; bigarren maila batera, alegia. Nexus 5aren ezaugarriek ez diote inbidiarik 2013an agertutako puntako beste telefonoei, eta esan gabe doa haien erdia balio duela. Sinplea egin nahi izan dute, material garestirik edo apaingarri deigarririk gabe. Baina, errendimendu bikaina eta azkarra izatea nahi izan dute, eraginkortasuna lortz eko asmoz. Lag edo atzerapenik gabeko tresna izatea edonork eskertzen duen ezaugarria da, eta horretan ez du parekorik. Akatsik izatekotan, soinua izan daiteke. Deien doinuaren nahiz bideoetako ahotsaren bolumena apalegia gerta daiteke.

Nexus 5 eskuragarri dago Euskal Herrian Googlen atarian. 349 euro eta 399 euroko bertsioak eskaintzen dituzte, 16GB eta 32GB edukieretan, hurrenez hurren. Estalki zuria edo beltza, aukeran.

Android 4.4 KitKat berria begirada guztien jomuga

Adituei atentzio eman diena smartphone honen kamera izan da, zalantzarik gabe. Telefonoaren barruan mugitzen diren lenteei esker, erabiltzaileen dardarak orekatzeko ahalmena dauka. Dardarek, beraz, ez dute une ederrenak betikotzea eragotziko. Gustuko argazkia lortzeko, ateratakoak banaka begiratu behar izatea ere iraganeko kontua da. Kamerak daukan HDR+ moduari esker, elkarren segidako argazki zaparrada gorde liteke. Horrela, telefonoen moteltasun gogaikarria arintzen da. Babes kopia automatikoak egiteko ezarpenarekin, bideo eta argazki guztiak hodeian biltzen dira.

Googleren ahaleginak, baina, sistema eragile berriaren ahalmenak saltzea dute helburu. Merkatu berrietarako egina dago batez ere, Android gailu guztietan ibiltzeko garatu delako. Zain egon beharrik ez dute izango, berriz, Nexus motako tramankuluek, horientzat prest baitago KitKat bertsioa.

Eraginkortasuna hobetu nahi izan dute, eta lehentasunezko aplikazioak birmoldatu, konputazio eraginik murritzena izan dezaten. Adibidez, Chrome nabigatzaileak KitKat ingurunean errekurtsoen %16 gutxiago behar ditu ibiltzeko, aurreko Android 4.3 Jellybeanekin alderatuta.

Baina hobekuntzak askotarikoak izan dira: besteak beste, ahots bidezko aginduak edozein lekutatik eman daitezke; aplikazio guztietan, Googleren bilaketa barra erantsita doa; kamera profesionalek parekatu ezinezko argazki panoramikoak edo 360 gradutakoak egiteko Photo Sphere aplika zioa dauka; geokokapena erabilita itzulitako informazioa, berriz, osatuagoa da.



IFTTT

Put the internet to work for you.

via Personal Recipe 735099

2013/11/15

LANGUNEk, Euskal Herriko Hizkuntza Industrien Precluster Elkarteak, sektoreari buruzko informazio saio bat antolatu du Bruselan

2013ko urriaren 23a.- Euskadiren Europar Batasuneko Ordezkaritzarekin, Etxepare Institutuarekin eta bazkide diren Elhuyar eta Euskal Herriko Ahotsak enpresekin batera, Hizkuntza Industrien Precluster elkarteak, LANGUNEk, informazio-saio bat antolatu du Bruselan, Euskal Herriko kultura- eta hizkuntza-sektorearekin lotuta dauden euskal instituzio nagusiak aurkezteko.

"Elebitasunetik eleaniztasunera, gure industria-sarearen lehiakortasuna garatzeko gakoa" lelopean egin da jardunaldia. Helburua izan da sektore estrategiko hau ikusgarri egitea, Euskal Herriko elkarte eta enpresetan abian jarri diren praktika onak partekatuz eleaniztasunarekin eta hizkuntza-industriekin lotura duten europar instituzio nagusiekin. Ekimenak bat egin du Europar Batasuna ezartzen ari den 2014-2020 programa eta finantzazio-lerro berriekin, eta Euskal Herriko hizkuntza-industria sektorea Europar Batasunean kokatu du.

Jardunaldia Euskadiren Europar Batasuneko Ordezkaritzarekin hasi da. Hain zuzen, Europar Batasuna eleaniztasunaren auzian garatzen ari den ekimenak azaldu ditu Marta Marínek, eta, halaber, 2014-2020rako Europar Batasunaren etorkizuneko programazioa erreferentzia eginez, hizkuntza-industriak eta industria kultural eta sortzaileak hartzen ari diren pisua aipatu ditu.

Ondoren, LANGUNEko zuzendari nagusiak adierazi du elkartearen helburu nagusia dela Euskal Herriko hizkuntza-industrien garapena eta lehiakortasuna sustatzea; izan ere, "hazten ari den sektore estrategikoa gara, gure gizartean errotuta dagoena".

Halaber, Fernando Alanak adierazi duen bezala, "une oro aldatzen eta hazten ari den sektore bat gara, zorionez, hizkuntza-produktu eta -zerbitzuak ezinbesteko inbertsio gisa kontuan hartzen ari direlako, sortze-, garatze-, saltze- eta merkaturatze-prozesu guztiak kanpo-merkatura eramateko garaian, beharrezkoa ez den gastu bat izan beharrean".

Ildo beretik, LANGUNEko zuzendari nagusiak aipatu du hizkuntza desberdinetan informazioa kudeatzeko eta komunikatzeko gai diren enpresa eta profesional eleaniztunek osatzen dutela orainaldia lehiakorragoak izateko.

"Hemen, Euskal Herriko Hizkuntza Industriak berebiziko garrantzia hartzen du laguntza eta euskarri gisa, produktu eta zerbitzu desberdinen bitartez, edozein industria-sektoreko enpresei, beren komunikazio-prozesuetan, bai barnekoetan, bai kanpokoetan, eleaniztasunaren kudeaketa eskainiz", esan du.

Bruselan egindako jardunaldian, Leire Cancio Elhuyarreko zuzendari nagusiak ere parte hartu du. Enpresa hori da euskal hizkuntza-industria barneko nagusietariko bat, eta LANGUNE Preclusterraren lehendakaritza du. Leire Canciok bere elkartearen bilakaera azaldu du, zerbitzu elebidunak eskaintzetik zerbitzu eleaniztunak eskaintzera iragan baita.

Etxepare Institutuko Euskaren Sustapen eta Hedakuntzarako zuzendariak, Mari Jose Olaziregik, mundu osoan zehar euskal hizkuntza eta kultura zabaltzeko Institutuak egiten duen lana azaldu die bertaratutakoei. Atzerriko unibertsitateekin dituzten 36 hitzarmenak aipatu ditu, euskal hizkuntza eta kulturako eskolak ematen dituzten unibertsitateak, zer hizkuntza-feriatan parte hartzen duten (Expolangues, London Language Show), literatura-lanak itzultzeko laguntzak, euskal idazleak sustatzen diren liburu-azokak (Liber, Frankfurt, Guadalajara), euskal hizkuntza eta kulturaren etorkizuneko irakasleak trebatzeko egiten diren ikastaroak Euskal Herriko Unibertsitatean ("Excellence in Basque Studies"), argitalpen eleaniztunak (Colección Cultura Vasca, Colección Creadores Vascos), unibertsitateko ikasleentzat euskara ikasteko eskaintzen diren diru-laguntzak, eta irakurleen artean kultura-ekitaldiak programatzeko diru-laguntzak. Olaziregi doktoreak azpimarratu du Etxepare Institutuak 40 hitzarmen baino gehiago dituela instituzio eta elkarteekin, besteak beste, hauekin: Euskaltzaindia, Institut Ramon Llull, Instituto Cervantes, EIZIE, BAsque Penn Club eta LAF (Literatura Across Frontiers).

Azkenik, Idoia Etxeberria eta Ainhoa Bernabe, Euskal Herriko Ahotsak-eko ordezkariak, aukeraz baliatu dira Ahotsak.com Euskal Herriko ahozko ondarea eta herri-hizkerak bildu eta hedatzea helburu duen programa azaltzeko.

Informazio-saioaz gain, Fernando Alana LANGUNEko zuzendari nagusiak bere egonaldia aprobetxatu du urriaren 24an Bruselan Hizkuntza Industrien II Foru Europarrean parte hartzeko (http://ec.europa.eu/dgs/translation/programmes/languageindustry/platform/forum_en.htm), industria-sektore horrekin lotura duen zerbitzu-garapena eta profesionalen trebakuntzarako informazioa eta jardunbide egokiak partekatzeko.

Europar instituzioek Euskadiko hizkuntza-industrien lanari egiten dioten aitormenaren eta Europa mailan jardunbide egokitzat hartzearen ondorio izan da LANGUNE Preclusterrak aurten ere foroan parte hartzea. 2011n hasi zen LANGUNE harremanak izaten europar instituzioekin, Hizkuntza Politikarako Sailburuordetza eta Euskadiren Europar Batasuneko ordezkaritzarekin batera.

Euskal Autonomia Erkidegoan sektoreak duen garrantzia azpimarratu du Alanak: aurreko urtean, 276 milioi euroko fakturazioa izan du, eta % 1,8ko hazkundea, 2011ko datuekin alderatuta; gutxi gorabehera 5.000 profesionali eman die enplegua, eta zenbaki horiek Euskadiko Barne Produktu Gordinaren % 0,42 adierazten dute. 2013an % 1 haziko dela aurreikusten da.

Informazio-saioa antolatzearekin eta Hizkuntza Industrien II. Foro Europarrean parte hartzearekin, LANGUNEk beste pauso bat eman du Europa mailan hizkuntza-industrien elkarteen ordezkari eta bitartekaritzaren aitormenari dagokionez; Espainia mailan aitzindari izateaz gain.


LANGUNE
http://www.langune.com

Itzulpengintzaren, hizkuntzen irakaskuntzaren, eleaniztasunaren kudeaketaren eta hizkuntza-teknologiaren arloko 38 erakunde elkartzen ditu. Gipuzkoa Berritzen-Innobasque plataformaren barruan martxan jarritako lantalde batek ia bi urtez egindako lanaren ondorio gisa sortu zen 2010eko urtarrilean, Gipuzkoako Foru Aldundiko Berrikuntzarako Sailaren babesarekin.

2012an, Eusko Jaurlaritzako Industria, Berrikuntza, Merkataritza eta Turismo Sailak LANGUNEri Hizkuntza Industrien Precluster titulua eman zion, sektore estrategikoa Euskal Herriarentzat.

Elkartearen helburua da Euskal Herriko Hizkuntza Industrien garapena eta lehiakortasuna sustatzea, elkarlanerako eta berrikuntzarako guneak sortuz sektorea ikusgaiagoa egingo duten eta bere balio erantsia handituko duten produktu/zerbitzuetan, teknologietan eta merkatuetan.

Aldi berean, LANGUNEk nazioarteko erreferentzia-clusterra izan nahi du, bere ingurunearen garapen ekonomiko eta sozialerako, hizkuntza-industrien erronkei aurre egiten duena. Horretarako, 2014-2017 Plangintza Estrategiko berrian lanean ari dira Precluster Elkartean, enpresen arteko, sektoreen arteko eta publiko-pribatuen arteko lankidetza errazagoa izatea lortzeko, ezarritako erronka estrategikoei aurre egiteko eta sektorearen ikusgaitasuna areagotzeko, industria honetako elkarteak mundu mailan kokatzeko eta bikaintasuna eta berrikuntzarako lan egiteko.


LANGUNE Elkarteko kideen zerrenda:

Ahotsak – Euskal Herriko hizkerak eta ahozko ondarea
Ametzagaiña
Artez Euskara Zerbitzua
Asmoz Fundazioa
Bakun Itzulpen eta Argitalpen Zerbitzua
Bilboko Merkataritza Ganbera / Cámara de Comercio de Bilbao
Bitez Logos
CodeSyntax
Egunea
Eizie – Euskal Itzultzaile, Zuzentzaile eta Interpreteen Elkartea
Elduaien Hizkuntza Eskola-Academia de Idiomas
Elhuyar
Emun – Lana Euskalduntzeko Kooperatiboa
Hori Hori
IK4 Reserach Alliance (IK4-Tekniker eta Vicomtech-IK4)
Iametza Interaktiboa
Gipuzkoako Txinatar Institutoa / Instituto Chino de Gipuzkoa
Lacunza
Maramara* taldea
Mondragon Lingua
HUEZI – Mondragon Unibertsitatea
Pausumedia Elkartea (Bidasoa Media)
Rec Grabaketa Estudioa
Tecnalia Research & Innovation
Tisa
UPV/EHU: Cátedra UNESCO de Patrimonio Lingüísitico Mundial
UPV/EHU: DREAM Group
UPV/EHU: Dpto Lingüística y Estudios Vascos
UPV/EHU: Euskara Institutua / Instituto de Euskera
UPV/EHU: Gogo Elebiduna / La Mente Bilingüe
UPV/EHU: Grupo AHOLAB
UPV/EHU: Grupo IXA
UPV/EHU: PR and Speech Technology Group
Universidad de Deusto / Deustuko Unibertsitatea – DeustoTech (Internet)
Uzei, Terminologia eta Lexikografia Zentroa
Zubigune Fundazioa

IFTTT

Put the internet to work for you.

via Personal Recipe 735099

2013/11/12

Twitter burtsan kotizatzen hasiko da gaur


Twitter burtsa: Sare soziala New Yorkeko burtsan kotizatzen hasiko da gaur. Hain zuzen ere, 70 milioi akzio jarriko ditu salgai, 26 dolarretan bakoitza.

IFTTT

Put the internet to work for you.

via Personal Recipe 735099

2013/11/07

Twitter burtsan kotizatzen hasiko da gaur


Twitter burtsa: Sare soziala New Yorkeko burtsan kotizatzen hasiko da gaur. Hain zuzen ere, 70 milioi akzio jarriko ditu salgai, 26 dolarretan bakoitza.

IFTTT

Put the internet to work for you.

via Personal Recipe 735099

2013/11/04

Elhuyarrek eta DIPCk IV. ON ZIENTZIA bideo-lehiaketa jarri dute abian

Elhuyarrek eta Donostia International Physics Center-ek (DIPC) antolatuta, hasiera eman zaio zientziaren eta teknologiaren dibulgaziorako IV. ON ZIENTZIA bideo-lehiaketari. Lehiaketa hau Teknopolis telebista-saioaren barruan antolatua da, eta bideorik onenak telebista-saio horretan ikusteko aukera izango da.
Hiru kategoria izango dira:
Bideo amateur onenaren saria: 3.000 euro
Bideo profesional onenaren saria: 2.000 euro
Euskarazko bideo onenaren saria: 1.000 euro
Edonork har dezake parte lehiaketa honetan, eta bideoen gaia librea da: norberaren edo besteren ikerketak, eztabaidak, zientziaren mugarriak, oinarrizko kontzeptuak, pertsonaia historikoak, etorkizuneko edo iraganeko zientzia, bitxikeriak… Bideoek gehienez 5 minutuko iraupena izan behar dute, eta euskaraz, gaztelaniaz edo ingelesez aurkeztu ahal izango dira. Helburua da publiko-mota guztiek ulertzeko moduko aurkezpen erakargarria egitea.

Epaimahaia zientziaren, teknologiaren, komunikazioaren eta zinemaren munduko bost lagunek osatuko dute. Lehiaketaren oinarriak, izena emateko orria eta aurreko urteetako bideoak www.onzientzia.tv webgunean daude ikusgai.

IFTTT

Put the internet to work for you.

via Personal Recipe 735099

2013/10/30

Google Calendarren erabilerak

Zibergela

Google Calendar, hitzorduak jasotzeko lanabes bikaina da, baina gehiagorako ere balio dezake. Partekatze aukerek, bilaketek, denbora lerroa eta antzeko ezaugarriek sinplea baina ahaltsua den proiektua kudeatzeko tresna bihurtzen dute.

Aitor Aretxaga

@bekereke Bitarlan informatika eta web zerbitzuak

Behar bati erantzuteko pentsatu, diseinatu eta eraikitzen dira aplikazioak printzipioz. Ondoren, ustekabeko aldagaiek produktuaren azken erabilera eralda dezakete. Adibidez, egoera batzuetan, tresna baten funtzioak sortu zenekoa izateari uzten dio, eta erabiltzaileek emandako erabilpenak ordezkatzen du. Bereganatu, nahi denerako erabili eta gauza berri interesgarriagoak lortzeko joera erakusten du kontsumo digitaleko komunitateak. Era honetan, ordainduta eros daitezkeen proiektu kudeatzaileak bezainbesteko zerbitzua eman dezake Google Calendarrek.

Google Calendar ere, berez, eguneroko egitekoak gogorarazteko balio duen doako egutegia da, baina, era berean, edozein proiektu kudeatzaile ordezkatzeko balio dezakeen alternatiba sinple eta ahaltsua da. Googleren gainontzeko hodeiko bulegotika aplikazioen gisara, sarbidea lortzeko nahikoa da Gmail kontua edukitzea, eta bilatzailean jarrita aurkitu.

Partaide askoren lankidetza posible egiten duen heinean, Google Calendar baliagarria suertatuko zaio taldeak eta proiektuak txukun kudeatu nahi dituen orori. Horrela, denbora lerroak, entregatze-datak, nahiz bestelako datu esanguratsuak kontrolatzeko eta bezeroekin partekatzeko balio dezake. Era berean, hezkuntzan, lan munduko bizipenak simulatzeko ere oso erabilgarria da. Hala, bada, zeregin baten epeak eta faseak zehazteak garrantzia duenerako, oso tresna baliagarria izan daiteke lana antolatzeko eta planifikatzeko orduan.

Etekina ateratzeko jarraibideak

Sortu egutegi bat proiektu bakoitzeko. Egutegiak izendatzeko orduan, komenigarria da proiektu bakoitzaren urtea haren izenarekin batera adieraztea. Izendegi egokia erabiltzeak horietako bakoitzaren sailkapena eta bilaketa erraztuko dituelako.

Egutegi hori partekatu. Proiektuko partaideekin partekatu egutegia. Bezero edo irakaslearekin ere parteka daiteke, epeen berri izan edo jardueren jarioaren jarraipena egitea beharrezko balitzaie.

Denbora lerroa atazekin osatu. Jarri egitekoak egutegian, itxarotako hasiera eta amaiera datekin. Horrekin, informazio xehez osatutako proiektu denbora lerroa bihurtuko da egutegia.

Bezeroen sarbidea kudeatu. Litekeena da informazio guztia denen bistara jarri nahi ez izatea. Google Calendar ez dago prestatuta horri erantzuteko. Hala ere, lasterbide gisa egutegiaren kopia bat egin daiteke, informazio tekniko gutxiago eta orokorragoa sartuz.

Arazoak eta ustekabeak kudeatu. Planifikazioek atzerapenak eta ustekabeak izaten dituzte halabeharrez. Arazoren bat ageri denean, beste ataza bat sortu egun guztirako iraupenez. Kideek ikusi ahalko dute, eta hori konponduko dute edo aintzat hartuko dute, behinik behin. Egun horretan konpontzen ez bada edo eraginak jarraitzen baldin badu, klik egin, eta hurrengo egunera arrastatu daiteke ataza.

Erabili hashtag '#'. Google Calendarrek bilatzailea dauka, eta datu base bat bezala erabili daiteke. Egitekoei etiketak gehitzeak, aurretik egindako antzeko jarduerak berreskuratzea errazten du kontsulta egiteko orduan.

Informazioa esportatu. Hainbat formatutara esporta daitezke proiektuen egutegiak (PDF adibidez), eta momentuan txosten gisa jaso. Horretarako, egutegi baten gainean jarri, eskuineko gezia klikatu eta Egutegiaren Ezarpenak hautatu; Egutegiaren Helbidea ataleko HTML botoia sakatu, eta klik egin azaltzen den estekan; azkenik, inprimatzeko aurrebistan ageri den inprimagailuaren ikonoa aukeratu, eta Gorde Honela botoian emanda, prest egongo da PDF formatuan gordetzeko aukera.

Sakelakoan ohartarazpenak konfiguratzeko

Honetaz guztiaz gain, Google Drive aplikazioa erabili eta karpeta bat taldekideen artean partekatzea ere komenigarria da. Hor dauden dokumentu guztiak gonbidatzen diren partaide guztientzat eskuragarri egoteko balioko baitu.

Are gehiago, lankidetzarako prestatuta dagoenenez, dokumentu baten gainean elkarlanean eta aldi berean egindako eguneraketak ere denek jasoko dituzte berehala. Era horretan, dokumentuen bertsio ezberdinen arazoarekin amaitu daiteke.

Esandakoaz gain, proiektuaren egutegiaz etengabe eguneratuak egon nahi duten erabiltzaileek, telefonoan edota tabletan konfigura dezakete zerbitzua; hitzorduen, faseen edo epe mugen alertak jasoko dituzte. Google-ren laguntza orrialdean edo https://support.google.com/calendar/ helbidean zehazten dira pausoak, Egutegi bat nola inportatu, esportatu edo sinkronizatu atalaren barnean.



IFTTT

Put the internet to work for you.

via Personal Recipe 735099

2013/10/28

Elhuyar anaien efektupean abiatu dugu CAF-Elhuyar sarien 2013ko edizioa

Elhuyar efektua = Sormena. Elkarlana. Dibulgazioa. Diziplinartekotasuna.


Elementu horiek osatzen dute Elhuyar anaiengandik jaso dugun ondare nagusia. Eta, aurten, Fausto eta Juan Jose Elhuyarrek Bergarako Mintegian wolframa isolatzea lortu zutenetik 230 urte betetzen direnean, uste dugu balio horiek nabarmentzea dela egin diezaiekegun omenaldirik onena. Alegia, Elhuyar efektua sortzea gizartean; edo, bestela esanda, sormena, elkarlana, dibulgazioa eta diziplinartekotasuna sustatzea. Horregatik, Elhuyar efektua izango du ardatz CAF-Elhuyar sarien 2013ko edizio honek.

Beraz, Elhuyar anaien efektupean, honako kategoria hauetarako deia egingo dugu CAF-Elhuyar sarien 2013ko edizioan:

Dibulgazio-artikulu originalak:
Dibulgazio-artikulu orokorrak: 2.000 €
Egilearen doktore-tesian oinarritutako dibulgazio-artikuluak: 2.000 €

Zientzia-kazetaritzaren arloko lanak: 2.000 €

Zientzia gizartean sorkuntza-beka: 5.000 €

Azken beka hori aurreko edizioan eman genuen lehen aldiz. Kategoria honetan, zientziaren/teknologiaren eta gizartearen arteko elkarrekintza landuko duten proiektuei lagundu nahi die sariketak. Proiektuen izaera zientifikoa, artistikoa zein soziologikoa izan daiteke, eta arlo zientifikoa eta soziala harremanetan jartzea izan behar du haien muinak. Berriro ere hitzetik hortzera diziplinartekotasuna, sormena, elkarlana eta dibulgazioa.

Edozein diziplina artistiko, soziologiko edo zientifikotako proposamenak onartuko dira sariketara: ikus-entzunezkoak, dantza edo musika ardatz dutenak, esperimentu artistiko sozialak, argazkilaritzakoak, gizartea helburu duten ikerketa zientifikoak, azterketa soziologikoak...

Eremu zientifiko-teknologikoa zentzu zabalean interpretatuko du autoreak edo autore-taldeak: kontzeptu zientifikoak, ikerketa, garapen teknologikoak, gertaera historikoak, etorkizunaren irudikapenak, erronkak, aurreiritziak, kezka sozialak, zalantza etikoak... izan litezke proiektuaren ardatz.
Lanak aurkezteko epea 2014ko urtarrilaren 31 arte dago zabalik. cafelhuyarsariak@elhuyar.com helbide elektronikora bidal ditzakezue lanak; edo, bestela, posta arruntez, Elhuyar Taldearen egoitzara: Zelai Haundi Kalea, 3. Osinalde industrialdea. 20170, Usurbil.

IFTTT

Put the internet to work for you.

via Personal Recipe 735099

2013/10/24

Youtubek musika zerbitzu bat sortuko du, urtea bukatu baino lehen


Youtube musika: 2013. urtea bukatu baino lehen, Youtube bideo plataformak musika zerbitzu bat sortuko du, Spotfyrekin eta iTunes Radiorekin lehiatzeko.

IFTTT

Put the internet to work for you.

via Personal Recipe 735099

LANGUNEk, Hizkuntza Industrien Precluster Elkartea Euskal Herrian, sektoreari buruzko informazio saioa antolatu du Bruselan

Euskadiren Europar Batasuneko Ordezkaritza, Etxepare Institutua eta bazkide diren Elhuyar eta Euskal Herriko Ahotsak enpresekin batera, Hizkuntza Industrien Precluster elkarteak, LANGUNEk, informazio saio bat antolatu du Bruselan, Euskal Herriko kultura eta hizkuntza sektorearekin lotuta dauden euskal instituzio nagusienak aurkeztu nahian.

Jardunaldia, Elebitasunetik eleaniztasunera, gure industria sarearen lehiakortasuna garatzeko gakoa lemapean ospatuta, eleaniztasunarekin eta hizkuntza industriekin lotura duten europar instituzio nagusiekin sektore estrategiko honen ageritasuna nabarmentzeko Euskal Herriko elkarte eta enpresetatik abian jarri dituzten praktika onak elkarbanatzea du helburu. Ekimena Europar Batasunak ezartzen ari den 2014-2020 programa eta finantzazio lerro berriekin bat egin du, Euskadiko hizkuntza industria sektorea Europar Batasunean kokatuz.

Jardunaldia Euskadiren Europar Batasuneko Ordezkariarekin hasi da. Marta Marínek Europar Batasunak eleaniztasunaren auzian garatzen ari dituen ekimenak azaldu ditu, halaber, 2014-2020rako Europar Batasunaren etorkizuneko programazioa eta hizkuntza industria eta industria kultural eta sortzaileak hartzen ari diren pisua aipatu ditu.

Ondoren, Fernando Alana LANGUNEko zuzendari nagusiak elkartearen helburu nagusiena Euskal Herriko hizkuntza industrien garapena eta lehiakortasuna sustatzea dela adierazi du, "hazten ari den sektore estrategikoa gara, gure gizartean errotuta dagoena".

Halaber, Fernando Alanak adierazi duen bezala "uneoro aldatzen eta hazten ari den sektore bat gara, zorionez, hizkuntza produktu eta zerbitzuak ezinbesteko inbertsio bezala kontuan hartzen ari direlako, sortze, garapen, salmenta eta merkaturatze prozesu guztiak kanpo merkatura eramaterako garaian, beharrezkoa ez den gastu bat izan beharrean".

Ildo beretik, LANGUNEko Zuzendari Nagusiak aipatu du orainaldia hizkuntza desberdinetan informazioa kudeatzeko eta komunikatzeko gai diren enpresa eta profesional eleanitzek osatzen dutela lehiakorragoak izateko.

"Hemen Euskal Herriko Hizkuntza Industria berebiziko garrantzia hartzen du laguntza eta euskarri bezala, produktu eta zerbitzu desberdinen bitartez, edozein industria sektoreko enpresei, beraien komunikazio prozesuetan, bai barnekoak, bai kanpokoak, eleaniztasunaren kudeaketa eskainiz" esan du.

Era berean, Bruselan ospatutako jardunaldian Leire Canciok, Elhuyarreko Zuzendari Nagusiak, parte hartu du. Enpresa hau euskal Hizkuntza Industrien arteko nagusienetariko bat da eta LANGUNE Preclusterrako lehendakaritza du. Leire Canciok, bere elkarteko eboluzioa azaldu du, elebidun zerbitzuak eskaintzetik eleanitzak diren zerbitzuak eskaintzera.

Etxepare Institutuko Euskal kulturaren sustapen eta zabalpen arloko Zuzendariak, Mari Jose Olaziregi, bertaratu diren guztiekin mundu osoan zehar euskal hizkuntza eta kultura zabaltzeko Institutuak burututako lana azaldu du. Atzerriko unibertsitateekin dituzten 36 hitzarmenak aipatu ditu, euskal hizkuntza eta kulturako klaseak ematen diren unibertsitateak, joaten diren hizkuntza feriak (Expolangues, London Language Show), literatur lanen itzulpenerako laguntzak, euskal idazleak sustatzen diren liburu azokak (Liber, Frankfurt, Guadalajara), etorkizuneko euskal hizkuntza eta kultura irakasleak trebatzeko burutzen diren ikastaroak Euskal Herriko Unibertsitatean ("Excellence in Basque Studies"), eleanitz argitalpenak (Colección Cultura Vasca, Colección Creadores Vascos), unibertsitateko ikasleentzat euskara ikasteko eskaintzen diren diru-laguntzak, eta irakurlegoetan kultura ekitaldiak programatzeko diru-laguntzak. Olaziregi doktoreak azpimarratu du Etxepare Institutuak dituen 40 gorako hitzarmenak Euskaltzaindia, Institut Ramon Llull edota Instituto Cervantes bezalako instituzioekin edo EIZIE, Basque Penn Club o LAF (Literatura Across Frontiers) bezalako elkarteekin.

Azkenik, Idoia Etxeberria eta Ainhoa Bernabe, Euskal Herriko Ahotsak-eko ordezkariak, aukeraz baliatu dira Ahotsak.com Euskal Herriko ahozko ondarea herri hizkerak bildu eta hedatzea helburu duen programa azaltzeko.

Informazio saioaz gain, LANGUNEko Zuzendari Nagusiak, Fernando Alanak, bere egonaldia urriaren 24an Bruselan Hizkuntza Industrien II Foru Europarrean parte hartzeko aprobetxatu du, industria sektore honekin lotura duen zerbitzu garapena eta profesionalen trebakuntzarako informazioa eta praktika onak elkarbanatuz.

Urte honetan ere, LANGUNE Preclusterrak Foruan parte hartzeak europar instituzioek Euskadiko hizkuntza industrien lana errekonozitu egiten dutenaren ondorio da, Europa mailan praktika ona bihurtuz. 2011an, LANGUNEk bere lehenengo harremanak finkatu zituen europar instituzioekin, Hizkuntza Politikarako Sailburuordetza eta Euskadiren Europar Batasuneko ordezkaritzarekin batera.

Alanak Euskal Autonomi Erkidegoan sektoreak duen garrantzia azpimarratu du, pasa den urtean 276 milioi euroko fakturazioa eduki duena, %1,8ko hazkundea jasan duena, 2011rekin alderatuta, 5.000 profesional ingururi enplegua eskainiz, zenbaki hauek Euskadiko Barne Produktu Gordinaren % 0,42a errepresentatzen dute. 2013an % 1eko inguruko hazkundea aurreikusten da.

Informazio saioaren antolaketarekin eta Hizkuntza Industriaren II Foru Europarrean parte hartzearekin, LANGUNEk, pausu bat gehiago ematen du Europa mailan hizkuntza industrien asoziazio-ordezkari eta bitartekari onarpenean; Estatu mailan aitzindari izateaz gain.


LANGUNE

Langunek Itzulpengintza, hizkuntzen irakaskuntza, eleaniztasunaren kudeaketa eta hizkuntza teknologia arloko 38 erakunde elkartzen ditu. Gipuzkoa Berritzen-Innobasque plataformaren barruan martxan jarritako lan talde batek ia bi urtez egindako lanaren ondorio gisa sortu zen 2010eko urtarrilean, Gipuzkoako Aldundiko Berrikuntzarako sailaren babesarekin.

2012an, Eusko Jaurlaritzako Industria, Berrikuntza, Merkataritza eta Turismo Sailak LANGUNEri Hizkuntza Industrien Precluster titulua eman zion, sektore estrategikoa Euskal Herriarentzat.

Bere helburua Euskal Herriko Hizkuntza Industrien garapena eta lehiakortasuna sustatzea da, elkarlanerako eta berrikuntzarako espazioak sortuz sektorea ageriago egingo duten eta bere balio erantsia handituko duten produktu/zerbitzuetan, teknologietan eta merkatuetan.

Aldi berean, LANGUNE nazioarteko erreferentzia clusterra izan nahi du, bere ingurunearen garapen ekonomiko eta sozialerako, hizkuntza industrien erronkei aurre egiten duena.

Hori lortzeko, precluster Elkartetik 2014-2017 Plangintza Estrategiko berrian lanean ari dira, enpresen arteko, sektoreen arteko eta publiko-pribatuen arteko kooperazioa errazagoa izan dadila, ezarritako erronka estrategikoei aurre egiteko eta sektorearen ageritasuna nabariago egiten, industria honetako elkarteak mundu mailan kokatzeko eta bikaintasuna eta berrikuntzarako lan egiteko.


LANGUNE Elkarteko kideen zerrenda:

  • Ahotsak – Euskal Herriko hizkerak eta ahozko ondarea
  • Ametzagaiña
  • Artez Euskara Zerbitzua
  • Asmoz Fundazioa
  • Bakun Itzulpen eta Argitalpen Zerbitzua
  • Bilboko Merkataritza Ganbera / Cámara de Comercio de Bilbao
  • Bitez Logos
  • CodeSyntax
  • Egunea
  • Eizie – Euskal Itzultzaile, Zuzentzaile eta Interpreteen Elkartea
  • Elduaien Hizkuntza Eskola-Academia de Idiomas
  • Elhuyar
  • Emun – Lana Euskalduntzeko Kooperatiboa
  • Hori Hori
  • IK4 Reserach Alliance (IK4-Tekniker eta Vicomtech-IK4)
  • Iametza Interaktiboa
  • Gipuzkoako Txinatar Institutoa / Instituto Chino de Gipuzkoa
  • Lacunza
  • Maramara* taldea
  • Mondragon Lingua
  • HUEZI – Mondragon Unibertsitatea
  • Pausumedia Elkartea (Bidasoa Media)
  • Rec Grabaketa Estudioa
  • Tecnalia Research & Innovation
  • Tisa
  • UPV/EHU: Cátedra UNESCO de Patrimonio Lingüísitico Mundial
  • UPV/EHU: DREAM Group
  • UPV/EHU: Dpto Lingüística y Estudios Vascos
  • UPV/EHU: Euskara Institutua / Instituto de Euskera
  • UPV/EHU: Gogo Elebiduna / La Mente Bilingüe
  • UPV/EHU: Grupo AHOLAB
  • UPV/EHU: Grupo IXA
  • UPV/EHU: PR and Speech Technology Group
  • Universidad de Deusto / Deustuko Unibertsitatea – DeustoTech (Internet)
  • Uzei, Terminologia eta Lexikografia Zentroa
  • Zubigune Fundazioa

IFTTT

Put the internet to work for you.

via Personal Recipe 735099

2013/10/23

Apple konpainiak iPad mini eta iPad Air berriak aurkeztu ditu


Apple ipad 5 eta ipad mini 2 berriak: iPad mini eta iPad Air aurkeztu ditu Apple-k, eta software politika aldatu du. Doako softwarearen aldeko apustua egin du.

IFTTT

Put the internet to work for you.

via Personal Recipe 735099

2013/10/22

Ipad 5 eta Ipad mini berria: Mugarria ezarriko al du Applek?


Apple ipad 5 eta ipad mini '2' berriak: Applek gailuok aurkeztuko ditu 2013ko urriaren 22an. Lehiakideengatik ezberdinduko duen ezaugarriak izan beharko ditu.

IFTTT

Put the internet to work for you.

via Personal Recipe 735099

2013/10/18

Windows 8.1 sistema eragilearen eguneratzea eskuragarri dago jadanik


Windowsen 8.1 bertsioa eskuragarri dago Microsoften online dendan, eta bihar iritsiko da saltokietara. Berrikuntzen artean, 'Hasiera botoia' berreskuratzea.

IFTTT

Put the internet to work for you.

via Personal Recipe 735099

2013/10/17

Windows 8.1 eguneraketa eskuragarri dago jadanik


Windowsen 8.1 bertsioa eskuragarri dago Microsoften online dendan, eta bihar iritsiko da saltokietara. Berrikuntzen artean, 'Hasiera botoia' berreskuratzea.

IFTTT

Put the internet to work for you.

via Personal Recipe 735099